هل للناصرية مستقبل ( الجزء الثانى)

استعرضت انا وحضراتكم فى الجزء الماضى بعض من عناصر البلد من الشباب بمراحلهم الثلاثة ولعلنا ذكرنا المتعلمين وهم (مرحلة الثانوية والجامعة ومابعد التخرج )
واليوم نستعرض جزء مهم للغاية من البنيان المجتمعى للناصرية وهم الطبقة الغير متعلمة التى زادت فى الاونة الاخير بسرعة ملفتة للنظر و وهم ايضا المتسربين من التعليم وتعتبر الان فى المرحلة الابتدائية هى الاكثر تسريبا وهذا ناقوس خطر بدء يدق دقات متلاحقة وانا اذكر عندما كنت فى المرحلة الابتدائية لا اعرف شخص واحد تم تسريبة من المرحلة الابتدائية ولكن فى الاعدادية كان هناك بعض شخص .
وسؤالى اليوم اين تتجة هذه الفئة بعد تسريبهم من التعليم او عزوفهم عنة ؟
تتشعب اتجاهاتهم الى ثلاث اتجاهات :
الجهة الاولى :- وهم المتجهين الى الااعمال الحرفية وفى الزراعة ويكون تاثيرهم على المجتمع بسيط واظن انهم ايجابين لايضرونو يكون الواعظ الاول لهم هو المسجد وهم فئة الملتزمين وهى فئة ليست كبيرة مقارنة بالفئات الاخرى وهذه ليست قاعدة لان لكل قاعدة شواذها .
الجهة الثانية :- وهم الذين يتجهون الى قيادة السيارات والعمل كتباعين وهكذا وهذه الفئة اخطر فئة لانهم يعتبروا هدف اساسى لمروجى المخدرات والحشيش وهكذا وتجتمع مع هذه الفئه بعض الشباب المتعلمين واصحاب مؤهلات ايضا وهذه الفئة اكثر ضررا واعظم مصيبة تؤثر على البلد
الجهة الثالثة :- وهم فئة البلطجية والصيع وهذه الفئة معروف اولها من اخرها فكم منهم دفعتة ظروف الى ما ال اليه حالة الان وهم ضعاف وارى انهم يمكن استقطابهم بسهولة ولكن بالعقل والمنطق .

واكيد ان ما ذكرتة سالفا انهم جميعا مع بعض مما ما ذكرتهم فى الحلقة السابقة ان معظمهم يتجمعون فى مكان واحد وهو القهوه .

اليوم اطرح الموضوع للمناقشة وارجوا من حضراتكم الطرح الجيد لوجهات نظركم فى هذذا الموضوع وانبة اننا الان بسدد اصلاح اولا ثم تكوين جبل جديد يصلح لاننا لو اعتمدنا فقط على التربية جيل لم يرى الشمس بعد ونسينا اصلاح الموجودين على الارض حاليا لن تفيد تربيتنا لان البيئة باجمعها يجب ان تهيأ لجيل جديد تم تربيتة على الخلق وعلى الدين الاسلامى الحنيف

فلتتفضلو متكرمين بالمناقشة ........

انتظرونا فى الجزء الثالث

احب احيك مره اخرى على حرصك الدائم وفتحك لمواضيع تهم مصلحه البلد وفتح مجال للنقاش والبحث عن الاسباب والحل الملائم لها فجزاك الله خيرا عن ذلك الاهتمام الدائم ونرجو المزيد
اما بالنسبه للقضيه التى عرضتها اليوم علينا انا لى وجهه نظر اخرى انا لا ارى انها نسبه كبيره كما ذكرت ولكن حتى نسبتها القليله تدق اجراس الخطر على البلد لان التفكير الاهالى اصبح الان يخوف فان معظم الناس الان يقولون (عندك الناس المتعلمين اهم عملوا ايه بالتعليم ) وعلى فكره كثير من يردد هذا الكلام هم المتعلمون نفسهم لان الظروف التى تحيط بهم تجعلهم يقولون ذلك بعد ما الشاب يتعلم تعليم عالى طبعا عايز يشتغل بالتعليم دا ومتسحلوش كرامته مثلا انه يشتغل اى مهنه تانيه يشتغالها وطبعا الاهالى تعلم وتربى وتصرف على ما الاستاذ يشوف شغل يناسب تعليمه فالاهالى طبعا مع الابن الاخر مش عايزين يعلموا علشان الابن التانى ميعملش معاهم كدا يروحوا يعلموه مهنه وياما ياخد دبلوم وياما يخرج من المدرسه على حسب ففعلا الموضوع دا كبير .
ارجو ان تكون فهمت وجهه نظرى

