شريف عبوده المدير الرابع والخامس فى (( انا المدير))

نرجعلكم تانى مع برنامجكم ( انا المدير )
ودى فكره بسيطه عن البرنامج /

انا المديرفكره جديده بس جميله

هى عباره عن

اننا كل مره هنختار عضو او مشرف من ايللى موجودين معانا فى المنتدى

هيبقى المدير وهيقول انا المدير

دي القواعد بالظبط علشان كله يفهم كويس

هدخل انا دلوقتي و اقول فلان مدير ..

بس هيكون مدير على المنتدى

و لمده 7 ايام

كل يوم يدخل يقول انا هعمل كذا و كذا و كذا

يعني مثلا هشيل الموضوع ده

او احط الموضوع ده

او اضيف الفكره دي

او المسابقه دي

يعني يعتبر نفسه مدير و يقولنا لو هو مدير هيعمل ايه في القسم ده

و يتابع القسم

اشمعنا احنا بنتعب و نتابع يعني

و كمان من حقه يشيل قسم واحد من المنتدى و يحط قسم واحد في المنتدى

و بعد كده هيعين على كل قسم مشرف

كل ده هيكون في رد ليه

في الموضوع هنا

وانا هيتابع الردود واللي هيلقيه في مصلحة المنتدي او اقتراح هيفيدنا في حاجة هنفذه وان شاء الله ينفذ

اما بالنسبه للمشرفين الي هيعينهم هيقوم بانه يطلب من كل مشرف عينه طلب واحد بس يعمله في القسم ده (بمعنى لو عين محمد مثلا على اخبار الناصريه يبقى محمد لازم يعمل موضوع فى اخبار الناصريه
وهيرد علي المواضيع كانه مشرف بالظبط يعني مش شكر وخلاص يرد زي المشرف بالظبط بس ده في القسم اللي هيقول عليه بس

و بعد ال7 ايام

هيقدم استقالته في اداره المنتدى

و هيعين مدير بعده

يلا علشان نقول رابع مدير معانا هيكون مين بعد المتالقه / ايما

هو شخصيه متالقه دايما معانا ومعروفه

هو شخصيه فرضت علينا احترامها

هو شخصيه ذو فاعليه فى المنتدى

تالق وابدع فى مواضيعه وردودها ومتابعتها المستمره

هو صاحبت الاحساس المرهف

هو الزمالكاوى المتعصب فى حبه لنديه

صاحب القلب الابيض

طبعا عرفتوا هو مين

هو المدير
هو
هو
المدير الجديد /
شــــــــريـــــــــــــف عــــــــــبــــــــــــوده

فاهلا به مديرا للمنتدى

مبروك ياشرف عالمنصب الجديد
وعايزك تعين حد مشرف عالقسم الطبي الأسبوع ده بقي بدالي
وقشطة بقي

البس يامعلم شريف ربنا معاك عيييييييييييييييييييييييييييييييييييييييش

M.ELKASHEF

الف مبرووووووك استاذ شريف

على فكرة الموضوع لذيذ اوى انا جربته غير كرسى الاعتراف خااااالص

احسااااااااااس مختلف تماما ههههههههههههه

ربنا معاك يارب ويوفقك

مبروك ياشيكو بس الموضوع محتاج اهتمام

ولازم تكون صارم في قراراتك

وربنايعينك ويقويك

اولا: اشكرك أستاذ/ محمد على المقدمه الجميله ديا
ثانيا: أنا طبعا المنتدى الاسبوع ده لازم يمشى كويس علشان انا صعب جدااااااااااااااااااااا طبعا سلومه لاقرع ميعرفش ابوه
ثالثا: اول القرارات تم تعين العضو (حازم حبيبى)مشرفه على القسم الطبى هذا الاسبوع
رابعا: ده هنقوله مع بعض بكره والله الموفق

ماشي ياعم سلومة يعني أنت شبكت في الكلمة ههههههههههه
أول ماتعض تعض فيه وماله
يعني انا لازم أخليك تكسبني في البلاي ستيشن عشان ترحمني ههههههههه\
والله لاغلبك برده
silly

مبـــــــــــــــروك وربنا معاكــــــــ

مبـــــــــــــــروك wink

من الأخر إنت ياشرف مش قد المسئولية ,.........

dr_m.ragab كتب:

من الأخر إنت ياشرف مش قد المسئولية ,.........

