نشره اخبار الخامسه والعشرون ونصــف ( مصريه 100% )

بسم الله الرحمن الرحيم
نقدم لكم اخبار الخامسه والعشرون ونصف

زى ما تعودنا بكل جديد

اليوم انا جاى ومعايا اخبار بس مش عن الناصريه ولا عن المنتدى انما اليوم عن واحده كلنا بنحبها وكلنا بنعشقها هى امى وامك هو وطنك ووطنى

هى ( مــــــــــــصــــــــــــــــر)

ودى نشره اخبار اتمنى ان ايمن ابنى وابنائكم يشوفوها فى مصر

نبدء الاخبار

1-إنتخابات برلمانية ورئاسية مبكرة فى مصر.. الرئيس المصرى يأمر بحل البرلمان الحالى والتبكير بالإنتخابات ، والمعارضة تشكل 90% من المجلس الجديد الذى يقرر فى جلسة طارئة إجراء تعديلات دستورية على المادة 76 تانى ، والتبكير بإنتخابات رئاسية متعددة شاركت فيها الأحزاب المصرية..

2- مصر تصدّر قرابة الثلاثمائة مليون رغيف يومياً لدول أفريقيا بعد إنفراج أزمة الدقيق .. والرئيس المصرى الجديد يفتتح "متحف طابور الخبز" فى ميدان التحرير

3- إفتتاح 10 شركات محمول كبرى فى مصر .. والمنافسة تشتعل بينهم .. وسعر المكالمة وصل للرقم الحقيقى وهو "شلن" لكل خمسه عشر دقيقة .. بعد ما كانت 175 قرش للدقيقة أيام زمان ، وتغيير شعار "المحمول فى يد الجميع" الى " المحمول ملوش عوزه "

4- إنتهاء أزمة الإسكان فى مصر بعد إستصلاح مائة مليون فدان فى الصحراء الشرقية ، ومائة مليون فدان فى الصحراء الغربية ومائة مليون فدان فى وسط البلد بجوار المسجد الكبير . وإنشاء مئات الأبراج السكنية بسعر رمزى للشباب اللى عايز يتجوز "خمسة وتلاتين جنيه لشقة خمس أوض وصالة واتنين حمام وريسيبشن" والرئيس الجديد يعلن : لا غلاء فى أسعار الشقق الجديدة.

5- الحكومة الإئتلافيه الجديدة فى مصر تعلن أن الحزب الوطنى "حزباً محظوراً" بإعتبارة "عورة" بعد ما حكم مصر أكثر من ثلاثين سنة متواصلة ، وتقفيش أعضاء الحزب فى الشوارع ، ووقفات إحتجاجية للتضامن مع أعضاء الحزب المعتقلين.

6- مواطن عربى يلقى بحذائية على "أوباما" فيشعر أوباما بالندم ويقرر الوقوف بجانب فلسطين ضد إسرائيل ومظاهرات فى كل البلدان بعد حدوث "أزمة الحذاء" فى العالم.
حيث ادى ذلك الى إنخفاض سعر حديد التسليح وتوافره فى كل محلات البقالة ، وإرتفاع أسعار الأحذية والرئيس الجديد يأمر بالضرب على أيدى تجار الأحذية الذين يحتكرونها ويبيعونها فى السوق السودا.

7-توافر 154721 مليون فرصة عمل جديدة بعد إنشاء 2451245 مصنع جديد فى مصر ، وأزمة جديدة بسبب عدم توافر موظفين وعمال ، وإجتماع طارئ للحكومة المصرية الجديدة لبحث إمكانية إستيراد عمالة من دول الخليج

8-الحكم بالجلد على مواطن خليجى فى مصر بتهمة "الزعيق بصوت عالى" فى منتصف الليل مما أدى إلى صحيان مواطن مصرى من النوم ، ورغم أن المجنى عليه أشار إلى أنه "كان ظابط المنبه" إلا إن المحكمة حكمت بالجلد والسجن والغرامة على المتهم ردعاً لأمثالة من الأجانب اللى بيزعجوا المصريين

9- محكمة الجنايات المصرية تصدرحكماً بالسجن 140 عاماً على مدرس مصرى مع تغريمة مبلغ 67542541 جنيه وذلك بتهمة "الشخط" فى تلميذ مما أدى إلى بكاء التلميذ ، وقد حاولت هيئة الدفاع عن المدرس تحويل ملف القضية من قضية "تعذيب تلميذ بالشخط" إلى قضية "ملاعبة تلميذ بس بصوت عالى" .. إلا إن التلميذ حلف إن المدرس شخط فيه .. ومظاهرات فى كل مكان تندد بالوحشية التى يتعامل بها المدرسون مع التلاميذ.

وكانت هذه هى الاخبار التى نتمنى ان نراها فى مصر ولو شىء بسيط منها

والسؤال دلوقتى / فى اى عهد سوف ترى مصر وشعبها كما رايتها فى هذه النشره

كان المفروض هذه النشره توضع فى النقاشات ولكن نحن تعودنا على الجديد والجديد من هذه النشره

ارجو ان تحوز اعجابكم

وكما تعودنا
كان معكم ا/ محمد هلالى
من امام المسجد الكبير بالناصريه

يدينى ويديلك ويدي لاحفادنا واحفاد احفادنا طولت العمر

اقعد بالعفيه على جثة البلد
البقاء لله

انا اطالب بنظره امل لاعضاء المنتدى وعدم ابداء نظرات الياس
الله اعلم يمكن لما نتفائل اى حاجه تتحقق
انا حلمت ان الناصريه بتلعب فى كاس مصر وتتحقق حاجه شبه كدا واخدنا كاس المحافظ مع اختلاف الالقاب بس كلها كؤس
يعنى من الاخر لازم الكل يحلم

هههههههههههههههههههههههههههههه نشره جامده والله فيها حاجات كوميديه مووت
والله اعلم ممكن تتحق او بعضها يتحقق وانا متفائل بجد ونقول
ياااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

ماشي ياحمودة انا معاك ومتفائل جدا
ومفيش حاجة ممكن نعملها غير اننا نقول ياااااااااااااااااااااااااااااااااااااااااااارب علي راي محمود اخويا

M.ELKASHEF

ألله على الروعه ممكن كل شىء جائز بس انت بتقول يقفشوا اعضاء الحزب الوطنى ههههههههه خلاص نخبى العضو بتاعنا ولا ايه ههههههههههههههه.
مصر ياسيدى الفاضل تحتضر فهل من طبيب يداويها وله الجنه

ممتاز استاذ محمد والله

وكلنا بنقول يارب مش بس الناصريه لا يارب مصر كلها

واهو المتفائلين بيحلموا ... واحنا معاهم هههههههههههههه

والله ما فيش حاجة بعيده علي ربنا بس نقول يارب

كل الناس بتقول يارب يارب

ايوه انا عايز الكل يتفاءل ويقول يارب بس الكل يبدء بنفسه شوف انت عايز تشوف الناس الزاى واعمل مع نفسك كدا يعنى ابدء بنفسك

والله يا أبو أيمن ولا تعلم ممكن البلد دى تبقى أحسن البلاد ويتحقق الكلام ده كله

» نشره اخبار الخامسه والعشرون ونصـــــــــف
» اخبار الخامسه والعشرون
» اخبار الخامسه والعشرون 3 (الحلقه الاسبوعيه )
» اخبار الخامسه والعشرون ( الحلقه الاسبوعيه )27/3/2010
» اخبار الخامسه والعشرون ( الحلقه الاسبوعيه ) 2010/4/3