الاستاذ / محمد كوثر اول مدير للمنتدى فى (انا المدير )

انا المديرفكره جديده بس جميله

هى عباره عن

اننا كل مره هنختار عضو او مشرف من ايللى موجودين معانا فى المنتدى

هيبقى المدير وهيقول انا المدير

دي القواعد بالظبط علشان كله يفهم كويس

هدخل انا دلوقتي و اقول فلان مدير ..

بس هيكون مدير على المنتدى

و لمده 7 ايام

كل يوم يدخل يقول انا هعمل كذا و كذا و كذا

يعني مثلا هشيل الموضوع ده

او احط الموضوع ده

او اضيف الفكره دي

او المسابقه دي

يعني يعتبر نفسه مدير و يقولنا لو هو مدير هيعمل ايه في القسم ده

و يتابع القسم

اشمعنا احنا بنتعب و نتابع يعني

و كمان من حقه يشيل قسم واحد من المنتدى و يحط قسم واحد في المنتدى

و بعد كده هيعين على كل قسم مشرف

كل ده هيكون في رد ليه

في الموضوع هنا

وانا هيتابع الردود واللي هيلقيه في مصلحة المنتدي او اقتراح هيفيدنا في حاجة هنفذه وان شاء الله ينفذ

اما بالنسبه للمشرفين الي هيعينهم هيقوم بانه يطلب من كل مشرف عينه طلب واحد بس يعمله في القسم ده (بمعنى لو عين محمد مثلا على اخبار الناصريه يبقى محمد لازم يعمل موضوع فى اخبار الناصريه
وهيرد علي المواضيع كانه مشرف بالظبط يعني مش شكر وخلاص يرد زي المشرف بالظبط بس ده في القسم اللي هيقول عليه بس

و بعد ال7 ايام

هيقدم استقالته في اداره المنتدى

و هيعين مدير بعده

يلا علشان نقول اول مدير معانا هيكون مين

هو شخصيه متالقه دايما معانا ومعروفه

هو شخص فرض علينا احترامه

هو الاستاذ / محمد كوثر ( المدير الجديد )

فاهلا به

اهلا بيك يامحمد ياكوثر مديراً للمنتدى

مبررررررررررررررررررررررررررررررررررررررررررروك ياكوكو علي المنصب الجديد منتظرين قراراتك يامديرنا والرجالة علي اهبة الاستعداد للتنفيذ وكلمة السر كتكــــــــــــــــــــــــــــــــــــــــــــــــــــــــــوت

M.ELKASHEF

هلا كوثر بااااي

اهلا بيك يا استاذ محمد والف مبروك المنصب الجديد

ومنتظرين اى قرار حضرتك تاخده وكلنا رهن التنفيذ

ربنا يوفقك يارب ويقدرك على ادارتنا اصل احنا اشقياء اوى

ههههههههههههههههههه

مبروك يا سيادة المدير
يلا شد حيلك
ورينا نفسك

معلش بقى يا استاذ عامر منقدرش طبعا نستغنى عنك

بس الظروف حكمت ادينا هنجرب والله جاب نتيجه
يبقى على البركه هههههههههههه

اولا اشكر اخي وصديقي الاستاذ/محمد حمودة هلالي أبو ايمن

ثانيا اوجه الشكر الي كل الاعضاء والمشرفين والاصدقاء علي ثقتهم الغالية

واحب اعرفكم ان انا اداريا فاشل جدا بس هاحول اكون عند حسن ظن الجميع

ونبدأ علي بكرة الله

قرار مدير المنتدي رقم 1

قمنا بإلغاء جميع الالقاب حيث اننا وجدنا انه لا فرق بين مشرف وعضو وان جميع الاعضاء يستحقون لقب مشرف وجاري تنفيذ القرار