لا لا يادكتور بالراحة عليه شوية مهمه كان دا ابننا برضه اي نعم هو مش مهتم ومتفعلش بس معلهش اكيد مشغول ولا حاجة

M.ELKASHEF

ده استهتار وانا اطالب المسئولين بمعاقبته لعدم ابدائه اي قرار

يظهر انه كل شئ تمام وعال العال لانه شريف مااخدش اى قرار
حبيبى يافخر والله ششششششششششششششششششششغال عال

استاذ شريف حضرتك فين كده ؟

يارب يكون عدم التفاعل خير ان شاء الله

مبقاش وقت على نهايه اسبوع حضرتك الادارى وكلنا مستنيين القرارات البناءه

محمود موسى كتب:: يظهر انه كل شئ تمام وعال العال لانه شريف مااخدش اى قرار
حبيبى يافخر والله ششششششششششششششششششششغال عال

منورررررررررررررررررررر ياجوجو والله واحشني ياصاحبي اخبارك ايه يامعلم

بناءا على طلب المدير / شريف عبوده
تم منحه مده اضافيه لاداره المنتدى خلال هذا الاسبوع
وهذا لعدم اكمال القرارات خلال الاسبوع الماضى
لظروف خاصه به
ووعد ان هذا الاسبوع سوف يدار المنتدى على احسن وجه
نتمنى ذلك ومنتظرين قرارتك البناءه للمنتدى
والفرمانات التى تساعد على ارتقاء المنتدى

انا حاسس ياشيكو ان الكرسي عاجبك ومش عاوز تسيب المنصب بس ده بعدك

mo7amed kawther كتب:

محمود موسى كتب:: يظهر انه كل شئ تمام وعال العال لانه شريف مااخدش اى قرار
حبيبى يافخر والله ششششششششششششششششششششغال عال

منورررررررررررررررررررر ياجوجو والله واحشني ياصاحبي اخبارك ايه يامعلم

دا نورك يا كوثر والله انت كمان واحشنى
داانت من كتر ماانت واحشنى جايلك المملكة خلال شهر بالكتير ان شاء الله

واكيد شريف الاسبوع دا هيطل علينا بقرارات والا قرارات عمران مجاهد
همتك يا فخر

يعني بالذمة ياجماعة في مدير يبقي له دور تاني
زي اللي سقط في الامتحان...........هه
والله شئ جميل خالص
وأهوه انهارده الاتنين ولسه سيادة المدير مهلش علينا
وعجبي ..........

ياحموده شد علي شريف شويه فين القرارات

ده استهبال والله

بجد انا زعلان جدا

إنت فين يا كابتن شريف إررررررررررررررررجع محتاجنلك

ليه كدا بس ياحمودة بلاش احراج بقي كفايه كدا
منك لله يااللي في بالي كسفتنا

M.ELKASHEF

بلاغ رسمى
____________

السيد المشرف /محمد هلالى ..
تحية طيبة وبعد,..
اتوجه لسياتكم بهذه الشكوى فى حق المدير الرابع والخامس فى ((انا المدير ))
السيد/ شريف عبوده , متهما اياه بالتقصير الشديد ,والغياب الملحوظ ,والتنازل الغير شرعى عن حقه فى اصدار القرارات والاقتراحات ..
وبرغم انكم تكرمتم ونظرا لظروفه الخاصة قد منحتموه مدة جديدة لاثبات وجوده وجدارته الا انه والى الان لم يظهر الينا .
وبناءا عليه ارجو من سيادتكم النظر فى الموضوع والضرب بيد من حديد على يد المقصرين واتخاذ الاجراءات المناسبة تحقيقا للعداله .
وتفضلوا بقبول فائق الحترام...

مقدمه لسيادتكم ,
العضو/محمود موسى

واضيف للشكوى المقدمة من العضو محمد موسي
انه حرصا منك على مبدا الرجل المناسب في المكان المناسب ومبدا ان المنصب تكليف وليس تشريف وانما مسئولية والتى هى مشكلة بلدنا الاساسية
اطالب المشرف الاول الاستاذ محمد هلالى بالاتى:
1:تعيين مدير اخر للمنتدى يكون على قدر المسئولية بدلا من المدير الحالى الذي اراه في رايي الشخصي عديم المسئولية.
2:معاقبة العضو شريف عبودة بايقاف عضويته لمدة لا تقل عن اسبوع كامل لتجاهله قوانين المنتدى وعدم تحمله المسئولية الملقاة على عاتقه.
ولسيادتكم الراى الاول والاخير
مقدمه لسيادتكم /
العضو: عامر صبري
وشكرا

محمود موسى كتب:

عامر كتب:

.