انا فهمك يامحمد كويس بس انا مقولتش ان هناك نسبة كبيرة الاعن دليل وممكن اجبلك اسامى اطفال من الناصرية تركوا المدرسة الابتدائية المشكلة مش فى كده كمان المشكلة انه اصبح موضوع عادى جدا بالنسبة للناس يعنى تصور فى سنة 2010 تلاقى ناس متعرفش تقرا ولا تكتب ويكون عقلهم مهما كان مقفول ، وانا معاك كلامك كلة صح بس انا عاوز تقولى ايه الحل من وجهة نظرك

هو انا بقول ان النسبه مش كبيره على اساس ان كان زمان النسبه اكبر من دلوقتى فدا اللى خلانى اقول ان النسبه مش كبيره لكن انا عارف انها كبيره بالنسبه اننا فى سنه 2010
الحل من وجهه نظرى
1-عمل ندوات فى المساجد والاماكن العامه عن اهميه التعليم
2- تجريم الهروب من المدارس وعمل غرمات على الهاربين من المدارس

الموضوع مهم وجميل بس انا وجه نظرى ان الى بيخروجوا من التعليم مش كتير والى بيخرج دا ياما مفيش عنده قدره انه يتعلم يعنى فاشل او الظروف الماليه مش بتسمح فبيطر انه يخرج يشتغل ويساعد اهله واما البلطجيه دول موجودين فى كل مكان وفى ناس متعلمه وبلطجيه وفى ناس ظروف الحياه بتدفعهم لكده
وكذلك متعلمين وبيشربوا مخدارت وبيتاجروا فيه وكتير بردو
يعنى التعليم مش الاساس الاساس هو التربيه فى البيت
لان البيت لو ربى كويس من الاول كل شئ هيبقى تمام
دا رايى

ـــــــــــــــــــــــــــــــــــــــــــــــــــــــــــــــــــــــــــــــــــ
والله ياستاذ محمود موضوع التربية مهم لكن احنا الوقتى فى مشكلة عاوزين حلها يعنى خلاص هما اصبحوا كده ، نعالجهم ازاى
ارجو ان تضع حل لمشكلة موجود والجيل الجديد ندعوا الله ان يحسن الاباء تربيتهم

والله بحيك ياهندسة

بس انا شايف ان اقتراحات محمد حمودة حل ملائم وتقريبا مثالي للحل

بسم الله الرحمن الرحيم
اخي الغالي مصطفي اشكرك لاهتمامك بالبلد واهلها واتا اري من وجهة نظري المتواضعة ان الموضوع ليس كبير بهذه الدرجة اعترف ونعترف جميعا بوجود من ذكرتهم في حديثك ولا ننكر وجودهم ولكن الامل موجود في البقية الصالحة من الشباب ولقد علمتني الحياة مقولة وانا مقتنع بها تمام الاقتناع الا وهي " ان تنظر للنصف المملؤ من الكوب لا الي النصف الفارغ" واعتقد ان هذا مصدر كبير للتفاؤل
وتشكرة مرة ثانية اخي مصطفي واشكر جميع الاعضاء بالمنتدي الذين يمثلون في وحدنهم واتفاقهم بداية نهضة هذه القرية الطيب اهلها والله الموفق

M.ELKASHEF

أنا معاك في رايك ياكوثر

فعلا انا شايف ان الحل وضع غرامات للمتسربين ويبقي ليهم جزاءات كبيرة عشان النسبة تقل لحد ماتنعدم
لان البنى ادم من غير تعليم زى الارض البور مفيش منها اى رجا نهائي
ده رايي والله المستعان

» هل للناصرية مستقبل !!!!! (الجزء الاول)
» يامسلم هذه عقيدتك ((الجزء الثانى ))
» الجزء الثانى من حياة بن لادن....؟
» معلومات عامه ( الجزء الثانى )
» صورة للناصرية