هل للناصرية مستقبل !!!!! (الجزء الاول)

كتبها مصطفى مرسى

المستقبل لا تظهر له ملامح فالناصرية كمثال مصغر لمصر عامة ، قد تأخذ هذه البلدة كعينة عشوائية لقياس او استطلاع حالة معينة تعيشها مصر عامةً ، وهنا ناخذها كمثال لمصر ، هل يوجد مستقبل مشرق للناصرية يظهر فى الافق ام لا ؟
اولا : سناخذ بعض العناصر التى بها تظهر ملامح المستقبل ؟
- الشباب
هناك ثلاث فئات من الشباب
- شباب ماقبل الجامعة
- شباب الجامعة
- الشباب الخريجين
اولا :-شباب مقبل الجامعة وهم من فى المرحلة الثانوية والدبلومات وعلى هذا المستوى نحدد ما الاتجاهات التى يملوا اليها وما هى طموحاتهم و تفكيرهم فى المستقبل وهذه تعتبر مرحلة التكوين تكوين الافكار وتجميعها ؟

ثانيا :- شباب الجامعة وهذه تعتبر مرحلة الانفتاح والتوجة ومرحلة ما بعد التكوين و هى مرحلة تحديد الاتجاه و يبدأ النشاط الفكرى فى الظهور من خلال التوجهات مثل الانضمام لجماعات بعينها او التوجهة العلمى او ماشابة ذلك ويكون الشباب فى هذه المرحلة فى قمة نشاطة .

ثالثا :- الشباب الخريجين والخروج الى ارض الواقع والاصطدام بالواقع الموجود فهل الصدمات التى يواجهها الشباب تدفعهم الى مرحلة من الياس ام تدفعم الى مرحلة جديدة وهى المواجه فتسمى هذه المرحلة مرحلة المواجه والميول الى التغيير فهل شباب اليوم يستطيعون التغير؟؟؟

بعد استعراض بعض العناصر الموجوده
من وجهة نظركم ماهى المرحلة التى نبدأ منها ؟؟
ماهى المرحلة التى تكون فى قمة نشاطها ؟
هل تروا فى هؤلاء الشباب بجميع مراحلهم امل موجود فى التغيير ام استمرار فى واقع مظلم ومستقبل مجهول ؟؟
هل تروا المستقبل مظلم ام مشرق بشرط الواقعية والكلام من ارض الواقع بعيد عن السراب ؟
شرط ان يكون التعليق من خلال البيئة المحيطة بنا وهى الناصرية وتكون الامثلة منها ؟

فلتتفضلوا بالتعليق ..................

انتظرونا فى الجزء القادم

شكرا يامصطفي بجد موضوع رائع يستحق المناقشة واكرر شكري لك لاهتمامك الدائم والمتواصل بمصلحة البلد ورقيها وانا من وجهة نظري اراي ان المستقبل موجود وان كان شعاع ضعيف ياتي من بعيد في ليل مظلم لكنه قادم لا محالة والشباب الجيد موجود بالفعل وان كان قليل والدليل علي اهتمام هؤلاء القلة بالبلد ورفعتها هو خروج هذا المنتدي للنور فمن فكر فيه ونفذه شاب من شباب البلد ومن يشارك ويتفاعل اليسوا من شباب البلد ايضا انا معك ان العدد قليل ولكن اول الغيث يبدا بقطرة وانا شخصا متفائل جدا ولك كل تحياتي

M.ELKASHEF

شكر ا يا محمد وانبه الى شئ مهم نأخذه فى الاعتبار وهم ( اذا اردنا تحديد الدواء يجب علينا اولا تشخيص الداء )

اخيرا حد اتكلم فى مصلحه البلد وعاوز يعالج انا بحيك ياحماده على حرصك المتواصل على ابناء البلد وعلى رفع وكشف الغيام عن البلد
بس انا ارى الشباب بجميع مراحلهم امل موجود فى التغيير بس بطىء جدا جدا فوق متتخيل بجد والاغلبيه العظمى مفيش لهم امل فى البلد دلوقتى شوف عدد الاولاد اللى فى الثانويه العامه كام من البلد وقارنه بالنسبه للبراشيه وشرباص دا بالنسبه للتعليم وعندك شباب الجامعه قليلون والخريجين عددهم مش كبير اوى بس هما نسبه مش بطاله وكل واحد فيهم مش هامه غير بيته وعياله وملهش دعوه بالبلد خالص ولاحتى بالكلام الا من رحم ربى طبعا .
واشكرك مره اخرى على فتحك للمواضيع التى تهم البلد وتحرص دائما على حل مشاكل البلد.

