ماهى الاسباب والدوافع التى ادت الى ترك الكثير من ابناء الناصريه البلده والعيش فى دمياط الجديده (من وجهه نظركم) المشاركه للكل!!!!!!!

ماهى الاسباب والدوافع التى ادت الى هجره الكثير من ابناء الناصريه الى دمياط الجديده (من وجهه نظركم) المشاركه للكل!!!!!!!
انا شايف انها فعلا بقيت مشكله كبيره فى ابناء الناصريه القادرين او الراجعين من الخارج(دول الخليج) الكل دلوقتى اول حاجه بيعملها انه يشترى شقه او يبنى فى مدينه دمياط الجديده بس مش عارف السبب وانا من اول الناس اللى بشوف الموضوع ده كتير فى البلد الموضوع كبير لان كل ما اسال حد بيجاوب ويقول (هى البلد عجباك) ومعنى الاجابه دى خطير اى يدل ان البلد فيها مشاكل كتير يعنى مش بيتكلم عن سؤ خدمه او قلتها او بيتكلم عن نظافه البلد او عدمها لكن بيتكلم عن سؤ الادب اللى فى البلد اللى حاليا فى الناصريه اصبح بكثره .
-مين امتى واحنا بنشوف ناس تموت فى البلد بسبب مشكله
-مين امتى واحنا يوميا بنشوف مشاكل ودم فى بلدنا
-مين امتى واحنا بنسمع كلام قليل الادب وخارج وسب علنى للدين وانت ماشى فى البلد
-مين امتى واحنا بنسمع عن سرقه او نصب فى البلد
-مين امتى واحنا بنشوف اولاد صغيره بتشرب مخدرات فى الشارع امام الكبير والصغير فى البلد
كل ده مكنش موجود ومش من فتره كبيره لا من فتره صغيره جدا يمكن من سنتين مكنش موجود الكلام ده انا سفرت السعوديه سنتين جيت شوفت البلد مقلوبه 180 درجه
ياترى مين السبب فى كل ده الاهالى اللى مش شايفه ولا البيئه اللى اصبحت على ماهى عليه الان ولا الحكومه الحيطه الميله بتاعتنا
معلش انا كده فتحت مواضيع كتيره فى الموضوع ده بس انا دلوقتى باروح البلد امشى فيها ساعه واحده يوميا وبشوف الكلام ده وبصراحه معتش طايق اللى انا بشوفه انا فعلا فاض بيا فحبيت افتح الموضوع ده لمصلحه البلد ومدام المنتدى ده معمول لمصلحه البلد يبقى لازم نشوف هنعمل ايه لان بكده البلد بيمشى منها المحترمين شويه شويه ........
رجاء حار بالرد على الموضوع اذا كان فى اسباب اخرى لهجره الناس من البلد
وما العمل مع اللى بنشوفه يوميا فى البلد من قذاره او سؤ ادب
واخير لكم الف شكر

والله الموضوع دا خطير جدا وبقى منتشر جدا يمكن للاسباب الى انت قولتها من قله ادب متوفره بالجمله وحال البلد الى بقى مش كويس ويمكن لتوفر خدمات كتير فى دمياط الجديده والهدوء ويمكن لظروف شغله فبيطر انه يقيم فيها
بس بلدنا فعلا حالها مش كويس والسبب الرئيسى من وجه نظرى الناس
الاهالى فى غيبوبه ومش عارفين اولادهم بيعملوا ايه

عندك حق يامحمود فى اللى قولته بس انت شايف الحل ازاى البلد كده انا حاسس لو سبنها يوم ورا يوم هتبقى زى عشوائيات القاهره لان مش هيقعد فيها الا اللى مش معاه او مش قادر يخرج منها ياريت اللى يقول الاسباب من الاعضاء يحاول يعطى حل ولو فكره لان لازم يكون فى حل ياجماعه ولا ايه..

