تعالوا نتكلم بصراحة؟؟؟؟

كلامى ليك ايوه انت وانتى وانتوا كلامى لكل من يهمه امره
ايون لو امرك يهمك لو خايف على مصلحتك اقرا كلامى لاخره وفكر فيه
انا عايز مصلحتنا احنا ايوه احنا لاننا المستقبل
اما التنسيق يرميك فى جامعه او كليه انت مش عايزها متقولش منهم لله لا ده تدبير ربنا هو عايزك فى مكان معين يمكن مش بناخد بالنا بس لو فكرنا هنعرف مظنش ربنا هيظلمك ولا انت رايك ايه؟؟
طيب انا فى الكليه وتعبت وذاكرت وعارف انى هتخرج مش هلاقى شغل اعمل ايه؟؟
تعالى اقولك تعمل ايه ؟؟ انت وزمايلك اللى اتخرجوا من الكليه عددكم كام على مستوى نفس المحافظه ؟؟ وعلى مستوى البلد ؟؟؟
انت مميز فى ايه ؟؟؟ هو ده السؤال الرد بتاعه سهل انا مميز انى اخدت كورسات لغات وكمبيوتر بكل انواعها ومحدش يقولى التكاليف دلوقتى شركات والحكومه كمان بيعملوا دورات وكورسات مدعمه وساعات بيبقى بدعم كامل يعنى مفيش حجه
ها ايه رايكم ايه رايك وانت قاعد على النت تفتح تبص على العالم من حواليك
ايه رايك لو تشترى كتب فى كل المجالات وتقراها
ايه رايك لو دورت على نفسك فى شغل انت بتحبه حتى لو بعيد عن شهادتك
ايه رايك لو شغلت دماغك؟؟؟؟؟؟؟؟
عايز اعرف لو عملنا كل ده برضه هنقول مفيش شغل ولا هنبقى بنشتغل نفسنا؟؟؟
لو حد جرب ده كله ياريت يقولنا تجربته سواء بالنجاح او النجاح