اخرتها الجواز

واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء"
قالتله"طب والجواز؟" قالها:"دى الحفرة اللى واحنا بنبص على النجوم بنقع فيها.."
-----------------------------------------------------
واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين.
----------------------------------------------------
واحد نشر إعلانات في الجريدة :مطلوب زوجة!!! تاني يوم جاله 100 جواب فيهم نفس الرد: تاخد بتاعتي؟؟
----------------------------------------------------------------------
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه . . طرررررخ!!! الزوج: "فيه ايه يا بنت الحلال؟ ليه كدا؟؟؟"
الزوجه :"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها ... بعد اسبوع،الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون
----------------------------------------------------------
مرة واحدة قالت لجوزها "إهدى حبيبى كدة! وأرجع زى زمان"، الراجل طلقها و رجع لأيام العزوبية
---------------------------------------------------
مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها
----------------------------------------------
مره واحده بتقول لجوزها "تصدق إنه أنا كل يوم بحلم بيوم جوازنا" قالها "هى لسه الكوابيس دى بتجيلك؟"
----------------------------------------------------------------------
مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "حروح اخدها"
------------------------------------------------------------------------------
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟ قالت أصله كان بيحب واحدة ومتجوزهاش .
دخل العنبر الى بعده لقى واحد بيضرب نفسة بالشبشب قالها وده ماله قالتله اصل ده الى اتجوزها ؟؟ !

مشكور استاذ / احمد الحمد لله لسة الواحد بعيد عن الحفر دى عموما مفيش ولا واحد من المتزوجين بيشكر الجواز كلهم أجمعواعلى أن أجمل أيامنا أيام العزوبية ونا لازم أصدق مجبر أخاك

هههههههههههههههههههههههههههههه

ههههههههههههههههههههههههههههههه
زى العسل

جميلة
أوي ههههههه

ليه كده ياستاذ احنا كده هنبات على السلم
ربنا يستر
هههههههههههههههه