لو صريح جدا مع غيرك ادخل وجاوب على السؤال.........

بسم الله الرحمن الرحيم
هل تجرأ على قول ماهو اسوء طبع فيك

من باب الصراحة بيننا ، ومن باب أنه لا يوجد انسان كامل على وجه
هذه الأرض وأن الكمال لله وحده ، وأن البشر مهما علوا لا بد وأن
يتواجد فيهم طبع سيء ..

أتوجه إليكم بسؤال جريء وصريح ..

ما هو أسوء طبع فيك ..؟

وانا هجاوب الاول بصراحه ان اسوء طبع فيا هو اننى بتعصب بسرعه ومش بامسك نفسى ادعولى ان الطبع ده يروح منى..

في إنتظار الجرأة والصـراحة

اسوأ طبع فيه انى مقصر في الصلاة
ادعولى بالهداية

ربنا يهديك ويهدينا ..اللهم لا تزين لنا عمل السوء اللهم ذكرنا دائما بأن الدنيا زائلة فاصرف عنا زينتها..

طبعا مفيش انسان خالى من العيوب
بس اكبر عيب فية هو التقصير فى الصلاة
ودعولى بالهداية

ربنا يهدينا جميعا امين يارب العالمين

انا بقى فيا كذا عيب بصراحه وانا مقتنعه بيهم جدا

انا عصبيه اوى

حساسه جدا

عنيده اوى اوى

نفسى الاقى حل ل3 حاجات دول عارفه ان 3 عيوب كتير اوى هههههههه

بس اعمل ايه بحب الصراحه ساعدونى بقى

ايه الصراحه دى ياشباب بجد انا كنت بفكر ان مفيش حد هيرد على الموضوع ده بس بجد كسفتونى...
ولما كل واحد يبقى عارف عيوب فيه ده فى حد ذاته كويس جدا لانه بعد كدا اكيد هيحاول يصلحها او لما حد يزعل منه بس عيب فيه اكيد هيبقى عارف انه غلطان فيحاول ان يرجع ويصالح اللى زعله.
وبعدين رحم الله امرء عرف قدر نفسه...شكرا على الردود.

مشكور ياابو ايمن دايما مواضيعك محل مناقشة وحوار اما بالنسبة للعيب اللي فيا اعتقد اني لما بتعصب بفقد السيطرة علي اعصابي وربنا يهدينا جميعا

M.ELKASHEF

اكتر عيب موجود فيا انى حساس جداااا وكمان مش بملك نفسى واعصابى عند الغضب

بكل صراحة عيبي الوحيد اني معرفش اقول لحد لا ولو لي شيئ عند احد أتحرج اطلوبه

يا ابو ايمن ان الله حليما ستار

وإذا بليتم فاستتروا

أنا يمكن فيه عيوب كتير وبحاول اني اتفاداها

لاكن أهم شيء فيهم التقصير في حق الله اتمني أن يهديني الله إلي طريق الرشد والفلاح دائما

ميدو أيه الرد الدبلومسي

ميـ@ـدو كتب:: يا ابو ايمن ان الله حليما ستار

وإذا بليتم فاستتروا

أنا يمكن فيه عيوب كتير وبحاول اني اتفاداها

لاكن أهم شيء فيهم التقصير في حق الله اتمني أن يهديني الله إلي طريق الرشد والفلاح دائما

انا معاك فى ان الله حليما ستار بس انت عارف لو كل واحد مننا عارف العيب اللى فيه وحاول يظهره لاخر اكيد الاخر هيخد باله من العيب ده ويحاول يبعد عنه او يخليه ميظهروش وانا عايز اعرف بصراحه مدى صراحه الاعضاء مع بعضهم ومع انفسهم.
ومتشكر جدا على الرد

طبعاً هوه سؤال لذيذ وحير في نفس الوقت لأن الإنسان لايري عيوبه ولكن يراها الأخرون ولكن أنا لاأكتب عيوبي ولكن أنا أعلم قليل منها ولكن الكثير عند الناس يعلموه
مشكور يامحمد باشا

ياكبير والله العظيم يا أبوجني

جني حسام سالم كتب:: طبعاً هوه سؤال لذيذ وحير في نفس الوقت لأن الإنسان لايري عيوبه ولكن يراها الأخرون ولكن أنا لاأكتب عيوبي ولكن أنا أعلم قليل منها ولكن الكثير عند الناس يعلموه
مشكور يامحمد باشا

انا معاك بس انت لو عرفت عيوبك واعترفت بها دا اكيد شىء يحسب لك ولا ايه

والمقصود من النقاش ده هو الصراحه مش العيوب

البعض منا يحب الصراحه.... والبعض يكره الصراحه

البعض يرى ان الصراحه تجرح الإنسان.... والبعض يرى ان الصراحه تريح الإنسان

جميعنا نطلب الصراحه في جميع تـعـامـلاتـنـا وعـلاقـاتـنـا

احصائية بسيطة على الردود
وجد ان حوالى:-
44.5% عصبين (سرعة فى الغضب ).

عن أبى هريرة رضى الله عنه أن رجلا قال للنبى ( صلى الله عليه وآله وسلم ) أوصنى قال : لا تغضب فردد مراراً لا تغضب .

33.3% مقصرين فى الصلاة .

قال تعالى :{حافظوا على الصلوات والصلاة الوسطى وقوموا لله قانتين)

11.1% خجولين ( حياء فى غير موضعة).

قال القاضي عياض وغيره من الشراح: إنما جعل الحياء من الإيمان ـ وإن كان غريزة ـ لأن استعماله على قانون الشرع يحتاج إلى قصد واكتساب وعلم، وأما كونه خيرًا كله ولا يأتي إلا بخير فأشكل حمله على العموم لأنه قد يصد صاحبه عن مواجهة من يرتكب المنكرات ويحمله على الإخلال ببعض الحقوق والمراد بالحياء في هذه الأحاديث ما يكون شرعيًا، والحياء الذي ينشأ عن الإخلال بالحقوق ليس حياءً شرعيًا وإنما يطلق عليه حياء لمشابهته للحياء الشرعي، والحياء الشرعي هو خلق يبعث على ترك القبيح ومعنى أن ( الحياء كله خير ..). يحتمل أن يكون المعنى: من كان الحياء من خلقه فإن الخير يكون فيه أغلب أو لكونه إذا صار عادة وتخلق به صاحبه يكون سببًا لجلب الخير له.

--
11.1% ممتنعين عن ذكر العيب .

(اذا بليتم فاستتروا)

أستاذ محمد فعلاً كلامك منطقي وصحيح ولن ولا تزعل أسوأ طبع في ( الصوت العالي )
مشكور علي الرد

ههههههههههه اولا الموضوع جميل جدابس تقريبا دا بقى منتدى العصبين كنت بعتقد انى لوحدى لاى بتعصب بسرعه بس الحمد لله فى كتير كده وممكن بردو فى عيب تانى وهو العند بس الواحد كل شويه بيحاول يعدل من نفسه وان شاء الله نقضى ع العيوب دى كلها او حتى بعضها
ربنا يهدينا جميعا

» الموضوع:: شوف كيف معزتك عند غيرك
» هل سالت نفسك هذا السؤال من قبل ؟؟؟؟؟؟؟؟؟؟
» عايز تعرف انت عاقل ولا مجنون جاوب على السؤال ..
» من يملك الشجاعة شباب أو بنات أن يجاوب على هذا السؤال
» كيف اناقش ! ( ادخل هنا)