نعم الراي والتفكير
موافقة

M.ELKASHEF

بسم الله الرحمن الرحيم
انا مش عارف أبدء كلامى منين ولو بدءت هقول أيه
1/ أنا متاخرتش على المنتدى الا لسبب ظروف خارجه عن أرادتى.
2/انا شرف كبير جداااااااا ليا أنا أكون مدير المنتدى وأعتقد شرف لاىحد.
3/ أنا بشكر الاستاذ: محمد هلالى على ثقته بيا والاصرار على وجودى مدير للمنتدى.
4/طبعاأحب اوجه كلمه للاعضاء والمشرفين التهمونى ورمونى بشاء شديه القسوة منهم . محمد كوثر _محمود جاد_ محمد رجب _حماده الكاشف_ عامر صبرى
قد أكون اخطأت لكن من المفروض أن يكون الحساب وتوجيه الحساب بطريق افضل من كده وكأنكم تناسيتم انى انا مدير المنتدى وعلى ذلك وبعد عودتى والحمد الله سوف يتم أنزال عقوبات شديده على المسؤلين على هذه الموأمره والمدبرين للاطاحه بيا من منصب مدير المنتدى( انا حولت اعرف عدو من حبيبى) بس طلع حبيبى كتير.
5/ وأخير سوف يتم انزال القرارات والعقوبات على المخاليفين والخارجين عن نمط المنتدى وعلى رأسهم السيد / حماده الكاشف والسيد/ عامر صبرى الساعه 11 صباحا ان شاء الله بعد أخذ اراء الساده المستشارين والله الموفق.

يعنى سيادتك اول ماتصدر قرار تبقي قرارات عقوبة كده مرة واحدة
خلاص المنتدى مش محتاج حاجه نهائي عشان تبقي قراراتك بالمنظر ده
عامة انا لسه عند رايي انك مسئول غير مسئول بالمرة
وبص بينى وبينك المحاكم

هاهاهاهاهااهاهاهاهاهاهاهاها
إيه الي انتى بتعملوه ده يابني !!!!!!!!
أنت فكرت نفسك مدير بجد
دانت لومدير بجد متجرئش تتكلم كده
وانا من موقعي هذا بأطالب السادة المسئولين (الحقيقيين) بتوقيع اقصي العقوبة عليك
واللي يكون اقلها طبعا تصفير مساهماتك ولو فيه حاجه اصعب من كده يكون احسن طبعا
ياعم المدير

