حبيبتـــــــي / .....................
حبيبتـــــي شرطة مايلة فراغ
وهكتب ليه حروف اسمــــك,
ما هو انتي في قلبـــــــــــــي
ساكنة القلب وعارفة بقصتي
وحالـــــــــــــــــــــــــــــــــي
ومين غير في قلبــــــــــــــي
أبعتلــــــه مرسالـــــــــــــــي
وأما بعد00000
منيش عارف جوابي ده جوابي الكام
معتش بحسب الصفحات,
معتش بحسب الأقلام,
معتش بحسب اللي تاه من الأحلام
كفاية إني بحبك بس
ولو قلبك بقلبي حس
لصلى لربه, واستغفر لذنبه , وصام
قوليلي إزاي أحبك حب يرضيكي
دأنا تايه ونفسي أوصل أراضيكي
دالو كان الهوا بالسهد أنا سيده,
ولو قلت إن حبك صوم أنا عيده
وعاوزك تعرفي إني
لاأنا عفريت ولا جني
وإيدي أقصر كتير مني
فمش هقدر أجيبلك من الدهب كفة
ولا أجيبلك من الياقوت كفة
ولا حتى الوالي فى الزفة
ولا أجيبلك بيت يموت القطر لو لف في حماه لفة
كفاية إن حب الناس ملامة وعار
وحبي عكسهم عفة
وأخيراً,,,,,,,
مش عاوز جوابي ده يكون ويا أجداده في قلب الدرج,
ولا أحلامي ترميها من أعلا البرج
جناين قلبي راح تفضل ولو طال البعاد فاتحة
بحبك قلتها بالمكسرة نفسي أسمعها بالفتحة
الثلاثاء أغسطس 09, 2011 12:21 pm من طرف محمود بلال
موضوع: حبيتـــــــي شَرطَة مايلة 