قرار اداري رقم 2

يعين المهندس / مصطفي مرسي

كمراقب عام للمنتدي هذا نظرا لمجهوداته في الارتقاء بمستوي المنتدي

قرار اداري رقم 3

يعين الاستاذ / محمد حموده هلالي ناءب لمدير المنتدي

هذا لأهميته الشديدة في منتدنا

قرار اداري رقم 4

تكرم الاستاذة/ ايما

نظرا لموضوعاتها المثير وصاحبة افضل قلم بالمنتدي

قرار اداري رقم5

يعين الاستاذ / حازم الشربينيي

كسفيرا للمنتدي بالخارج نظرا لاهتمامه بالساده اعضاء المنتدي المغتربيين

قرار دكتاتوري

يحاكم المدير السابق الاستاذ/ عامر صبري

وهذا لانه اثبت ابداعه في مجالات عديده ثم ترك المنتدي دون ان يضع لنا خطة لتكملت المسيرة

قرار اداري

يكرم الاستاذ/محمود الكاشف

صاحب الضحكة الحلوة وصانع الابتسامة بالمنتدي

قرار اداري

يحاكم الاستاذ/ محمد الكاشف

نظرا لتقصيره دون ابداء اي مستندات او اعزار للادارة الحالية

العضو الذي لن يقم بتسجيل 7مشاركات اسبوعية سيعاقب عقاب شديد من قبل

الادارة

الرجاء الالتزام بكل القرارات وعدم التجاوز

ايه ياكوثر انا راحت عليا ولا ايه زعـــــــــــــــلان

mo7amed kawther كتب:: قرار اداري رقم 4

تكرم الاستاذة/ ايما

نظرا لموضوعاتها المثير وصاحبة افضل قلم بالمنتدي

متشكرة جدا استاذ محمد على القرار الجميل اوى ده

انا الحمد لله اتكرمت قبل كده كتير بس صدقنى حضرتك ان دى اكتر مرة فرحت فيها

وكمان القرار جاى رقم 4 وده رقمى المفضل ههههههههههه

مجدي فوده كتب:: ايه ياكوثر انا راحت عليا ولا ايه زعـــــــــــــــلان

ياجودا اي في القلب في القلب انا سيبك للتقيل انت تعد مكاني ياجودا

mo7amed kawther كتب:: قرار اداري

يحاكم الاستاذ/ محمد الكاشف

نظرا لتقصيره دون ابداء اي مستندات او اعزار للادارة الحالية

ماشي ياكوكو اقصد ماشي ياحضرة المدير بس كدا دا انت تؤمر بس انا وضحت اسباب غياب عن المنتدي ايام الاثنين والاربعاء لظروف شغلي وذلك في دفتر غياب المشرفين وياريت تبقي رؤوف في حكمك عليا
والامر لك ياقاضي
والامر لك ياقاضي

M.ELAKSHEF

مبروك ياستاذ / محمد شد حيلك وربنا معاك وانا عرفت كلمة السر خلاص كتكوت

حكم في قضية الكاشف

تم اعادة الاستاذ محمد الكاشف الي منصبه مع الزامه بدفع غرامه مقاله اسبوعية في اي باب من ابواب المنتدي

رفعت القعده

سكون الليل كتب:: مبروك ياستاذ / محمد شد حيلك وربنا معاك وانا عرفت كلمة السر خلاص كتكوت

الله يبارك فيك ياماهر وشد حيلك شوية عاوز استمرار انا ملاحظ نشاطك في الفترة الاخيرة ومعجب جدا بمواضيعك

mo7amed kawther كتب:: قرار اداري رقم 3

يعين الاستاذ / محمد حموده هلالي ناءب لمدير المنتدي

هذا لأهميته الشديدة في منتدنا

or=blue]]مبروك عليك اداره المنتدى ومبروك عليا نائب المدير ربنا يخليك دا كتير عليا اوى ياباشا
وخد بالك ان دفتر الحضور بقى معاك ربنا يعينك وتقدر تغير فى المنتدى طبعا للاحسن
انا عايزيك تعيد تعين مناصب الاشراف من يستحق ومن لا يستحق مع ذكر الاسباب
وتعطى جزاءات حلوه كده زى ماعطيت لحماده الكاشف .[/size]

