رساله لكل اعضاء المنتدى بما فيهم انا !!!!

تقــــــــــبل مــــــرورى وآســــــف للاطـالـه

ما معنى هذه الجمله سورى المستفزة؟؟؟؟؟

ما اهميه وجودها فى كل مواضيعنا ؟؟؟؟؟

ما سبب نطقها ؟؟؟؟؟

هلى هى شرط من شروط التسجيل فى المنتدى ام من شروط طرح المواضيع ؟؟؟

حقيقى مبقتش فاهمه طيب لما كل عضو بيطلب من التانى انه يتقبل مروره بنكتب مواضيع ليه بقى

لو ماكنش العضو اللى بيكتب عنده استعداد تام لتقبل جميع وجهات النظر اكيد مش هيكتب

وهيوفر على نفسه حرق الدم وعدم تقبل المرور

ليه بقت كلمه مقترنه بردودنا على اى موضوع فى اى مجال

على فكرة الجمله دى متزعلوش منى بتغيظنى جدا وبتعصبنى لانى لو مش متقبله اقسم بالله ما هكتب

مانا هريح دماغى ومش هتعب نفسى ولا هفكر فى افكار جديده

عارفه ان اسلوب كلامى جامد شويه بس رجاااااااااااء بلاش الكلمه دى

احنا هنا بيتنا التانى

اى حد منكم فى البيت بيقول لاخوه تقبل ردى على كلامك ؟؟؟؟؟؟

اتحداكم انها تحصل ليه ؟ لانه مفيش فرق وعارفين اننا هنتقبل

وكمان اسف على الاطاله

ياسيدى لو ردك هيضايقنا اوى كده او مش عايزين نقرا كتير مش هنشترك فى منتديات اصلا

ليه التكلف اللى بين الاعضاء ده

وكمان اللى يدخل موضوع العضو تعبان فيه ويقول شكرا

ادور على باقى الرد مفيش ياعم اى حاجه كمان اى راى اى رد برضه مفيش

لو مستنيين من بعض كلمه شكرا ياااااااااااااه ده الواحد يجيب اى مواضيع ويحطها

ولا يتعب نفسه ولا يدور ولا يبحث ولا يختار المناسب والمفيد ولا اى حاجه

اتمنى ان كلامى يوصلكم كلكم بدون اى زعل منى او من كلامى

متاسفه على الاسلوب والكلام بس ده اللى بيحصل واتمنى انه يتغير

وفى النهايه احب اقولكم اسفه على الاطاله وتقبلوا موضوعى ههههههههههههههههههههههه

ايما باختصار شديد ان هذه الكلمه تكتب ليس الا من ادب الحوار او الحديث فلا فرق بين انسان وانسان اخر الا بالعقل والاسلوب فهى كلمه ان دلت فانما تدل على الاحترام المتبادل فى الحديث
ليس الا
فانا ارى من وجهة نظرى المتواضعه ان هذه الكلمه تدل على الاسلوب الرفيع والحنكه فى التعبير باسلوب الحوار وارجو ان تراجعى نظرك فى هذا الموضوع والله الموفق تقبلى مرورى ههههههههههههههه

استاذ شريف حضرتك تفكيرك بعد اوى انا الحمد لله عارفه اداب الحوار

وعارفه انها كلمه مش وحشه لذلك عنوان الموضوع قولت فيه بما فيهم انا لانى احيانا بقولها برضه تقديرا للانسان اللى قدامى

بس انا كان هدفى اننا نتناقش مع بعض بحريه ومفيش حاجه اسمها تقبل مرورى او اسف على الاطاله

لان مفيش حد فينا هيضايق من رد الناس على موضوعه او من طرح ارائهم بحريه

انا اسفه انى مقدرتش اوضح النقطه دى كويس حضرتك صدمتنى بجد شكرا لردك اللى شرف الموضوع

بجد انا مش عارف اقولك ايه بس انا على فكره مقصدش انك تزعلى منى او تصدمى عموما انا اسف على الرغم انا ماقولنش حاجه تزعلك

دى كلمات قريناها في منتديات تانية
بس انتو لو تلاحظوا ان المواضيع الى بنقرا فيها الكلمة دى بيبقي مردود عليها مثلا تلت اربع صفحات فعادى يعنى انه مايتقبلش المرور او يتقبله عادى يعنى
لكن احنا يعنى القصة كلها خمس ست ردود فلازم كاتب الموضوع يقبل المرور غصب عنه Laughing

تانى حاجه

اسف على الاطالة
وتقبلوا مرورى
هههههههههههههههههههههههههههههههههههه

اخوانى فى الله الصراحه بمجتمعنا يعتبرونه وقاحه(من ناحيه نظري)
واخواننا بالمنتدى لما ينزلو مواضيع00
عايزين كلمه حلوه تحفزهم
فلازم نقول الكلام دا للتحفيز
بس فعلا مينفعش اقول الكلام ده فى موضوع ( نقاش او فى مسابقه او سؤال او ما شابه ذلك ) انما لو عن معلومه او خبر او قصه انا شايف انه عادى . ولكل الاعضاء ان تقبل او ترفض وجهه نظرى

إلى الاخت >>ايما<<

نشكرك ونهدي لك باقة من الامنيات والاماني ،

فبارك الله لكي جهودك وسدد بالخير والعطاء دربك
وبالنسبه لموضوعك متزعليش نفسك هنغير الكلمة... مروري تقبلي
ملاحظه هذه للدعابة فقط____________________________________

شكرا لكل الردود اللى شرفت الموضوع ومن الواضح انه الموضوع غير مقنع للاعضاء

ايما كتب:: شكرا لكل الردود اللى شرفت الموضوع ومن الواضح انه الموضوع غير مقنع للاعضاء

لا بجد الموضوع مقنع تماما بس مينفعش نستغنى عن الكلامات دى لازم كدا شويه وكدا شويه والله الكلام ده بيحفز احسن من ناس تقراء الموضوع وترحل من غير حتى متعبر اللى كاتب الموضوع خالص
انا بتفق معاكى فى اللى يكتب الكلام ده فى موضوع مطلوب فيه النقاش او التعبير عن الراءى

متشكرة جدا استاذ محمد هلالى على اهتمام حضرتك بالرد على الموضوع

انا والله كل قصدى اننا نتفاعل مع بعض بالاراء ونبين لبعض وجهات نظر مختلفه وهادفه نقدر نطلع منها بفكرة جديده فى الموضوع المطروح قدامنا

مش قصدى خالص اتدخل فى موضوع الذوق واداب الحوار زى ما الاعضاء فهموا

عموما اسفه لو مقدرتش اوصل وجهه نظرى بالصورة السليمه

ومتشكرة مرة كمان لاهتمام حضرتك يافندم

» أسماء بعض الاعضاء الغير مرغوب فيهم فى المنتدى و وجودهم ملوش أى لزمة
» تهنئة لجميع اعضاء المنتدى
» كن مميزا بين اعضاء المنتدى (الى كل الاعضاء)
» الدخول اجبارى لكل اعضاء المنتدى والزائرين
» تهنئه من اعضاء المنتدى الجميل الى المشرفين الجدد