انا اطالب بخصم 100 نقطة من حساب شريف

لكي يكون عبرة لغيرة من الاعضاء

وبم اننا بنكرم الاعضاء النشيطين ونعطيهم اوسمه

يبقي لازم نعاقب المقصر ونحطيله علامه يكتب عليها عضو مستهتر

وشكرا

بسم الله الرحمن الرحيم
وبعد مواصله سلسله التهكمات والاتهامات ضدى بحق وغير حق قررنا نحن مدير المنتدى بمارسه حقى الدستورى الذى يحميه قانون المنتدى فى القرارات الاتيه:
1/أعتزر رسميا لمشرف القسم عن التقصير الخارج عن ارادتى وتغيبى عن ممارسه عملى اتجاه هذا القسم وتقصيرى الغير متعمد اطلاقا.
2/أطالب السيد:عامر صبرى على استكمال قوانين الاحترام الى النهايه الخاص بى ونشر اعتزار رسمى على المنتدى بسبب التعدى فى الالفاظ واللكلمات على مدير المنتدى هذا الاسبوع.
3/يتم خصم 50 مساهمه من مساهمات محمد رجب وابلاغه بانذار اول على التهكم واستخدام اللفاظ التى لا تدل على طالب جامعى وعدم الالتزام بقوانين المنتدى واقالته من منصب مشرف الى عضو عادى.
4/سيتم خصم 10 مساهمه من السيد:حماده الكاشف بسبب الانسياق وراء الباطل وعدم تحرى الصدق.
5/ تم خصم 10 مساهمات من السيد:محمد كوثر لنفس السب السابق.
6/ تم رفض الدعوه المقدمه من السيد:محمود جاد والزام المدعى بمصاريف المحاماه وخلافه.
7/ نكتفى بالتحذير والانذار الاول الى السيد: مصطفى المرسى على استخدام عبارات تثير الراى العام ولا تفيد الصالح العام.
8/حرصا منا على حريه ونزاهة المنتدى وعن حريه الرأى ورأى الاخر( نرجوا من العضو الجديد(GHAST)بعدم الاقتراب من نقد اشخاص من مجتمعنا نقداا شخصيا او التلميح الى شىء خاصه لديه وعدم استخدام اسلوب الهجاء او السخريه من الذات الى اى شخص مهما كانت الاسباب ونرجو ا منك ان تقبل تعليقى وشكرااااااا لك.
9/نقترح انشاء قسم خاص باالانتخابات؟؟؟؟؟؟؟؟؟؟؟؟
10/تتوجه الاداره بجزيل الشكر والامتنان الى خالد الشربينى على المجهود والاداء النشيط خلال الاسبوع والمشاركه الفعاله.
11/ نرجوا من جميع الاعضاء والمشرفين مأزرت النادى الاهلى امام الاتحاد الليبى نصره للكوره المصريه لا اكتر ولا اقل ونطالب المشرف المتميز/ محمود الكاشف على انشاء موضوع خاص بهذه المأزره والوقوف يد واحده.
12/العمل جاهدين وانشاء فكره للمأزه رجل الاعمال / هشام طلعت مصطفى على خروجه من السجن لانه ليس من العدل ان يحدث للشاب مصرى ما حدث فى للبنان اللعينه ونحن نقضى على اكبر رجل اعمال فى مصر واكفء ضابط امن دوله فى سيده لليل.
13/ تم منح الاستاذ/ محمد هلالى مشرف القسم وسام( الحكمه والقياده)
14/ وعلى اللجميع احترام القوانين والعمل على عدم نشر الفوضى وبث كلمات ومصطلحات غير لأقه وغير هادفه والله ولى التوفيق.

ايوه كدا ياشريف اخيرا فهمتنى انت المدير

اخيرا ياراجل اعطيت قرارات

الاعضاء بتعونا كلهم قلبهم بيضاء واكيد هينسوا التاخير

وهيلتمسوا الاعذار بتاعتك بس تعمل حسابك انها اخر مره تقدم فيها اعذار

لان بعد كدا محدش هيرحمك

اما بالنسبه للعقوبات فالمسامح كريم ومتنساش انهم كانوا بيقول عليك كدا علشان هدفهم الارتقاء بالمنتدى

فحسوا انك مقصر فبدؤا بالكلام ودا هدفنا كلنا وهذا هو الاهم

واكيد هما عارفين وواثقين ان فى ايديك حاجات كتير تفيد المنتدى علشان كدا هاجموك

ومشكور ياسيدى على الوسام اللى اعطتهولى

واكيد الكل بينتظر القرارات الصائبه لارتقاء المنتدى

مع احترامى الشديد لصفتكم وشخصكم
أولا / انا اعترض على الخطأ الجسيم الذى لا اقبله والذى وقعت فية وهو التحريف فى اسم شخصى الكريم .
ثانيا / انا اعترض بشدة على انذارى لاننا جميعا نعيش فى عصر حرية الرأى والديمقراطية الذى منحنا إياها سيادة رئيس الجمهورية أطال الله عمرة وجعله سدا منيعا للهذه البلد مكن اعداء الامة بلا استثناء .

ثالثا / أطالب الامة امة المنتدى بمحاكمتك ومثولك امام محمكمة العدل المنتدوية
ومجلس شيوخ المنتدى كأى مواطن

ياأستاذ شريف حضرتك المدير علي عيني وراسي

بس كان لازم تقدم اعتذار عن تأخيرك في القرارات ولو انت علي حق انا موافق بالعقاب الي تشوفه ما هو انت المدير

