شوفوا الهم اللى احنا فيه

ونواصل حملتنا التى بدأناها لتوعية الناس والاعضاء والزوار بما يحدث حولهم والان مع موضوع مهم جدا كان حديث الناس ولازال وه وزير التعليم والزيارات المفاجئة للمدارس والاعتصامات :-

أولا : الحملات المفاجئة إلي بيعملها وزير التربية والتعليم الجديد على مدارسة حكومية بحلوان
والي شفناه هناك من مشاهد تثير الإستياء بجد والي بتعبر عن المستوى المنحدر الي وصلنا ليه والي وصل ليه التعليم في مصر .. لا مدرسين عارفين هما مدرسين ايه ولا طلبة عارفين هما عندهم حصص ايه ولا كمبيوترات شغالة ولا مدير مدرسة موجود اصلا
وغيرها من المشاهد الي شفناها هناك والي طبعا هيا جزء ويمكن يكون بسيط من الي بيحصل في المدارس في كل أنحاء الجمهورية
وكانت طبعا نتيجة الي الوزير شافه هو نقل جميع العاملين بالمدرسة من مدرسين وادارين للمحافظات المختلفة في مصر والمدير للمنيا
لكن يا ترى العقاب الرادع الي الوزير قرره ده ينفع فعلا وهو ده الحل الحقيقي لمشكلة التعليم في مصر
ولما حضرة الوزير شايف ان المدرسين دول وادارتهم مهملين زي ما احنا شفنا يبقى العقاب ليهم انهم يروحوا مدارس تانية في محافظات مختلفة ؟؟
يعني هو بيعاقب المدرسة التانية الي نقلهم ليها دي بانه يبعت ليهم ناس من وجهة نظره مهملين؟؟؟
والمدرسة التانية دي ذنبها ايه في انها تتحمل اهمالهم؟؟
وياترى برضه مش في حاجة اسمها تحقيق وتدرج في العقاب ولا هو الدبح على طول كده
طبعا انا مش بدافع عن الاهمال ولا بشجعه انا مع انهم لازم يتعاقبه وعقاب رادع كمان ، لكن مش بالشكل ده ابدا ومش هو ده الحل
ما ينفعش اجي لناس اتعودوا من سنين ان مفيش حد من الاعلى منهم بيشرف عليهم ولا بيتابعهم واعاقبهم علشان فجاة عملت حملة عليهم
المشكلة مش فيهم هما بس المشكلة متشعبة ومنتشرة في كل مكان في المنظومة التعليمية كلها ولازم قبل ما نعاقب نقوم ونصلح ونبني نظام جديد صح قايم في الاساس على المتابعة المستمرة وتحسين المناهج الدراسية بما يناسب عقلية جيل هيبقى هو قائد المستقبل ، وبعد كده بقى ابقى اعاقب الي مش هيمشي على النظام ده ده رأيي ومش عارفة بقى ايه رأيكم إنتم؟؟؟

ثانيا: الاعتصام المستمر امام مجلس الشعب من مختلف موظفي الدولة
وده بقى كان صدمة بالنسبة ليا خالص
ماصدقتش عيني وانا شايف ناس رافعة يافطات وكاتبين عليها ان مرتبهم 60 جنيه و99 جنية في الشهر
وبيطالبوا بزيادة مرتبهم وبالتثبيت
معقول ده هو الاستهبال وصل للدرجة دي ، ناس عايشة ب 60 جنيه في الشهر لا والحكومة كمان لسه بتنظر في طلباتهم
ايه ده ايه الي بيحصل ده
الناس دي بجد عايشة ازاي بتاكل ازاي وبتلبس ازاي وبتنزل من بيتها ازاي
هما دول بجد الي بنقول عليهم ناس عايشين بالبركة
لكن الحكومة بقى بجد لا لالالا تعليق على موقفها وعلى الي بيحصل والناس دي ذنبهم في رقبة ناس اعتقد ان ال 60 جنية دي بيدوا لولادهم وهما رايحين المدرسة الصبح ضعفها ويمكن مش بتكفيهم كمان يعنى يجيب برتبه كله كيلو لحمة وياكلها حاف كمان هو عيلتة

وجاين تقوقولى كورة وبتاع والله مش عارف اقول ايه

ولنا فى الحديث قضية قصدى بقية

والله يا درش انت بتتكلم كلام زي الفل وواقعى جدا
اولا : بالنسبة للتعليم انا شايف ان الحل ان المدرس لازم تبقي عيشته كريمة عشان يبقي بيدى كل الى عنده مش على قد فلوسهم
وده اتحقق خلاص حاليا
الحاجة التانية المناهج حاجه مش معقولة بجد يعنى مثلا ابن اختى في خمسة ابتدائي جيت اذاكرله رياضيات ماعرفتش وكان شكلى زبالة .... منا لقيتنى قدام توافيق وتباديل وحاجات غريبة كنت بسمع عنها في الثانوية مش في الابتدائي!!!!
مفيش تكافؤ بين اعمار الطلبة والمناهج الى بيدرسوها عشان كده العيل بيكره التعليم والمدرسة ومدرسينه والحياة والى فيها......