طبعا يا ابو ايمن انت بتتكلم فى موضوع خطير وبالتأكيد يهم كل الاسر الموجودة فى قرية الناصرية الغالية علينا جميعا

اولا احنا فى الخارج عدنا بنسمع كلام كتير عن قريه الناصريه بيحزن من يسمع هذا الكلام من كثرة المشاكل الموجودة حاليا فى بلدنا
وعن كل الاشاء ال انت ذكرتها فى الموضوع اما اخص بالذكر بدايه موضوعك وهو الهجرة الى دمياط الجديدة وتسمحيلى نغير كلمةالهجرة
هذا من وجهة نظرى وجهة نظرى يا محمد نخليها السعى وراء الرزق

وانت لك الحق فى تغيرها او عد م تغيرهالا نك صاحب الفكرة

لان الشخص ممكن يلاقى فرصة عمل فى دمياط الجديدة فالبتالى الافضل له ان ينقل اقامته الى دمياط الجديدة

وسؤالى

اين المشروع الناجح فى البلد الذى يشجع اهلها على العمل فيها

وعدم تركها والذهاب لأى بلدة اخرى ايا كان

وتقبل مرورى

mansour sharaf كتب:: طبعا يا ابو ايمن انت بتتكلم فى موضوع خطير وبالتأكيد يهم كل الاسر الموجودة فى قرية الناصرية الغالية علينا جميعا

اولا احنا فى الخارج عدنا بنسمع كلام كتير عن قريه الناصريه بيحزن من يسمع هذا الكلام من كثرة المشاكل الموجودة حاليا فى بلدنا
وعن كل الاشاء ال انت ذكرتها فى الموضوع اما اخص بالذكر بدايه موضوعك وهو الهجرة الى دمياط الجديدة وتسمحيلى نغير كلمةالهجرة
هذا من وجهة نظرى وجهة نظرى يا محمد نخليها السعى وراء الرزق

وانت لك الحق فى تغيرها او عد م تغيرهالا نك صاحب الفكرة

لان الشخص ممكن يلاقى فرصة عمل فى دمياط الجديدة فالبتالى الافضل له ان ينقل اقامته الى دمياط الجديدة

وسؤالى

اين المشروع الناجح فى البلد الذى يشجع اهلها على العمل فيها

وعدم تركها والذهاب لأى بلدة اخرى ايا كان

وتقبل مرورى

بالنسبه للعنوان هو مش مشكله وان هاغيره للاحسن ان شاء الله ياخ منصور انت تؤمر بس .
بس انا باكد على ان الاسر اللى ذهبت الى دمياط الجديده اكثرها لم تذهب وراء السعى على الرزق ولكن البعد عن سؤ الادب ولتربيه اولادهم فى اماكن محترمه وتعليمهم فيها وكل الاهالى الموجوده فى الناصريه يعملون فى الحورانى ودمياط والكثير من البلاد المجاوره لدمياط ليه منقلوش اقامتهم الى البلاد الذين يعملون فيها
اما بالنسبه للمشروع الناجح فى البد انا معاك ان مفيش مشروع بينجح فى البلد لان احنا عايزين نعمل حاجه فى قريه ونقارنها زى اللى فى المدينه اما نجى نقارن المشاريع اللى فى البلد واللى فى البراشيه على سبيل المثال هنلاقى عندنا مشاريع ناجحه هى مش مكسره الدنيا انما بتعيش صاحبها والحمد لله انه مش بيمد ايده لحد وفى كتير فى البلد مش عايزين نذكر حد يرجعوا يقولوا اننا بنحسدهم بسم الله وما شاء الله .
فالان اصبحت المشكله فى البلد وليست المشكله السعى وراء الرزق
وانا متقبل مرورك الكريم ياخ منصور فياريت تتقبل وجهه نظرى المتواضعه لما يجرى فى بلدنا العزيزه

والله ياابو ايمن انت طرحت موضوع مهم جدا وانا من وجهة نظري اننا منقدرش نعمم الاسباب ونقول ان كل الناس سابت البلد لسبب واحد ولكن اسباب متعدة فعلا زي موضوع الشغل يعني في ناس شغلها في الجديدة فبالتالي اسهله انه يعيش في الجديدة ، وفيه ناس تانية راحت دمياط الجديدة بقصد المنظرة و كلمة اشمعني اللي هتودينا في دهية تلاقي الراجل يقول لنفسه او الست تقول لجوزها اشمعنا فلان راح دمياط الجديدة هو احنا اقل منه يروح هو كمان دمياط الجديدة (ودول كتير برضه علي فكرة) ، وناس تانية فعلا زي مانت بتقول بتهرب من البلد لسوء الاوضاع هناك (الاسباب اللي انت بتقولها) ، وفيه ناس تانية عشان بيقولوا مدينة بقي وفكك من جو القرية وكدا والمدينة احسن وكدا يعني فالاسباب متعددة مش بس سؤء الاوضاع في البلد هو السبب وده من وجهة نظري المتواضعة وتقبل مروري بصدر رحب