اولا/ ياسيادة المدير المحترم نحن لم ننكر عليك ظروفك الخاصه الطارئه
ولكن كان يجب عليك تكليف مساعد مدير للاشراف من اختيارك للمتابعه
والاشراف .
ثانيا /ماخوذ فى الاعتبار اعتذارك الرسمى وان كان متاخرا .
ثالثا /غير صائب فى قراراتك التعسفيه القرارات رقم (4,5)لان هؤلاء الاعضاء لم ينساقوا كما تدعى وانما موقفهم صادر عن حقائق الا وهى الغياب والتقصير من ناحية سيادتكم فى الفتره السابقة .
رابعا/ارجو من سياتكم سحب الانذار الموجه للعضو مصطفى المرسى حفاظا على سمعة سيادتكم ولمعرفتنا الشخصية بتمتع سيادتكم بقدر كافى من الديمقراطيه
فلا يطيب لى الاشاعه عنكم انكم غير ذلك.
خامسا/اما بالنسبة للقرار رقم (6) فتدخلكم غير اختصاصى بالمرة لاننا فى هذا المنتدى نطبق الديمقراطيه فلا يعقل ان تستحوز على جميع السلطات ,ولكننا نعمل هنا على توزيع السلطات .
سادسا /اوافقك الراى بالنسبة للقرارات من (8_14) .وادعوا الله ان يلهمك الصواب دائما للارتقاء بالمنتدى .
وتفضل بقبول جزيل الشكر...,
محمود موسى

م / مصطفى مرسى كتب:: مع احترامى الشديد لصفتكم وشخصكم
أولا / انا اعترض على الخطأ الجسيم الذى لا اقبله والذى وقعت فية وهو التحريف فى اسم شخصى الكريم ./ بسم الله أتقدم بأسف شديد لسيادتكم عن الخطأ الغير مقصود بالمرة وأن كان الالف والام لتفخيم.
ثانيا / انا اعترض بشدة على انذارى لاننا جميعا نعيش فى عصر حرية الرأى والديمقراطية الذى منحنا إياها سيادة رئيس الجمهورية أطال الله عمرة وجعله سدا منيعا للهذه البلد مكن اعداء الامة بلا استثناء ./ماهو معنى الحريه : أن الحريه تنتهى عندما تبدأ حريه الاخرين.زى ما قال الريس أنت من حقك تعترض وانا من حقى احبسك.

ثالثا / أطالب الامة امة المنتدى بمحاكمتك ومثولك امام محمكمة العدل المنتدوية
ومجلس شيوخ المنتدى كأى مواطن

/ أحتراما للقوانين المنتدى وحرصا منا على عدم العبث بما يمس المصحله العليا لهذا المنتدى أننى على استعداد ان اتنحى تماما عن منصبى وأعود الى صفوف المشرفين والاعضاء اباشر عملى وفقا بما يكفله لى القانون والدستور وامتثل امام المحاكمه ان كان فى ذلك مصلحه للمنتدى والله الموفق.

يعني انت ياسيادة المدير
بدل ماتفكر في أفكار تنفع المنتدي قاعد تحاكم وتخصم برااحتك
خلاص يعني
انا مش معترف بيك مدير ........من الأخر وأنا قد كلامي وبتحمل كل عواقبه
قال تخصم مني 50 مساهمة قال !!!!!!!!!!!!!
هيه فوضي؟؟؟؟؟؟

محمود موسى كتب:: اولا/ ياسيادة المدير المحترم نحن لم ننكر عليك ظروفك الخاصه الطارئه
ولكن كان يجب عليك تكليف مساعد مدير للاشراف من اختيارك للمتابعه
والاشراف .
ثانيا /ماخوذ فى الاعتبار اعتذارك الرسمى وان كان متاخرا ./ المهم انى اعتذر واعتقد ده يكفى
ثالثا /غير صائب فى قراراتك التعسفيه القرارات رقم (4,5)لان هؤلاء الاعضاء لم ينساقوا كما تدعى وانما موقفهم صادر عن حقائق الا وهى الغياب والتقصير من ناحية سيادتكم فى الفتره السابقة .
رابعا/ارجو من سياتكم سحب الانذار الموجه للعضو مصطفى المرسى حفاظا على سمعة سيادتكم ولمعرفتنا الشخصية بتمتع سيادتكم بقدر كافى من الديمقراطيه
فلا يطيب لى الاشاعه عنكم انكم غير ذلك.
خامسا/اما بالنسبة للقرار رقم (6) فتدخلكم غير اختصاصى بالمرة لاننا فى هذا المنتدى نطبق الديمقراطيه فلا يعقل ان تستحوز على جميع السلطات ,ولكننا نعمل هنا على توزيع السلطات .
سادسا /اوافقك الراى بالنسبة للقرارات من (8_14) .وادعوا الله ان يلهمك الصواب دائما للارتقاء بالمنتدى .
وتفضل بقبول جزيل الشكر...,
محمود موسى