ثانيا : الاعتصامات دي بقت زي السلامو عليكم لان كل واحد في البلد دى حاسس انه حقه مهضوم والحكومة رافعه شعار لا حياة مع الياس ولا حياة لمن تنادى
وماشية بمبدا من حقك ان تعترض ومن حقي ان احبسك بس عدلوها بقي اعترض براحتك ولا حد هيعبرك
اللهم لا حول ولا قوة الا بالله
محتاجين ثورة ... لن ينصلح حال البلد دى الا بالثورة ايا كان شكلها لان الناس كارهه البلد
الفرج من عندك يارب
اسف انى طولت بس انت الى فتحت الجروح بقي

والله ياعموووور
الثورة لازم تكون جوانا اولا مش على البلد لان احنا بالامبالاة بتاعتنا وصلنا حلنا للى احنا فيه تعالى شوف الشعب والمواطن بيعمل ايه فى ايه ازمة بيقول وانا مالى انا ميعملوا اللى يعملوا .
الثورة والتعديل الداخلى هو من سيحل جميع المشاكل
بس المشكلة ان اللى فيه الشعب حاليا ممكن يصبح او اصبح طبع وغريزة
رحمتك بينا يارب

انا رأيي إن الموظفين دول غلابه ومظلومين
واللي هما فيه ده غصبن عنهم
زي مانت قولت المرتبات شوف عاملة ازاي أكيد كل واحد فيه له كام شغلانه تانيه
ومحدش فيهم فاضي يبص تحت رجليه من الدوامة اللي الحكومة معيشاهم فيه
ووزير التعليم اللي عاملي فيها( قرن) ده
يبدأ الاول يعدل المرتبات ويريح المدرسين زي ماهم في أي دولة عربية تانيه
وبعدين يحاسبهم

زي ما أتفضل الاستاذ عامر وقال والدكتور محمد مالقتش كلام أقوله غير أن رأيت عيني موضوع وقفت عنده مبتسما
في جريده الاهرام بتاريخ 20/4/2010 بيقول :

علي عكس الاعتقاد السائد بأن مصر دولة عربية متوسطة الدخل‏..‏ جاءت أرقام اتحاد المستثمرين العرب والمقدمة الي اجتماع اللجنة العليا للعمل العربي المشترك‏.

لتؤكد ان مصر ثالث أغني دولة عربية والأكبر دخلا بمعيار الناتج المحلي الاجمالي بعد السعودية والامارات‏,‏ حيث حققت الأولي ناتجا محليا باجمالي‏379.5‏ مليار دولار‏,‏ والثانية‏270‏ مليار دولار‏,‏ في حين حققت مصر ناتجا ماليا محليا‏188‏ مليار دولار‏,‏ ثم جاءت بعدها الجزائر بـ‏134‏ مليارا‏,‏ ثم الكويت‏114‏ مليارا‏,‏ وقطر‏92‏ مليارا‏,‏ والمغرب‏90‏ مليارا‏,‏ والعراق‏70‏ مليارا‏,‏ وليبيا‏60‏ مليارا‏,‏ وسوريا‏54‏ مليارا‏.‏
من جهة أخري كشفت أوراق اجتماع اللجنة العليا للعمل العربي المشترك عن تصاعد التدفقات الاستثمارية الي الدول العربية خلال السنوات الأخيرة‏,‏ ويرجع ذلك وكما يقول جمال بيومي رئيس اتحاد المستثمرين العرب لاعتبار الكثير من الدول العربية مثل مصر بمثابة الملاذ الآمن للاستثمار بعد الأزمة المالية العالمية‏,‏ وذلك نتيجة استقرار أسواقها‏,‏ وعدم مشاركتها في المضاربات غير المأمونة وتمتعها بفوائض مالية في قطاعها المصرفي‏,‏ مثل مصر‏,‏ وكذلك السعودية وتونس والمغرب والأردن‏,‏ وكذلك اتجاه تشريعات الاستثمار الأجنبي المباشر في دول المنطقة نحو مزيد من المرونة وبخاصة في مجال الخدمات المالية والعقارية والاتصالات‏,‏ ومثلت خصخصة تلك الخدمات عامل جذب أكبر للاستثمارات عبر الوطنية‏.‏
بالاضافة الي تحسن مناخ الاستثمار ومعدلات النمو في عدد من الدول العربية‏,‏ كذلك أدي تحرير الخدمات المالية والتشييد والبناء والاتصالات الي استحواذ قطاع الخدمات علي الحصة الأكبر من الاستثمار الأجنبي المباشر‏,‏ وهناك مؤشرات علي تزايد الاستثمار الأجنبي المباشر في قطاع التمويل الإسلامي من خلال المؤسسات المالية داخل المنطقة خاصة في دول الخليج العربية والأردن‏,‏ بالاضافة الي تبني الدول العربية المضيفة للسياسات التي تعزز الطاقات المحلية ومهارات الايدي المتخصصة في التقنيات‏,‏ وأشارت التقارير الي وجود عدد من العوامل الخارجية الجاذبة للاستثمار مثل واقبال الشركات الأجنبية علي الاستحواذ علي الأصول الاستراتيجية وارتفاع معدلات العائد علي الاستثمار في المنطقة العربية بخاصة الصناعات الاستراتيجية كالنفط والغاز والتعدين‏.‏
من جهة أخري‏,‏ حذر اتحاد المستثمرين العرب من تزايد معدلات التضخم في عدد من الدول العربية من متوسط بلغ‏6%‏ الي‏9%‏ مقارنة بالمعدلات العالمية‏2.2‏ ومعدلات الدول النامية‏6.3%‏ وعلي رأس هذه الدول مصر وليبيا والسعودية والبحرين والجزائر وسوريا وعمان وقطر وموريتانيا ويرجع تزايد معدلات التضخم الي تصاعد الأسعار العالمية للمواد الغذائية والوقود وزيادة الطلب المحلي نتيجة السياسات الكلية التوسعية والزيادة الضخمة في الاستثمارات الخاصة ورغم تراجع اسعار البترول لاحقا إلا أن الأزمة المالية العالمية فرضت علي كثير من الدول مواصلة التوسع في الاستثمار والانفاق المحلي لسد ثغرة العجز في السيولة المصرفية‏.‏

أسف على الاطاله