برجاااااااااااااااااااااااء الاهتمام

والله ياجماعه انا زعلان علي الايام اللي بعدت فيها عن المنتدي وان كان وجودي ليس بالموثر بالشكل المطلوب بس انا لي طلب وبجد كده نبقي فعلا عملنا حاجه للبلد ويبقي المنتدي مش بس افاد الاعضاء الموجديين ده يبقي افاد البلد واعتقد ان اغلب الاعضاء وان لم يكن الكل من شباب البلد اللي مش هيتأخر
في الطلب ده
اولا/عايزيين معلومات عامه عن البلد زي (التعداد/المساحه/متوسط الاعمار /اسباب الوفيات اوالامراض المزمنه اللي مسيطره علي البلد وكيفيه التخلص منها)
انا عارف ان الطلب صعب بس اللي انا متاكد منه انه ليس بالمستحيل خاصه ان احنا كلنا شباب وشباب بنحب البلد بجد
ثانيا /وده الاهم واعتبروه رجاء مش طلب
نحاول نتفق علي يوم نتجمع فيه ونحاول نعمل كشف بفصائل الدم الموجوده في البلد وارقام التلفونات (للقادرين علي التبرع بالدم )وانا اعتقد اني في ناس كتير هيكونوا جهزين للموضوع ده واوعدكوا انا لازم اكون اول المتبرعيين هي فكره بسيطه ومش مكلفه خالص بس نشوف حد يخلصلنا الاجراءات

فكره جميله أخي احمد بس احنا خارج البلد لو مطلوب منا اي شيئ أحنا تحت الامر

فكرة ممتازة استاذ احمد احييك عليها بجد
بس للاسف انا مش من الناصريه بس لو اقدر اساهم فى حاجه
ياريت حد يطلبها منى وانا اقوم بيها فورا والله

فكرة جميلة ومش غريبة عليا خصوصا انى اعمل فى وحدة محلية بمدينة تفتيش السرو (مركز معلومات )
طريقة العمل هى عبار عن حصر السكان القرية أو المدينة
حصر النشئات الحكومية مدارس مستشفيات دار أيتام والعاملين بها
حصر اطيان زراعية
والورش بس الموضوع ده محتاج جدية بالطريقة دى هنعرف أعداد المولودين
وأعداد الوفيات يعنى ممكن تعرف دبة النملة فى البلد
المهم هنقدم أه للبلد أه وممكن عن طريق بطاقة التموين نعرف العدد وعنطريق المستسفى نعرف أعدادالمولودين
يعنى لما حصلت مشكلة رغيف العيش نزلنا البلد ودخلنا البيوت عرفنا أسرة محمد كم فرد وأسرة احمد كم فرد وكم رغيف يكفى الاسرة تقريبا عن نفسى صعبه عليا جدا لان الصبح فى الشغل وبالليل فى شغل أخر فكرة جميلة جداا عيزة دمااااغ

((مييييييزو )) أنا معاك يأستاذ أحمد وانا جي ومعايه دمي لبلدي حببتي على فكره فصياه دمي
B+
وأول مره أتبرعت بدم في جامعه المنصوره عند الكليه أغمه عليا والله عشان ماجبوليش عصير بس أنا معاكوا عادي أغمه عليا عشان خاطر بلدي والله ( ههههههههههههههههههههههه) أنا مش بهزر شكرا على الموضوع الجميل

الله على افكارك ياكبير
موضوع التعداد ان شاء الله هيخلص قريب وهينزل
لكن موضوع فصايل الدم ده انا شايف ان لو لا قدر الله حد محتاج نقل دم اهله مش هيدخلوا على النت ويدخلوا المنتدى عشان يجيبوا حد يتبرع هيذيعوا في الجامع وعلى كده
ومستنى ردودكم

حمد لله على السلامه ورجوعك للمنتدى وتسلم افكارك
بالنسبه للطلب الاول هو فعلا لازم يكون فى البلد او على الاقل فى المنتدى وعلى فكره هو سهل بس عايزين حد ممكن يجيبه من بطاقات الانتخابات او الكشوف وبكد هيبقى سهل حصر تعداد السكان اما بالنسبه للمساحه ممكن نجبها من الوحده المحليه
اما بالنسبه للطلب التانى الحمد لله الشباب فى الناصريه الحاجه الوحيده اللى مش بيتاخروا عليها هى التبرع بالدم اول ما يزاع فى الميكرفون فى الجامع تلاقى الشباب اللى موجود فى البلد رايح قريب او غريب وبعدين احنا اتكلامنا فى الموضوع ده قبل كدا فعلا لو حد عنده حاله محتاجه لتبرع مش هيدخل المنتدى يدور على فصايل الدم ولكن هيروح يذيع فى الجامع لكن احنا ممكن نعملها فى المنتدى ( لفته طيبه) للمنتدى وللشباب واننا مستعدين لعمل اى شىء من اجل البلد
واخيرا احب اشكرك على افكارك الجامده واتمنى المتابعه معنا الدائمه .

ايوة كده يا موغا صباح الافكار الجامده بيس يامان

وياريت صور البلد واحشاااااااااااني

عودا حميدا ياابو حميد تسلم افكارك فعلا افكار جميلة جدا وان كان فيها بعض الصعوبة ولكن يكفينا شرف المحاولة ان شاء الله

M.ELKASHEF

انا بشكر كل الاعضاء اللي اهتموا بالموضوع بس احب اوضح حاجه
للاستاذعامر هو اللي هيحتاج مش هيبدخل المنتدي عشان هنعملها في كشوفات مطبوعه وهيكون في واحد مسؤل عنها عشان نسهل الموضوع شويه
وبشكركم علي التفاعل

» حازم الشربينى على كرسى الاعتراف الضيف رقم 006
» مواضيع خاصة الي ادارة المنتدي ارجو الاهتمام بها