بصراحه نشاط هايل من اول يومين

مكافات وجزاءات وربنا يستر فى الباقى بقى هههههههههههه
وحضرتك بتقول فاشل اداريا امال لو ناجح هتعمل فينا ايه ؟؟؟؟
ههههههههههههههههه

ساحاكم محاكمة عادلة
ههههههههههههه
واعدم

mo7amed kawther كتب:: حكم في قضية الكاشف

تم اعادة الاستاذ محمد الكاشف الي منصبه مع الزامه بدفع غرامه مقاله اسبوعية في اي باب من ابواب المنتدي

رفعت القعده

يحيا العدل يحيا العدل يحيا العدل
احمدك يارب احمدك يارب
ياماانت كريم يارب

M.ELAKSHEF

عامر كتب:: ساحاكم محاكمة عادلة
ههههههههههههه
واعدم

انت عارف انا ممكن اعدمك بس ما تهنش عليا ياميرووووووو

ستحاكم محاكة عادلة وتعدم علي خا.................... في ميدان عام

ههههههههههههههههه

mo7amed elkashef كتب:

mo7amed kawther كتب:: حكم في قضية الكاشف

تم اعادة الاستاذ محمد الكاشف الي منصبه مع الزامه بدفع غرامه مقاله اسبوعية في اي باب من ابواب المنتدي

رفعت القعده

يحيا العدل يحيا العدل يحيا العدل
احمدك يارب احمدك يارب
ياماانت كريم يارب

M.ELAKSHEF

يامعلم انت مخدتش برأة أقراء الحكم كويس فيه غرامه وواجبة التفيذ (مقاله اسبوعيه)

خاص بالمشرفين

الشيخ شريف شرف يعين مفتي للمنتدي وربنا يعينه لي هذه المسئولية الكبيرة

هذا نظرا لتألقه في القسم الديني جعلك الله عونا لنا وبارك الله فيكم

السيد محمد هلالي سبق وقد عيناه نائبا لمدير المنتدي وفقكم الله عقبال ما الاقي ايمن مدير للمتدي يارب

المهندس مصطفي مرسي الذي عين مراقب عام

واحشانا مقالاتك وموضيعك السخنة هو علشان اترقيت انا ما برحش حد في الشغل

عاوز بكرة الاقي موضوع سخن من مواضيعك الحلوة

الاستاذ محمد موسي بقالي شهر ماشفتوش وقد قررنا الاتي يعزل من منصبه ويعين بدلا منه الاستاذ مجدي فوده

عاوز اشوف شغلك ياأبو حنين

المنتدي التجاري انا حاسس انه نايم اوي علشان كده قررت ان الي يكن مسئئول عنه واحد يكون تقيل جدا واكيد مش هلاقي افضل من مبتكر المنتدي الذي اثبت تألقه في كل المجالات

الا وهو السيد الاستاذ المبدع ( عــــــــامر صبــــــــري)

دكتور محمد رجب انا عارف انك مش فاضي بس ياريت تتبعنا وربنا يفقك في الامتحنات

بس انا هاحكم علي حكم صغير وتنفيذه هايكون بعد ما تخلص دراسه

لما ربنا يكرمك وتفتح عياده تخصص يوم مجاني لأهالي البلد والناس الي محتاجين تتعالج وربنا يوفقك

علي فكر انا اختي اسمها ايمان وطبعا انت زيها ياإيما بس انا بعتب عليكي ردودك بقت اكتر من موضوعاتك مش علشان كرمتك تستهوني بيا

المرة الجايه هايكون حكم مش تكريم عاوز اقرا قصيده حلوة قريب

محمود الكاشف من انشط وامهر المشرفين ربنا يقويك ياحوه بس خد بالك من قسم الالعاب شوية لانه من اهم الاقسام لان انا بحبها جدا وانت عارف ان انا المدير

السيد الاستاذ ميدو انت كل مواضيعك مهمه جدا بس انت بتكون موجود يوم ويوم
انت مشرف يعني قدوه لازم تدخل كل يوم ولو نص ساعه