أشكر أستاذ/ محمود بس رحتك شويه عليا كل ابن ادم خطأ وانا من بنى ادم واشكرك على موافقتى على بعض الاراء والاختلاف فى الراى لا يفسد للود قضيه وشكرااااااااااااااااااا

mo7amed kawther كتب:: ياأستاذ شريف حضرتك المدير علي عيني وراسي

بس كان لازم تقدم اعتذار عن تأخيرك في القرارات ولو انت علي حق انا موافق بالعقاب الي تشوفه ما هو انت المدير

/أسف جدا أستاذ محمد اكيد انا أخطأت لكن بجد كان غصب عنى وعامر فصل النت يومين متعمد علشان يحصل الحصل وانا برجع فى قرارى المتخذ ضدك ده انا زعل الناس ورضيك وخد من عنيى وعطيك يترى ده يرضيك

محمد هلالي كتب:: ايوه كدا ياشريف اخيرا فهمتنى انت المدير

اخيرا ياراجل اعطيت قرارات

الاعضاء بتعونا كلهم قلبهم بيضاء واكيد هينسوا التاخير

وهيلتمسوا الاعذار بتاعتك بس تعمل حسابك انها اخر مره تقدم فيها اعذار

لان بعد كدا محدش هيرحمك

اما بالنسبه للعقوبات فالمسامح كريم ومتنساش انهم كانوا بيقول عليك كدا علشان هدفهم الارتقاء بالمنتدى

فحسوا انك مقصر فبدؤا بالكلام ودا هدفنا كلنا وهذا هو الاهم

واكيد هما عارفين وواثقين ان فى ايديك حاجات كتير تفيد المنتدى علشان كدا هاجموك

ومشكور ياسيدى على الوسام اللى اعطتهولى

واكيد الكل بينتظر القرارات الصائبه لارتقاء المنتدى

تلميذ ههههههه وانا مره تانيه بشكرك على الصبر والحكمه وان شاء الله اكون اقدر اضيف للمنتدى خلال الايام القادمه وانا معنديش اى مشكله انى ارجع فى الغقوبات المفروضه على بعض الاعضاء والله ولى التوفيق

ابوس ايدك اتنحي وارحمني

هههههههههههههههه

يا سيد شريف ياريت تضيف للمنتدى وبلاش نظرية المؤامرة الى انت بتعلق عليها فشلك
وياريت تفكر بشكل عقلانى ومنطقي
انت عالاف انت بتفكرنى بمين؟؟
مرتضى منصور مفيش مكان تكون فيه الا لما تعمل مشاكل
حسبي الله ونعم الوكيل

يا سيد شريف ..شريف شوغللك شويه
ربنا يوفقك ..
اقعد بالعافيه

كلام جميل جدااااااااااااا

الف مبرووووووك ...

الف مبرووووووك ...ربنا يوفقك ..

ربنا يوفقك ..

يا سيادة المدير /
لو سمحت إحنا عاوزين تجديدات فى المنتدى تعبر عن رأى حضرتك
أ/شريف صاحب الاحساس المرهف

وإعذزرنى عن التأخير وغيابى على المنتدى
واااااحشنى يا كوثر والله

والله يابني انت خسارة فيك اساس اسم المدير بس مش منصب لا الاسم نفسه اول ماتشم نفسك شوية نازل عقوبات وخصم وجزاءات ايه ياعم ده حاسب نفسك الاول وبعدين حاسب الاعضاء الملتزمين والله الدنيا ماشية بضهرها هههههههههه حسبي الله ونعم الوكيل

M.ELKASHEF

استاذ شريف حللت اهلا ونزلت سهلا فى منصب المدير ( دور ثان )

اسفه انى اتاخرت عليكم شويه وفاتنى المناقشه الحاده اوى دى

وانا من مكانى هذا اناشد جميع الاعضاء السماح لسياده المدير

والتماس العذر لفخامته ونبدا مع بعض صفحه جديده

هو خلاص بقى الليله الاخيره ياعمده والعالم كتيره

هيقدم استقالته اليوم وبكره ان شاء الله هنعين مدير جديد

بس اتوقع انه مدير نشط جدا جدا وهتبقى حلقه ساخنه بمناسبه الصيف الساخن جدا جدا

» شريف عبوده على كرسى الاعتراف العضو رقم 007
» إحصائيات حصريات النادى الأهلى المصرى
» المدير السادس فى (( انا المدير ))
» فتاوى واحكام للشيخ شريف شرف
» الاستاذ / محمد كوثر اول مدير للمنتدى فى (انا المدير )