يا من تطلب المدد من الميتين إبقى قابلني لو كانوا سامعين !!!!!!

يا من تطلب المدد من الميتين إبقى قابلني لو كانوا سامعين

لو رجلك خدتك لأى مسجد فيه ضريح بكل ثقة أقدر أقولك أنك حتشوف العجب .. وأنا شخصيا حدث لى موقف من دول من 4 سنين ..كنت ماشى على البحر مع احد الاصدقاء وسمعنا أذان المغرب من أحد المساجد الكبرى اللى على الكورنيش عدل ..ولا أُخفيكم قولا مكنتش أعرف إن المسجد ده فيه ضريح .. حتى إنى دخلت وصليت ولم ألاحظ وجود الضريح لانه كان فى أوضة جانبية .. المهم إنتهت صلاة المغرب فأسرعت علشان ألبس الحذاء لكن لفت نظرى دخول ناس إلى أوضة جانبية وخروج ناس منها .. قولت فى نفسي ايه الاوضة دى ! .. فقولت لما ألقى نظرة .. بصيت لاقيت ضريح كبير متوسط الأوضة …وناس حول الضريح اللى متعلق وماسك فى أسوار الضريح واللى بياخد له لفه حول الضريح .. حاجات تخلى العقل الطاير يشت .. والغريب أن الناس دى منظرها بيوحى إنها متعلمة .. خرجت من الاوضة دي وإرتديت حذائي ثم خرجت من المسجد وأنا مازلت افكر فى اللى أنا شفته …

ثم السؤال اللى طرح نفسه مين الناس دى اللى عملولها ضريح واللى أطلقوا عليهم أولياء الله الصالحين ! .. مين مثلا (المرسى او العباس) و(سيدى بشر ) فى الاسكندرية ؟! .. ومين ( البدوي) اللى فى طنطا ؟! .. وهل كانوا فعلا أولياء أم لا ! وما هو حقيقة تاريخهم ..! ,إذا كانوا على فرض أولياء هل يصح دفنهم داخل المساجد والاهم هل ما يفعله الناس دي بالاضرحة يمت للأسلام بصلة؟! .. وبعد طول تفكير وصلت لقناعة أن كل ما يحدث ده إستخفاف بالعقول فهو يناقض الشريعة والعقل معا ..فما فمعنى مثلا إنى أدخل أنادى واحد ميت وشبع موت وأطلب منه أن يتشفع لــ فلان أو يقضي لعلان مصلحة معينة .. فلو أنت متخيل ان الملقى أمامك ده جثة هامدة بيسمعك يبأه عليه العوض فى الربع النافع من نفوخك ، ولو تخيلت أن الجثة اللى قدامك دي ممكن تقضي لك حاجات يبأه عليه العوض فى نفوخك كله ومحتاج نفوخ جديد لسه بكرتونته ..فده وضع غريب مناقض للفطرة وللعقل ..

لكن محدش مثلا قعد يفكر هل( المرسي أبو العباس ) ده يستحق أنه يبنى له ضريح فضلا عن الحكم الشرعي فى بناء الضريح ! ..مين مثلا منهم أو أى حد فكر انه يتأمل فى أقوال الاولياء دول ويحكم عليهم منها ! .. فمثلا أحد اللى بيسموهم اولياء وله ضريح مشهور فى الاسكندرية يقول : (ما من وليّ كان أو هو كائن إلا أطلعني الله عليه وعلى اسمه ونسبه وحظه من الله تعالى ) (معراج التشوف لابن عجيبة: صفحة 88) .. طب بالله عليك لو حد طلع الايام دى قال الكلام ده حتعمل فيه ايه ؟! ..مش بعيد ترقعه بكرسي فى دماغه .. إزاى يكون قائل الكلام ده ولي وهو عمال يخترع ويسرح بخياله .. أيوه للأولياء كرامات لكن فيه حدود .. فعلم الغيب ده اختص الله به نفسه ، مينفعش يكون من كرامات ولى علم الغيب ومينفعش يقول ان الله سبحانه و تعالى هو اللى اطلعنى على الغيب لان الله تبارك وتعالى قال فى أيات فى القرأن إنه اختص نفسه بعلم الغيب ...يبأه موضوع الاضرحة ده يجعلنا نطرح سؤال مين اللى فى الضريح ده وايه تاريخه ؟!..أما الفكرة العامة نفسها اللى هى اصل الفطرة ان المسجد منفصل عن القبر ده شىء بديهى مش محتاج أى فذلكة عقلية للوصول إليها ..