اى مشروع فى الدنيا يبدأ ب(كلمة) ،الزواج يبدأ بكلمة ، الحب يبد بكلمة، الحرب تبدأ بكلمة ، السلام يبدأ بكلمة، المشروع والشراكة يبدأ بكلمة ، كل شئ فى الدنيا يبدأ بكلمة، الله سبحانه وتعالى يقول للشئ كن فيكون (كن) هذه كلمة ، عند النصارى فى الانجيل يقولون (فى البدء كانت كلمة)
فلنكن نحن جميعا الكلمة ونبدا فى تغيير من لا يريد التغير وكما قال القائل (لا يستحق ان يولد من عاش لنفسه فقط)
الناصرية ، اعلم ان المستوى العلمى ليس طموح الكثير فيها ، ولكن العلم هو الذى يُبدأ به التغيير
(فاذا اردت ان تعمل فيجب عليك ان تعلم واذا اردت ان تعلم يجب عليك ان تتعلم وهكذا .
فلو كل شخص فى المنتدى الذى يزيد اعضائه عن مائة غير فى بيتة انظر كم بيت فى الناصرية سيتغير وهكذا الحاضر يعلم الغائب ويحاول ان يفهمة وهكذا واكررها ي(جب علينا تشخيص الداء لنعرف ماهو الدواء)

مشكور يامحمد على تفاعلك المميز

انا شايف ان زى حماده ماقال ان المستقبل ضعيف بس موجود وده طبعا سببه الاول والاخير التربية والتعليم ..
انعدام التربية في الاجيال الحديثة ..انت لو تفتكر زمان مش من كتير بس من فترة لما الواحد كان صغير كان لما راجل كبير يشخط فيه ولا في اى حد ولا يقولى اى حاجه كنت امشي زي الجزمة ولا ارفع عينى في عينه حتى
لكن دلوقتى لو راجل اد ابويا مثلا بيقول لعيل لسه ماخرجش من البيضة امشي ولا روح ولا العب بعيد حتى يرد عليه الكلمة بكلمة ويشوحله ويعلى صوته عليه ومش بعيد ابدا انه يهزقه ..
معدش فيه الخجل واحترام الكبير للاسف... دى حاجه,
الحاجه التانية او لشق التانى ان مفيش تعليم زى ماحمودة قال ان عدد المتعلمين تعليم عالى كل سنه عن السنة الى بعدها بيقل والى طالع اقل ..
بس انا شايف ان فيه امل لو كل واحد ربى ولاده صح مش يخلف والشارع يربي .. مش يخلف والمقاطيع واخواننا البعده يربوا..

انا اسف على الفاظى والطريقه الجافه لكن الواقع سيئ وانا جزء من الواقع ده ونفسي انه يتغير ..
اسف للاطاله

معاك حق الموضوع كبير واضيف الى كلام تربية التلفزيون التلفزيزن الوقتى هو اللى بيربى على الخلاعة وقلة الادب
الدور الاكبر الوقتى على الام والاب لازم يفوقوا شوية لانهم اول ناس بتصبهم نار قلة التربية

لكن سؤالى الان من اين نبدأ لتحسين صورة المستقبل؟؟؟؟

التربيه التربيه التربيه التربيه :
affraid:

عامر كتب:: التربيه التربيه التربيه التربيه :
affraid:

فعلا زى ماقال عامر لازم التربيه اولا وده مش بنقول ان الاولاد اللى فى البلد مش متربيه لا سمح الله ولكن القله الان هما اللى بيلتزموا بالتربيه او بالعادات والتقليد المفيده

الامل ده بيكون متعلق يحلم او فكرة وانا شايف ان كل الاحلام دلوقتي اتحولت لكوابيس والافكار كلها بقت مشوشة

اولا علشان البلد تتقدم هايلزمها اشياء كتيره

أولها مشكل التعليم ناسكتير في البلد مش متعلمة وحتي الي اتعلم معندوش اي خلفيه عن الدنيا مجرد ما بينهي مرحلة التعليم بيبطل حتي انه يقرا الجرنال

طيب بكل صراحة كام واحد في منتدانا بيشتيري جرنال انا متأكد انه مش هيتعدي 3 اشخاص او 4

غير التعليم هنتكلم علي الشباب عندنا مشكله خطيرة في سن الشباب بداية من سن 14 سنة ويمكن اقل في ظاهرة غريبة ظهرت وهي المخدرات؟؟؟؟

طبعا طول ما هي موجودة مش هنتقدم خطوة واحدة......