M.ELAKSHEF

:

على فكرة يا محمد انا فاهم وجهة نظرك كويس الحمد لله

انا ال ما تكلمتش فى الموضوع تبعك كلة انا اخذت نقطة معينه واتكلمت فيها بس

لان موضوعك يحتاج الى مناقاشات كثيرة

وهتلاقى فى الرد وجهات نظر كثيرة وطبعا بتختلف من شخص لشخص

وطبعا الخلاف لايفسد للود قضيه

انت كلامك مظبوط جدا يابو ايمن وخلاص لازم كل واحد محترم او بيحترم نفسه او بيخاف على ولاده وفعلا عايز يربيهم تربية كويسة لازم يسيب البلد ويروح يعيش في اى مكان تانى.
وطبعا محمد الكاشف بيتكلم صح جدا لان الاسباب متعددة

والله خيبه كله يسيب البلد وبعدين نبقا لاجئين في بلاد مش بتعتنا

بس نعمل اية يعني ياحمودة البلد بقا فيها كمية بلطجية

وغير المخدرات الي ملت البلدربنا يسترها علينا

اقولك انا هاسيب البلد واسكن في راس البر

mo7amed elkashef كتب:: والله ياابو ايمن انت طرحت موضوع مهم جدا وانا من وجهة نظري اننا منقدرش نعمم الاسباب ونقول ان كل الناس سابت البلد لسبب واحد ولكن اسباب متعدة فعلا زي موضوع الشغل يعني في ناس شغلها في الجديدة فبالتالي اسهله انه يعيش في الجديدة ، وفيه ناس تانية راحت دمياط الجديدة بقصد المنظرة و كلمة اشمعني اللي هتودينا في دهية تلاقي الراجل يقول لنفسه او الست تقول لجوزها اشمعنا فلان راح دمياط الجديدة هو احنا اقل منه يروح هو كمان دمياط الجديدة (ودول كتير برضه علي فكرة) ، وناس تانية فعلا زي مانت بتقول بتهرب من البلد لسوء الاوضاع هناك (الاسباب اللي انت بتقولها) ، وفيه ناس تانية عشان بيقولوا مدينة بقي وفكك من جو القرية وكدا والمدينة احسن وكدا يعني فالاسباب متعددة مش بس سؤء الاوضاع في البلد هو السبب وده من وجهة نظري المتواضعة وتقبل مروري بصدر رحب

M.ELAKSHEF
:

اولا احب اشكرك ياستاذ حماده على رائيك اللى انا باحترمه جدا وانا معاك ان الاسباب متعدده بس انا باكد ان اخطر سبب هو اللى انا ذكرته واهم سبب عند الناس اللى تركوا البد وعايزين حل لان الكل فعلا بيفكر فى انه يسيب البلد ومن اولهم انا وانت بس لولا وجود اباءنا واماهتنا فى البده هو اللى بيخلينا نقعد فيها فلازم وجود حل ولا انت ايه رايك....

mansour sharaf كتب:: على فكرة يا محمد انا فاهم وجهة نظرك كويس الحمد لله

انا ال ما تكلمتش فى الموضوع تبعك كلة انا اخذت نقطة معينه واتكلمت فيها بس

لان موضوعك يحتاج الى مناقاشات كثيرة

وهتلاقى فى الرد وجهات نظر كثيرة وطبعا بتختلف من شخص لشخص

وطبعا الخلاف لايفسد للود قضيه

انا عارف ياخ منصور ان انا فتحت موضوع كبير بيهم اولاد البلد وانه محتاج مناقشات كتيره فيريت الكل يناقش لان الموضوع فى مصلحه البلد واحنا اللى يهمنا اكيد انا وانت هو مصلحه البلد اللى احنا عايشين فيها
وكيد طبعا الخلاف لا يفسد للود قضيه.