يبأه ايه المبرر حتى ولو سلمنا ان دول أولياء اننا ندخل قبورهم فى المسجد ..فالصحابة وهم أشرف الخلق بعد الانبياء محدش فكر انه يعملهم ضريح والسبب فى ده ان وفاة الصحابة كانت فى فترة الدولة الاسلامية كانت فيها قوية العقيدة ومدبتش فيها الخرافات والخزعبلات .. ولو بصيت فعلا للأضرحة المبنية دى حتلاقيها طلعت إذ فجأة كده فى عصور التخلف والضعف وخصوصا فى فترة الدول العثمانية ..من السهل جدا إننا نضع حد لكل المهاترات دى اللى بتحصل حول الاضرحة لكن اصبح هناك ناس منتفعين فعلا من بقاء الحال على ما هو عليه ، وصناديق النذور شغالة على ودنه ، وبتوع الموالد شايفين فيها سبوبة ولقمة عيش حلوة وسلملى على وعي الامة المفقود .

(منقـــــول)

M.ELKASHEF

اولا اشكرك على طرح هذا الموضوع ذو الاهمية القصوى بالنسبة لنا كمسلمين
فهناك عده مشاكل سوف تواجهنا منها
ان شيخ الازهر صوفى ويتراس جماعة صوفية
هناك دكتور ازهرى لعنه الله يدعى حسن شحاتة وكان من المتصوفة اصبح الان شيعى ويسب الصحابة والسيده عائشة ومع ذلك قامت حكومتنا بارك الله لها فى هذا العمل بعمل كمين له لانه كان خارج مصر يتنقل بين العراق والكويت وايران ويسب امنا عائشة والصحابة وبالفعل قامت المخابرات باستدراجة للرجوع الى مصر وتم اعتقالة فى المطار
ثالثا الجهل المستوحش فى بعض العقول وحتى لو كانت متعلمة فانا اعرف دكتور متعلم يتبع الصوفيه وخزعبلاتها
التمويل الخارجى والداخلى لهم فمثلا روسيا تنفق المليارات من الدولارات على نشر هذا المذهب فى روسيا بجميع الدول الاسلامية التابعة لها وايضا ى دولنا

الموضوع ليس هين ولكن اصبح الان هناك ثقافة عند الناس وتدين بفضل القنوات السنية المنتشرة الان والحال الان افضل بكثير من الحال منذ عشر سنوات
اعذرنى للاطالة

THE KNIGHT OF THE WORD كتب:: اولا اشكرك على طرح هذا الموضوع ذو الاهمية القصوى بالنسبة لنا كمسلمين
فهناك عده مشاكل سوف تواجهنا منها
ان شيخ الازهر صوفى ويتراس جماعة صوفية
هناك دكتور ازهرى لعنه الله يدعى حسن شحاتة وكان من المتصوفة اصبح الان شيعى ويسب الصحابة والسيده عائشة ومع ذلك قامت حكومتنا بارك الله لها فى هذا العمل بعمل كمين له لانه كان خارج مصر يتنقل بين العراق والكويت وايران ويسب امنا عائشة والصحابة وبالفعل قامت المخابرات باستدراجة للرجوع الى مصر وتم اعتقالة فى المطار
ثالثا الجهل المستوحش فى بعض العقول وحتى لو كانت متعلمة فانا اعرف دكتور متعلم يتبع الصوفيه وخزعبلاتها
التمويل الخارجى والداخلى لهم فمثلا روسيا تنفق المليارات من الدولارات على نشر هذا المذهب فى روسيا بجميع الدول الاسلامية التابعة لها وايضا ى دولنا

الموضوع ليس هين ولكن اصبح الان هناك ثقافة عند الناس وتدين بفضل القنوات السنية المنتشرة الان والحال الان افضل بكثير من الحال منذ عشر سنوات
اعذرنى للاطالة

شكرا مصطفي علي ردك الجميل والوافي والسريع فعلا الموضوع خطير جدا لان هناك اناث متعلمون تعليم عالي ويؤمنون بهذه الخزعبلات

M.ELKASHEF