دموع الرجل....!!!!

موضوع: دموع الرجل....!!!! الأحد أبريل 04, 2010 1:01 am

... السلام عليكم ...

ازيكم جميعاً..
الموضوع ده بيدور حول سؤال .. اجابته اختلف عليها اتنين ..
والسؤال هو ..
دموع الرجل .. ضعف أم رقة قلب ؟؟
فى ناس بتشوف ان الراجل بقوته ورجولته وثباته .. مينفعش يبكى ..

وفى رأيهم ان لما الراجل يبكى .. يبقى انسان ضعيف ..

واحنا كمان مجتمعنا كا كل بيستغرب ويتخض ويتصدم لو شوفنا راجل بيبكى وانه مينفعش يكون ادام حد يبقى بينه وبين نفسه عشان يكتم فى روحه ميلاقيش حد جمبه تجيله حسره يموووت !!!

وفى ناس تانيه فى رأيها .. ان ايه يعنى لما الراجل يبكى .. هو موش انسان زينا زيه .. بنى ادم لحم ودم بيحس وعنده مشاعر وبيتأثر وحقه يعبر عن اللى جواه سواء فرح او حزن بدموعه ؟؟

ناس فى رأيها ان البكاء ده للمرأه بس هى ارق من الرجل وبتتأثر وحساسه عنه ..فا عادى لما نشوف واحده بتبكى .. انما موش عادى اننا نشوف راجل بيبكى !!

حتى لما بيكون اتنين بيحبو بعض سوا مثلا وحبيبها بيعيط .. فى بنات ينزل من نظرها حبيبها لو بكى .. وتقول انا موش عاوزه اشوف دموعك دى تانى .. موش عشان مضايق ولا هى عاوزه تخفف عنه .. لا ان هى موش عاوزه تشوفه بيبكى لانه مينفعش راجل يبكى !!!

انتو بقا شايفين الموضوع من انهى زاويه .. ضعف !!! أم رقة قلب ؟؟؟

انا من رأيى واللى شايفاه .. ان الراجل ده مهما كان راجل وقوى جدا واقوى من المرأه .. الا انه فى الاخر انسان عنده قلب ومشاعر وبيحس بل بتبقى اصعب ان راجل يبكى المفروض نحس بيه ونواسيه ونخفف عنه لانه اكيد بكائه ده هايكون على حاجه موش هينه ابدا .. واللى وراه حاجه كبيره موش سهله ..

غير المرأه .. على اى حاجه تبكى .. بس دى طبيعتها ..

ما بالك بقا باللى موش من شيمته ده اصلا !! قد ايه بتبقى صعبه وبتوجع ..

طولت عليكو .. بس يهمنى اعرف رأيكو ومناقشتكو مين معايا ومين معارضنى ..

... شكراً للمتابعه ...

انا معاكي فكلامك يقمر ان الراجل قوي جدا ومعني ان هو يبكي فدا اكيد لسبب كبير وبالعكس مش معني ان هو يبكي انه ضعيف بالعكس دي من طيبه القلب ومش معني كدا انه ينزل من نظر حد لان اكيد هو بينه وبين نفسه مش هيبكي الا عشان حاجه كبيره بس المشكله اننا فمجتمعنا المعروف ان الراجل مينفعش يبكي لانه كدا ضعف وطبعا دا كلام 100%غلط لانه زيه زينا انسان هو ممكن لان فتفكرنا انه الراجل وصعب نشوفه بيبكي بيصعب علينا ديما ان الحاجه الكبيره فحيتنا تبكي متهيقلي المفروض يبقي كدا ومرسي للمواضيع الجميله دي

الراجل ممكن يبكى (بس) عشان حاجه تستاهل انه يبكى عشانها
كده ميبقاش ضعف غير كده يبقي ضعف حتى لو قلبه رقيق

مشكورة على المواضيع الحميلة

البكاء ده نعمه ربنا ادهالنا علشان نرتاح بيها

اكيد الراجل ممكن يبكي بس للغالي اوي

واكتر حاجة ممكن تباكي الراجل فراق اعز الناس(أم _ أب _أخ _أخت_ حبيبة_ صديق)

بس نصيحة

(لاتبكي علي من لا يستحق البكاء عليه)

بسم الله الرحمن الرحيم

السلام عليكم ورحمه الله وبركاته

لقد خلقنا الله جميع رجلا كان او امرأة بمشاعر إنسانية واحدة ..

عمرها الدموع ما كانت دليل ضعف واكيد دموع الرجل مش بتنزل إلا على غالي وصعبة لما بتنزل منه اكيد.
لكن اللي نازل بكا عالفاضي والمليان فهذا اللي مش معقول.

الرجل له كبريائه اللي يمنعه من البكاء امام الناس ولكنه اكيد انسان بمشاعر مثله مثل المراة ويحق له البكاء
انا مع بكاء الرجل لأن الكبت يسبب مشاكل اكبر من خجله ومجتمعنا اللي يعتبر بكاءه عيب ونقص.

يعني الموضوع حسب الموقف دموع الرجل حين تكون بسبب فقدان عزيز مثلا أو موقف إنساني أثر فيه فسال دمعه هذا يكبر من شأنه ولا يقلله على الإطلاق ..أما إن كان وسيلة لاستعطاف أي شخص أو كما يقولونها بالبلدي (مسكنة) أكيد تقلل وتقلل جدا من قيمته ..مشكورة للموضوع وهذا رأيي الخاص .

» دموع العيون
» عندما يحب الرجل المرأة؟؟
» الصداقة بين الرجل والمراة
» كيف يسعد الرجل إمرأة؟
» هل الرجل اذكي من المرأة وما هو دليلك ؟؟؟؟