شد حيلك وخاف مني انا مبعرفش ابويا في الشغل

صاحب الحس المرهف شريف عبودة تم الحكم علي بالاتي

لو ما اعلنش انه اصبح اهلاوي سيعامل معاملة البغاليين

طبعا كل الاخوة في دول الخليج عارفين البنغالين

واحب اعرفكم دول بشر زينا وبلدهم اسمها بنغالديش

الوزير اخي وصديقي محمد الكاشف دبرني ياوزير المهلة قربت تخلص والكرسي هايطير

دبرني ياوزير

الاستاذ اسلام الشربيني بيشتغل بمزاجه والله يااسلام لو ما شديت حيلك لأرجعك عضو جديد من اول وجديد

انت نايم خالص ياإسلام

حازم الشربيني عاوزك ترفع راسنا برا انت سفير للمنتدي يعني واجهه

شد حيلك

طبعا في اعضاء كتير انا متابعهم بس بيتأخروا علينا شوية

ولا ايه ياأبو جنا حسام فين العابك الحلوة عاوزين لعبه جامده زي كيف تتعلم اللغة الانجليزية والمفتش كرومبوا

وفي اعضاء بنات جداد انا شايف عندهم روح حلوة وعاوزين يكونوا من الاعضاء المميزة ربنا يقويكم واوعدكوا بتنفيذ كل الرغبات

هو خلاص معدش حد عنده طلبات ولا خايفين تطلبوا مني انا بردوا مدير ديمقراطي

مع تمنياتي للجميع بالتوفيق

وفقنا الله جميعا بالتقدم في مستوي المنتدي

الموافق علي هذه القرارات يتفضل برفع يده

موافقة موافقة

أغلبية

شوفتوا الدمقراطيه

ياله باي علي ميزدات بقا

mo7amed kawther كتب:: المهندس مصطفي مرسي الذي عين مراقب عام

واحشانا مقالاتك وموضيعك السخنة هو علشان اترقيت انا ما برحش حد في الشغل

عاوز بكرة الاقي موضوع سخن من مواضيعك الحلوة

مشكــــــــــــــــــــور يا كوثر ع الثقه الغاليه دي

mo7amed kawther كتب:: قرار اداري رقم 2

يعين المهندس / مصطفي مرسي

كمراقب عام للمنتدي هذا نظرا لمجهوداته في الارتقاء بمستوي المنتدي

اولا : اسف على التاخير فى الرد لانى كنت واخد اجازة من الشغل
ثانيا : انا بشكر اخويا وحبيبى محمد على هذه الثقة التى وضعها فى شخصى
ثالثا : انت كده هتعملى مشكلة حززيات مع محمد الكاشف واخاف انهم يجو يعتقلونى بالليل وانا نايم وهيرفضوا توثيق التوكيلات وهتبقى المشكلة للركب
رابعا : انا كتبت موضوع النهارده فى النقاشات العامة كما طلبت منى وبهدهولك ولجميع الاعضاء
خامسا : اشكرك مرة اخرة و اسف للاطالة

اليوم سوف يستقيل السيد / محمد كوثر من على كرسى الرئاسه واحب اوجه له الشكر على الوقت الذى امتعنا معه فى رئاسه المنتدى والقرارات الصائبه

انتظروا غدا المدير الجديد للمنتدى
ياترى مين هوااااااااا

مع السلامة ياكوكو هتقطع بينا والله

M.ELKASHEF

استقـــــــــاله

هي دي اخرتها

ان دامت لغيرك ما وصلت اليك

ودوام الحال من المحال

ياهدى يارب او تزعل

» الاستاذ / مجدى فوده ثانى مدير للمنتدى فى ((( انا المدير)))
» ثالث مدير للمنتدى فى (( انا المدير )) من الجنس اللطيف
» يتلحقونا ياماتلحقوناش كتبها الاستاذ محمد جمعه من على أميلي
» شريف عبوده المدير الرابع والخامس فى (( انا المدير))
» المدير السادس فى (( انا المدير ))