عامر كتب:: انت كلامك مظبوط جدا يابو ايمن وخلاص لازم كل واحد محترم او بيحترم نفسه او بيخاف على ولاده وفعلا عايز يربيهم تربية كويسة لازم يسيب البلد ويروح يعيش في اى مكان تانى.
وطبعا محمد الكاشف بيتكلم صح جدا لان الاسباب متعددة

انا بشكرك على الرد اولا ياعامر بس احنا عايزين حلول من الاعضاء كلها ولو حتى حلول شخصيه احنا عايزن حل للمهزله اللى بقت فى البلد

mo7amed kawther كتب:: والله خيبه كله يسيب البلد وبعدين نبقا لاجئين في بلاد مش بتعتنا

بس نعمل اية يعني ياحمودة البلد بقا فيها كمية بلطجية

وغير المخدرات الي ملت البلدربنا يسترها علينا

اقولك انا هاسيب البلد واسكن في راس البر

اولا بشكرك على المساهمه ياكوكو بس احنا مش عايزينك تسيب البلد لان لما انت تسيب البلد وانا اسيبها علشان اللى فيها مش هينفع نخليهم يكسبونا وبعدين من اللى يقعد فى البلد ......

طبعا ما ينفعش نسيب اللبد لان لما كل واحد هيخرج من البلد مين ال هيبقا موجود فيها ولازم البلد تعمر باهلها

اين اعضاء المنتدى للرد على هذا الموضوع الذى يهم كل القريه

نرجو مناقشة الموضوع بجديه واهتمام للوقوف على افضل الاراءمن وجهة نظركم

والله ياشباب الناصرية انا فرحان بيكم جدا والله لا تعلمون قدر سعادتي اليوم وانا بشوف تلاقي الافكار والمناقشات دي وان كانت من عدد قليل من الناس ولكن كما يقل (اول الغيث قطرة) وهاهي القطرة
انا متفق معاكم تماما ان موضوع الاوضاع في البلد ده هو السبب الرئيسي بس احب الفت نظركم لحاجة مهمة جدا ان الحاجات اللي احنا بنشوفها دي واللي بتحصل اليومين دول مش حكر علي الناصرية بس ولكنها موجودة في كل مكان وفي دمياط الجديدة نفسها ولكن احنا عشان الكلام ده بيحصل امام اعيينا فاحنا شايفين عن قرب كل اللي بيحصل ومتاثرين ومش عاجبنا الوضع ده علي العموم انا مش مع فكرة ان كل واحد مش عاجبه البلد يسيبها ويمشي لان ده مش حل وانا اعتقد ان معظمنا جرب الغربة وعارفين قد ايه مرارتها مهما كان المقابل منها وعارفين كمان مقدار الراحة والامان والدفي اللي الواحد بيحسها اول مايقرب ويقرب وينزل البلد بعد السفر او الغربة بجد الاحساس ده ياجماعة احساس جميل جدا انا شخصيا جربته وعارف قيمة بلدي كويس جدا مع العلم اني مش عاجبنى الاوضاع الحالية دي
واخيرا انا رايي ان الحل بيبدا من نقطة واحدة كبداية الا وهي وجود الشرطة او عناصر امن قوية ولا تبحث عن المصلحة ولا المجاملات (اعتقد ان كلكم فهميني اقصد ايه)وياتي بعدذلك دور الاهل اللي هما ابويا وامي وابوك وامك وابو صاحبي وام صاحبي وابو جاري وام جاري وابائنا وامهاتنا جميعا وبعد كدا دور علمائنا الافاضل ومشايخنا الكبار ثم المدارس والمدرسين الكرام وصولا بمركز الشباب ودورنا احنا انفسنا ودور الصديق الوفي (الصاحب بجد مش اللي .......... فهمني طبعا)ومنساش قول الله تعالي في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)صدق الله العظيم
بشكر كل اخواتي وحبايبي اللي مفرحين جدا اهل المنتدي الغالي ده ويارب نقدر نوصل لحل ومستني الحلول ياجماعة اللي كل واحد مننا شيفها هتكون مناسبة واسف جدا علي الاطالة

M.ELAKSHEF

انت بجد قدمت حل انا كنت بفكر فيه ياحماده وفعلا ان الحل اللى قولت عليه كويس جدا احنا لو عملنا نقطه شرطه فى البلد اكيد هتخف المشاكل عنا ولو شويه بس ازاى نقدم على العمل ده وانا شخصيا من اول الناس معاك
وانا ان شاء الله سوف اتكلم مع الشيخ تامر ماهر والشيخ شريف شرف بان يعملوا محاضره او خطبه ليوم الجمعه تتكلم عن القضيه دى اللى بنعيشها والمهم اننا نعمل اللى علينا ونسيب الباقى على ربنا
ياودود يا كريم يا جبار السماوات والأرض يا هادي القلوب اهدي قلبي ...
يا مغيث أغثني يا مغيث أغثني يا مغيث أغثني..
اللهم لا تزين لي عمل السوء اللهم ذكرني دائما بأن الدنيا زائلة فاصرف عني زينتها..

