اقتراح اتمنى دراسته وتنفيذه

السلام عليكم ورحمه الله وبركاته

كان ليا رجاء وطلب من اداره المنتدى لو فيه الصالح للمنتدى ياريت ينفذ بعد دراسته من قبلكم

كنت عندى اقتراح :

ايه رايك استاذ عامر اننا ننفذ قسم خاص للطب وصحه الاسرة بدل ما هو مجرد مواضيع

فى قسم النقاشات .

وبكده هيبقى منتدى خاص بالمعلومات الطبيه والصحيه وما نحو ذلك .

اتمنى الاقتراح ينال اعجابكم بعد دراسته ويتم التنفيذ

انا معاكى بس انا شايف انه هيبقى فيه مشكله اننا مش متخصصين فى الطب وصحه الاسره فيكون كل المواضيع هتبقى منقوله من اماكن اخرى احنا هنا فى المنتدى بنعمل على الابتكار ورفع الروح المعنويه عند الاعضاء مع بعض المواضيع المنقوله برضه بس اللى بتكون مفيده اللى هيقرائها ودى وجهت نظرى ياريت تتقبلواها.
هو ممكن يكون فى قسم للاسره يضم المشاكل التى توجد بين الاباء والابناء او بين الازواج والحلول من وجهه نظر الاعضاء (بس برضوه مش هتبقى فى منافسه او مشاركه بين الاعضاء كبيره ) احنا عايزين مجال يحرك الاعضاء ويخليهم يشاركوا بارائهم .
وتقبلوا وافر الاحترام

استاذ محمد معاك اننا بنشجع روح الابتكار والابداع بس فيه مجالات محتاجين

فيها موضوعات منقوله ننقلها عشان الاستفاده

يعنى مثلا موضوع طب الاسرة والصحه ده مينفعش نبتكر فيه موضوعات من وحى خيالنا

عشان كده عايزاه يكون منفصل ننزل فيه برامج دكاترة

معلومات مهمه مصدرها البحث على النت وكده يعنى

لاننا اكيد غافلين عن معومات كتيرة تفيد صحتنا فمحتاجين اننا نعرفها

وتقبل رايى واتمنى تتفق معايا فيه

تماااااااااام الاقتراح ده وان شاء الله هيتنفذ
وانا معاك يا حمودة ان احنا عايزين تفاعل اكتر وتواجد اكتر بس الموضوع ده هيفيد مش هيضر وبعدين مانت عارف انه كده ولا كده (........)
يبقي نعمل الصح ولا ايه؟
ههههههههههههه

فرحانه اوى ان الاقتراح عجبك يا استاذ عامر

وان شاء الله هيبقى فى صالح المنتدى واوعدك بكده ان شاء الله

شكرا بجد على الاهتمام

هو اقتراح كويس وكمام ياعمور ممكن نستعين بالدكتور محمد رجب

انا والله ماقولت ان الموضوع مش كويس او الاقتراح مش كويس والله هو هايل بس انا بقول كمان عايزين مواضيع تثير روح التفاعل بين الاعضاء برضوه وانشطه وانا من اول المشجعين للموضوع ده انا مش بنقد الفكره والله تماما بس انا بحاول انى افكركم باكبر مشكله فى المنتدى وهى عدم وجود تفاعل بين الاعضاء
وانا من اول المشجعين للانسه على الفكره دى واتمنى منها المزيد من الافكار الرائعه وتقبلوا. لكم عظيم الشكر

محمد هلالي كتب:: انا والله ماقولت ان الموضوع مش كويس او الاقتراح مش كويس والله هو هايل بس انا بقول كمان عايزين مواضيع تثير روح التفاعل بين الاعضاء برضوه وانشطه وانا من اول المشجعين للموضوع ده انا مش بنقد الفكره والله تماما بس انا بحاول انى افكركم باكبر مشكله فى المنتدى وهى عدم وجود تفاعل بين الاعضاء
وانا من اول المشجعين للانسه على الفكره دى واتمنى منها المزيد من الافكار الرائعه وتقبلوا. لكم عظيم الشكر

العفو يا استاذ محمد محدش يقصد خالص انه حضرتك ضد الفكرة او مش بتشجعها

كلنا فاهمين انه حضرتك تقصد اثارة روح التفاعل فى المنتدى

بس زى ما قولت لحضرتك مش فى اى مجال نقدر نكون متفاعلين بمجهوداتنا او بابتكارنا

متشكرة اوى انكم من مشجعى الفكرة ولكم منى جزيل الشكر والاحترام

اقتراح معقول ومن فوايده وانه الى محتاج معلومات من دى هيدخل على القسم الخاص بيها مش هيدور فى قسم تانى

شكرا للرد استاذ محمود وفعلا حضرتك عندك حق انه اللى محتاج حاجه هيقصد المكان علطول

اى خدمة يجماعة انتو بس تامرونى وانا انفذ هو انا ليه بركة الا انتوا

بجد اقتراح جميل جدااااااااا واتمنى انه يتنفذ

كمان يا ريت نعمل قسم خاص للمسابقات ده كمان ممكن يكون حافز للمشتركين انهم يعرفوا اصدقائهم على الموقع

وتقبل مرورى

شـــــــــــكـــــــــــــــــرا

» اقتراح اتمنى دراسته
» اقتراح صغير
» اقتراح
» اقتراح شخصى
» اقتراح اخر