المشروعات الجديدة بالبلد والفكر المتاخر للناس

اسم المشروع: فيديو وميكسر شروق
المدير المسئول : محمد نصحي


اسم المشروع : حلواني روان
المدير المسئول: عطية

اسم المشروع : الحديدي فون
المدير المسئول : احمد الحديدي

اسم المشروع : سامر فون
المدير المسئول سامر الحديدي


الخ....الخ

رغم سعادتي ان في شباب بدات تفكر صح الا اني خايف ان الناس تجبر الشباب دول على الاحباط
انا شايف رغم توفر خدمات جديدة ومتميزة في نفس الوقت الا ان الناس مازالت تنجذب الي الاسماء الكبيرة خارج البلد
طيب ليه
هي الناس بتحب الجري
ولا خايفين ان حد من الشباب دول ينجح
ليه منشجعش الشباب دول ونبدا نشوف الناس تيجي بلدنا عشان يخدوا خدمات
بدل ما نكون احنا اللي بنروح كل البلاد اللي جنبنا
انا شايف ان الفكر في البلد مازال متاخر
وانا عايز اننا نشوف طريقة نقدر نغير الناس
لازم الناس تثق في الشباب اللي هنا
وان الخدمات اللي هنا هي نفس الخدمات اللي بره
وان الناس اللي بره موش بيخترعوا حاجات من دماغهم او بيتعلموا في جامعات امريكا

يعني مثلا الناصرية تملك اسوء واقدم و.....و..... وسائل مواصلات
بصراحة احنا كنا بنتكلم عن البلاد المجاورة واننا بالنسبة لهم مدينة
الوقتى هما بقوا احسن مننا في كل حاجة
ليه السواقين موش بيحاولوا يطوروا سياراتهم
واحنا طبعا بنركب وخلاص ونقول يا عم كبر الجمجمه يعني انا اللي هغير البلد
ليه الشباب موش بتروح النادي بتاع البلد وبتروح المقاهي
مستنين ان النادي يتطور
طيب يتطور ازاي
لوحده
موش لازم يكون في اقبال عشان يتطور

بصراحة الموضوع ده كان نفسي افتحة مع حد من زمان جدا
واظن ان جه وقته
والله عايز يناقش بكل موضوعية يتفضل
عذرا للاطالة

الموضوع مهم بجد ياحماده بس انا ليه وجهه نظر فى الموضوع ده ان كل الناس اللى فى البلد لمل بيشوفوا مشروع ناجح كل الناس بتعملوا واللى مش قادر يعملوا بيعمل على احباط المشروع عندك مثلا حلوانى (روان )مفتوح فى البلد بس تجى تشوف الناس اللى من البلد بيشتروا منين ممكن تلاقى حد بيشترى من شريف الزينى اللى هو اصلا حلوانى (روان) متعامل معاه وبيعطى بنفس الاسعار فهذه مشكله بس يترى المشكله فى الناس ولا دى اصلا مشكله انهم اتعودوا على الشرا من المكان ده