في اشياء تانية كتير

الوساطه طبعا او المسمي العامي بتاعنا الي هو الكوسة

اريت محدش يفهم غلط انا اتكلمت علشن خايف علي البلد واريت نلاقي الحلول لان بجد الموضوع عاوز وقفة علشان نحله

فين ما يسموا انفسهم كبار البلد لازم الوضع يتغير م احترامي لزعما بلدنا (قرية الناصرية)

احنا عاوزنها تبقي مدين بس لو فضلالوضع كما هو عليها يبقي نغير الاسم بدل ما هي (قرية الناصرية ) تبقي(نجع الناصرية)
حتي يمكن النجوع فيها حضارة عننا

شكرا لطارح الموضوع .... واسف لو كنت اتكلمت بصراحة لان الصراحة بتوجع

بس اعمل اية بحب البلد ونفسي اشوفها احسن بلد في الدنيا

مالك مغمئها كده ليه يامحمد ، طول مفيه ناس بتفكر وتناقش وتطرح يبقى فيه امل الامل يموت لما الالسن تتقطع ومعدناش نفكرلكن طول ما فيه شباب كتير بتفكر فى الاصلاح يبقى ان شاء له الامل موجود ( وبالشباب تنهض الامم )

والله انا مش مغمئها بس زعلان علي حال البلد وانت سئلتوا عن الداء ياريت نلاقي الدواء وشكرا مرة تانية علي موضوعك الي بأعتبره افضل موضوع بالمنتدي حتي الان

طيب ممكن تختصرلى الاسباب الى انت شايفها ادت الى الحالة الى فيها البلد الان .
و من وجهة نظرك الموضعية ايه الحل بس يكون حل من ارض الواقع يتاسب مع الظروف المحيطة ومع طبايع اهل البلد حتى نضع يدنا على الداء؟.
واشكرك لتفاعلك

كل الى العضو المحترم محمد كوثر ذكره من مظاهر التقهقر والسلبية بيندرج في الاساس تحت مسمى انعدام التربية
يجماعه احنا حلنا وحل مشاكل بلدنا كلها الناصرية خاصة ومصر عامة هى ان كل واحد يربي ولاده تربية صح
والله هى ما ليها حل الا بكده لان تربيه صح يعنى بنى ادم صح انسان محترم ومتربي واخلافه كويسة
تربية صح يعنى تعليم صح
تربية صح يعنى بنى ا دم نافع لنفسه ولبلده
تربية صح يعنى انسان متدين ومسلم صح
تربية صح يعنى بلد ماشية لقدام مش جايبه لورى

وبالنسبة لقصة نجع ومدينة
انا شايف ان الناصرية فيها تحسن كبير جدا وبيتبذل مجهودات كبيرة عشان تبقي احسن لكن للاسف ناس كتير من سكانها مش عايزين الاحسن ده
وده برده نابع من تربية غلط
انا ماقصدش اقول ان الناس كلها مش متربية ولكن فيه قصور في التربية ومبادئ الناس دى لان عنده مصلحته الشخصية حتى لو كانت قليلة جدا اهم بكتير من المصلحه العامة

فى مشكلة كبيرة ياعامر انت بتقول التربية انا معاك ان اهم حاجه التربية بس فيه مشكلة الا وهى ان كل انسان محترم متربى من ابوه بيربى ولاده على الاحترام ، والاخرين اللى فى الاساس معنهومش تربية مبيربوش فيصبح كل نسل قائم بذاته مع ان هيكون فيه شواذ عن القاعدة طبعا للطرفين لكن الوقتى انا شايف ان دور المسجد كبير جدا لتربية الاباء قبل الابنا لان لن يربى الرجل ابنة الا اذا كان هو متربى من الاب او من المسجد ، فاحنا ممكن نقول ((((((((((((تربية الاباء اولا ليربوا ابنائهم ثانيا ))))

ولا ايه؟؟؟؟؟؟؟؟؟؟؟

اتفق معاك بس عندنا وزارة التعليم اسمها وزارة التربية والتعليم

يعني التربية ذكرت قبل التعليم

يبقي بعد التربية اكيد التعليم

كل القري الي حولينا نسبة التعليم عاليا ليه مننصحش الناس ونساعد الي مش متعلم

والله الموفق

انت معرفتش دا وزارة الترية والتعليم توفيت وتم دفنها من حوالى مايقرب من 10 سنين وزياده لكن المسئولين معرفوش حد وحطوا على الخبر ماجور ودفنوها فى سرية تامة

يعنى الامل فادينا احنا مش فى ايد حد تانى

(بيدى لا بيد عمر )

» هل للناصرية مستقبل ( الجزء الثانى)
» يامسلم هذه عقيدتك ((الجزء الاول))
» معومات عامه ( الجزء الاول )
» اغرب حقائق في العالم (الجزء الاول)
» صورة للناصرية