بدون زعل &&& دي زي اختي

السلام عليكم

من اكتر الجمل الي بستفذني كلمة " دي زي اختي "

وطبعا دي بنسمعها كتير في الجامعة خصوصا في الشلة

وتلاقي واحد لاجئ طول النهار مع بنت وتقريبا اسرارهم كلها مع بعض وفي الاخر يقول دي زي اختي ومفيهاش حاجة !

طيب السؤال

ترضى اختك تقولي او تقول لاي شاب كل اسرارها واشاركها في كل حياتها واقولك يا عم دي زي اختي ؟

والغريب والعجيب والمريب ان هي كمان بتستفيض معاه في الكلام جدا وبتعتبره اخوها فعلا ! ودا من هطللة بعض البنات الي مش فاهمين حاجة عن الطبيعة البشرية الذكورية

يا حبيبي مفيش كدا يا حبيبتي مفيش الكلام دا انتو كدا بتضحكو على بعض

الاخت الحقيقية حاجة واي بنت تانية حاجة وتوافر الرغبة والشهوة جايز جدا بينكو خصوصا لما تاخدو على بعض اوي كدا

وبعدين اختك الحقيقية ليها شوية حقوق زي :
1 - حق الميراث
2 - حق الحماية
3 - حق الموافقة على المتقدم لزواجها
4 - حق انك تغطيها لو لقيتها مش متغطية
5 - حق انك تاخدها في حضنك وتطبطب عليها
6 - اولادها هيقولولك يا خالو
7 - اولادك هيقولولها يا عمتو
8 - من المحارم ليك و ممكن تختلي بيها بدون موانع شرعية
9 - ممكن شعرها يتكشف عليك

من غير ما اقول كتير دي اختك يا جدعان اختتتتك يعني كل حاجة عرضك وشرفك دا انت اكتر واحد تغير عليها وتحميها !

لكن زميلتك في الجامعة هتحولها لاختك ازاي ؟ وايه الحقوق الي هتديهالها وانت اصلا قعدتك معاها حرام ؟!!

مبقولش كدا وبطلع نفسي ملاك برئ بس انا بقول الي مقتنع بيه سواء بعمله او لا والي عارف انه صح
وبحاول بكل الطرق اني اطبقه عليا

الخلاصة :
في حالة انك بتقول ان البنت دي زي اختي وانها بتقولك كل حاجة ومشركاك حياتها فاعرف انها مش هي الي زي اختك دا انت الي زي اختها

سيبك من العادات لانها ساعات بتبقى غلط
احنا دينا ونبينا حذرنا حتى من اننا نخضع فى القول حتى لا يصيبنا مكروه من اللى فى نفوسهم مرض

( وهن زوجات النبي صلى الله عليه وسلم رضي الله عنهن )
في زمن فيه الرجال أطهرهم وأبعدهم عن الفتنة
( وهم الصحابة رضي الله عنهم )

أمرهن بعدم الخضوع في القول وأن يقلن قولاً معروفا .

فكيف الحال في زماننا وقد كثرت الشهوات وتنوعت وأتت من كل حدب وصوب ؛
تجر إلى مكانك جيوشها إلا أن يشاء الله .

فقال الله تعالى " فلا تخضعن بالقول فيطمع الذي في قلبه مرض وقلن قولا معروفا
"
أي لا تتكسر إحداكن في مخاطبتها للرجال ، وقلن كلاماً معتدلاً في مادته وبلسان
معتدل في كيفيته .

والآية تشمل عموم النساء ، وعلة التحريم في القول : منع الفتنة ، حتى لا يطمع
من في قلبه مرض الشهوة .

مجرد اللين فى الكلام تم تحذيركم منه يبقى ازاى نضحك ونحكى ونفضفض ونعتبر فلان زى اخونا
عشان كده حرم الاختلا ط الا فى الضروره وتحت حدود قويه
ف مينفعش تقول احنا بنتعامل زى الاخوات
انت عرفتى الغيب دخلتى دماغ اللى قصادك تقدرى تترجمى مشاعره الخفيه مهما كانت خبرتك فى الحياه
ياريت ياجماعة محدش يزعل من الكلام ده وفي انتظار ارائكم ومقترحاتكم

الموضوع فعلا كبير ومنتشر الايام دي بطريقة غريبة بس المشكلة ان مفيش حد بيتعظ من غيره يعني تلاقي الفضايخ والحكايات منتشرة عن مشاكل ناتجة عن الموضوع ده وتلاقي برضه العيال قاعدين مع بعض ومفيش اي احترام ولا خوف من ربنا
واعتقد ان الحل ان العيال دي وبقول العيال وبكررها يعرفوا دينهم كويس ويراعوا ربنا ويحافظوا علي دينهم ربنا يهديم ويهدينا جميعا

M.ELKASHEF

موضوع جميل وابدا بنفسك وربنا يهدى الجميع
كل ابن ادم خطاء وخير الخطاؤون التائبون
مشكور

موضوع جميل ورائع ومهم جداااااااااااااا

موضوع كبير اوى وخطير فعلا بس للاسف دا بقى شئ عادى

موضوع كبير اوى وخطير بس للاسف دا بقى شئ عادى.

والله ياستاذ كلام جميل جدا
يعنى تلاقي الواد شاب لسه بيتصرف عليه وماشي مع واحده قال ايه بيقولك انتيمتى
ههههههههه
لا حول ولا قوة الا بالله
تسلم يباشا

فعلا الظاهرة دى انتشرت كتير الفتره الاخيره
بس أرجع وأقول ربنا يهدى البنات

» المنتخب المصري يسحق الجزاير 4 \ 0
» لاب توب بدون شاشه
» كلمات بدون تعليق m
» كلمات وألفاظ نقع فيها بدون علم
» تعلم الانجليزية بدون معلم بوربوينت