الانتخابات القادمة والمرشح الجديد محسن الافندي

انا هتكلم عن الانتخابات من وجهة نظر مواطن عادي في البلد
يعني الكلام ده موش اساس او شئ مسلم به
ده عبارة عن وجهة نظر وعايز حد يناقشني
انا هتكلم عن محسن الافندي
وايه مدى الافادة اللي هيقدمها للبلد لو نجح
في ناس بتقول انه موش هينجح اساسا وان لو نجح موش هيعمل حاجة
وانه بيحب المظاهر وكده
انا بقا بقول انه ممكن يكون اكثر شخص يفيد البلد وانه هيقدم حاجات كتير للبلد حتى لو بيحب المظاهر فده هيخليه ميردش اي حد عايز خدمه عشان يكون شكله كويس
وكمان هيعمل للبلدكتير
محسن الافندي ده لا خالي ولا عمي ولا صاحبي ولا اولاده اصحابي ولا ليه معاه اي مصلحة
انا بتكلم عشان مصلحة البلد وبس
لو حد عنده اي راي يقول
الموضوع فعلا مهم جدا
وهيترتب عليه حاجات كتير
واظن اننا اكتر حد ممكن يخاف علي البلد
البلد دي هي ابوك وامك وخالك وعمل واولادك
اكيد كل واحد بيحب عيلته وبيخاف عليهم وبيحب يشوفهم مرتاحين
عشان كده لازم يكون لنا دور في الشخص اللي هيمثل البلد في المجلس
ارجو التفاعل من الاعضاء

شكراااا سيد طارق على طرح هذا التساؤل الذى قد لا يحسبه الجميع من الاشياء المهم للمجتمع وانا من وجهه نظرى معاك فى هذا الراى مع التحفظ على بعض الاشياء الاخرى وشكرااااااااااا

اولا لاتعليق على هذا الكلام لان محسن الافندى البلد كلها عرفه كويس جدا

ايمن التابعى كتب:: اولا لاتعليق على هذا الكلام لان محسن الافندى البلد كلها عرفه كويس جدا

احنا كده مفهمناش حاجة
يعني رايك انه كويس ولا موش كويس
وضح اكتر

والله انا رايي من راي طارق انه ممكن يبقي مفيد جدا للبلد
بس الله اعلم عامة ياخبر دلوقتى بفلوس بكرة يبقي ببلاش

والله انا معاك تماما ياطارق وباكد كلامك وان اول الناس المستفاده من الموضوع هى البلد لكن البلد مش هتوقف معاه لانهم حاسين انه مش هينجح لكن عن رائى الشخصى انا من اول الناس اللى هقف معاه لانى حاسس انه هيفيد البلد كتير وشكرا لفتحك للموضوع ده

والله يا جماعة انا كل اللي اقصده ان البلد تكون افضل
موش مهم مين اللي يترشح ومين اللي ينجح
اهم حاجة البلد وبس

لايصلح هذا الشخص انا يكون ممثل عن الناصرية بجميع طوائفها اذا انت ترضى انا يكون هذا ممثلك امام الدولة فهذه حريتك الشخصية
لكن نعبد كل البعد عن موضوع التكبر الذى يرمى البعض اليه من خلال كلمة المظاهر انت قف مع نفسك وقوله هذا الشخص ممثلى فى مجلس الشعب واجبنى فى انتظرك

يا ايمن انا بتكلم عن المصلحة العامة
ولا انت عايز واحد يكون شخصية كبيرة ومنستفدش اي شئ من وراه
انت قف مع نفسك ولو خيروك بين واحد شكله هيشرفنا قدام الناس بس مش هتستفيد منه بشئ
وبين واحد هيكون اقل بكتير منه لكن ممكن يعمل كتير للبلد
هتختار مين .... وليه ؟
وبعدين هما بيكتبوا اسم العضو في البطاقة بتاعتك
ولا لما تقدم في وظيفة بيقولك العضو بتاعكم موش كويس
زي الناس اللي مش عايزة العضو يبقى تبع الحزب الوطني
وانا نفسي اعرف ايه السبب
هل هي مجرد المعارضة للحكومة ولا ايه
وشكرا لتعليقك والمناقشة المحترمة

على فكره يا جماعه هو مش هيترشح اصلا

» الجزيرة تعلن عن المباريات الثلاثه القادمة التى ستبث عبر قنواتها المفتوحة
» أيمن نور يجدد تأكيده خوض الانتخابات الرئاسية المقبلة
» «الأخطبوط بول » يتوقع فوز «البرادعي» علي «جمال مبارك» في الانتخابات الرئاسية
» كليب لحازم إمام ::: نجم الزمالك الجديد
» عرض الرسائل الجديد من فودافون