ابليس يتألم

موضوع: ابليس يتألم الإثنين أبريل 12, 2010 9:14 am

من اجمل ما سمعت من الشاعر على سلامة

على باب سفارة كندا

حتى ابليس هاجر من مصر

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد....

في كل البلاد..

ومش محتاجين شياطين .. مليش عيش ف دي البلاد..

.....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

اخي الكريم فعلاً من اروع ما سمعت

نقد ساخر واكثر من رائع

جزاك الله خيرا

شكلنا بقى بايخ اوى حتى مع ابليس
بس لو كل واحد بدا بنفسه هنبقى احسن ناس

هههههههههههههههه
جميله جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
برافوا عليك

» حديث ابليس مع رسول الله
» تخيلوا ان المراه اذكى من ابليس!!!!!!!!