والله كلامك صح ياحمادة بس طبعا مش هنخلص من الكوسة لان زي ما انت قلت فلان قريب فلان وعلان ليه اطر عند علان بجد انا نفسي اعيش في البلد بس مش عاوز لما اتجوز واخلف الاقي ولادي ماشيين مع حد وحش او الاقيه بيشرب مخدرات انا عاوزهم يتعلموا ويكونو ناس نحترميين

فعلا اول خطوة مطلوبة هي الامن بس مايكونش زى الامن الى موجود مريح دماغه ومالوش دعوة باى حاجة يستنى لما الناس تموت بعضيها وبعدين يفكروا ييجوا
وانا نفسي حصلى موقف ان محلى اتسرق وطلبت المركز وكان لسه الحراميه تقريبا ما طلعوش من البلد الى رد عليه قالى تعالى اعمل محضر بكرة
وبعد مارحت عملت المحضر ولا حصل اى حاجة
فلازم يكون الامن امن على حق مش كده وكده
وربنا معانا

بسم الله الكبير المتعال
أشكرك سيد محمد على الموضوعات التى تطرها التسأل والمناقشه وتستحق أن أقف لك أجلالا وتقديراا منى لك ولا أزكيك على الله ولكن......
دعنا نتكلم بمنتهى الصدق والشفافيه دون الميول والانحراف عن معيار الصدق والشفافيه....
مع أحترامى الى الجميع لم أرى من الاراء من يضع الدواء فأنت وضعت الداء فما الدواء......
دعنا نبتعد قليلا عن المشاعر والعاطفه الجياشه التى تسكنا حباا وحتراما الى هذه البلده فهى مسقط راسنا جميعا.
حقيقتاكل منا يبحث عن الافضل له ولاولاده فى المستقبل أن شاء الله وحقيقتا دمياط الجديده هى الافضل من جميع المقايس فى كل شىء وهى تكسب الرهان فى كل المراهنات من حيث المعيشه والثقافه ومن حيث العمل والتقدم الى الامام وكلنا بلا منازع لو اتيح له العيش فى دمياط الجديده ماترد للحظهلان هناك فرق بين الناصريه ودمياط الجديده ونحن الذين وضعنا الفرق. الناصريه ماهى المشاريع التى وضعت وتعود بالنفع على أهلها. ماذا صنع ارباب المال فى الناصريه الى أهلها وعادت على شبابها داخل البلد.ماهى السلوكيات التى ينشأ عليها الاطفال الان داخل مجتمعنا اليوم.ماهى النشاطات التى يستطيع الشباب أن يعبروا عن أنفسهم الان.ماهى المشروعات التى تحتضن الشباب داخل البلد ولا تساعدهم على الرحيل.ماهى.... ماهى.....ماهى.....
أشياء كثيرة جدااا وأحدث بمنتهى الامانه أن العيب فينا .
الدواء
لابد لهولاء الشباب أن يقفوا على قلب رجل واحد ويتكاتفوا جاهدين خوفا وحبا على هذه البلد ويقولون لا للوضع الحالى ...........................
أسف على الاطاله ولكن كان لابد لوضع النقط على الحروف من وجهة نظرى المتواضعه جداااا
تقبل مرورى بقلم م/شريف عبودة

طبعآ المدينة تختلف عن القريه من ناحية الخدمات أختلاف كلي وجزائي ولكن لاأحب أن اسكن في المدينه عشان من فات قديمه تاه...

لكن لامانع أن يكون لي عقار هناك أقضي فيها أوقات ما فقط لتغير الجو مثلا....

» دمياط التى لا نعرفها جزء 3
» دمياط التى لا نعرفها جزء 1
» دمياط التى لا نعرفها جزء 2
» دمياط التى لا نعرفها الجزء الاخير
» ظاهره سيئه أنتشرت لدى الازواج....... ما الاسباب