فضفضه ولاد البلد ( ارجو التثبيت )

اكيد العنوان وضح الفكرة المطروحه النهارده وهى ببساطه شديده

ان اى عضو عنده اى مشكله من اى نوع يعرضها علينا واحنا ان شاء الله نحاول نحلها معاه

ولو اى حد معترض انه يقول ان المشكله تخصه ممكن يقول مثلا ان المشكله دى على لسان حد تانى

فكرت فى الموضوع ده عشان كل الاعضاء تقرب اكتر من بعض وتساعد بعض فى الشده

اتمنى الفكرة تعجبكم ولو اى عضو ليه اى تعليق او اضافه للفكرة يتفضل يقولها

تمام تمام عايزين كمان افكار زى كده
بس يارب الاعضاء يتفاعلوا
والتفاعل يزيد اكتر واكتر
Idea

متشكرة جدا استاذ عامر على التثبيت للموضوع

سعيده اوى ان الفكرة عجبت حضرتك

ان شاء الله انتظروا المزيد من الافكار

بس يااااااااااااااااارب الاعضاء تتفاعل

هى فكره كويسه
بس بتهيالى ان الاعضاء مش هتتجاوب معاها وخصوصا انا معظمنا نعرف بعض شخصيا وتقريبا هيبقى فى تحظ فى الكلام ومش هيقدر يتكلم فى مشاكله الخاصه ويفضض

والله اعلم بقى

والله عندي مشكلة كبيره وهي (((الغربة )))وكل ما اخذ قرار بالرجوع لمصر بلاقي الأوضاع غير مستقرة في مصر وارجع في قراري والعمر بيجري سنة وراي سنة .. دي مشكلة الكبيرة وأرجو المساعدة

موضوع جميل جدااااااااااااااااااا والله الموفق

فيه مشكله كبيره جدااااا
مشكلة المواصلات بالبلد فى أغلب الاحيان بعد الساعه 9 مفيش ولا عربيه تبقى واقفه فى فارسكور وكمان على خط الناصريه السواقين بيحاولوا يغلوا الاجره الى 50قرش ارجو التفاعل وايجاد حلووووووووول

محمود الكاشف كتب:: هى فكره كويسه
بس بتهيالى ان الاعضاء مش هتتجاوب معاها وخصوصا انا معظمنا نعرف بعض شخصيا وتقريبا هيبقى فى تحظ فى الكلام ومش هيقدر يتكلم فى مشاكله الخاصه ويفضض

والله اعلم بقى

استاذ محمود انا مش قصدى مشاكل شخصيه او سريه

مشاكل مثلا خاصه بالعمل

موضوع مسبب حيرة للعضو وعايز يستقر فياخد راى اخواته فى المنتدى

كده يعنى وبعدين دى احسن حاجه ان كلكم عارفين بعض

هتبقوا عارفين شخصيات بعض وانتوا بتتكلموا

يعنى لما نختار حل لعضو معين هنبقى عارفين شخصيته ويناسبه الحل ده ولا لا

اتمنى يحصل مشاركه وتفاعل والله العظيم الفكرة فى جوهرها حلوة وبتساعد كتير

فكره رائعه بس ربنا يعنا على ايجاد الحلول

مجدي فوده كتب:: والله عندي مشكلة كبيره وهي (((الغربة )))وكل ما اخذ قرار بالرجوع لمصر بلاقي الأوضاع غير مستقرة في مصر وارجع في قراري والعمر بيجري سنة وراي سنة .. دي مشكلة الكبيرة وأرجو المساعدة

اولا احب اشكر حضرتك على التفاعل والجهد الملحوظ جدا فى المنتدى

فعلا المشكله دى كتير بيعانوا منها

بس بجد استاذ مجدى حلها ان حضرتك تحسم الموضوع بسرعه وترجع مصر

اختار اى مشروع البلد نقصاه واعمله واستقر فى البلد

اكيد حضرتك عندك اولاد انا مش عارفه هما فى مصر ولا مع حضرتك فى الخارج

بس بجد لو فى مصر يبقى لازم تاخد قرار بالعوده

الولاد فى تربيتهم بيحتاجوا اب وام مع بعض مفيش حاجه اسمها الام تقوم بدور الاب

انا جربت كده مع اقرب الناس ليا وكانت نتايج سفر الاب وبعده عن اولاده سلبيه

انا مش بكبر الموضوع ولا بعقده والله القرار الاخير لحضرتك طبعا بس ادرس الموضوع بكل جوانبه ايجابيه وسلبيه

وفكر فى موضوع مشروع فى البلد والاستقرار وكده وان شاء الله توصل لحل قريب

شريف عبودة كتب:: موضوع جميل جدااااااااااااااااااا والله الموفق

متشكرة جدااااااا استاذ شريف على تشريفك للموضوع

وسعيده اوى ان الفكره عجبت حضرتك

mr.eslam_sherbiny كتب:: فيه مشكله كبيره جدااااا
مشكلة المواصلات بالبلد فى أغلب الاحيان بعد الساعه 9 مفيش ولا عربيه تبقى واقفه فى فارسكور وكمان على خط الناصريه السواقين بيحاولوا يغلوا الاجره الى 50قرش ارجو التفاعل وايجاد حلووووووووول

متشكرة جدا استاذ اسلام على تشريف الموضوع والتفاعل السريع ده بطرح مشكله كبيرة كده

ان شاء الله شباب الناصريه يحاولوا يجدوا لها حل

انا مش من البلد والله ومقدرش احس بالمشكله لانى معتشتهاش

كان نفسى اقدر اساعد حضرتك بس سامحنى

محمد هلالي كتب:: فكره رائعه بس ربنا يعنا على ايجاد الحلول

يااااااااااااااااااه اخيرا استاذ محمد

متشكرة جدا للاهتمام والتشريف للموضوع

وان شاء الله ربنا يعينا على ايجاد الحلول لجميع المشاكل

كويس اوى ان الفكرة نالت اعجابكم

ايما كتب:

محمد هلالي كتب:: فكره رائعه بس ربنا يعنا على ايجاد الحلول

يااااااااااااااااااه اخيرا استاذ محمد

متشكرة جدا للاهتمام والتشريف للموضوع

وان شاء الله ربنا يعينا على ايجاد الحلول لجميع المشاكل

كويس اوى ان الفكرة نالت اعجابكم

والله انا يمكن اول واحد شايف الموضوع وفعلا عجبنى بس انا قولت اشوف اراء باقى الاعضاء علشان فى البدايه انا كنت شايف انه هيبقى فيه خلاف كتير لان الكل هيحاول يبعد عن المشاركه فقولت اشوف الاعضاء فعلا هتشارك وهتعجبهم الفكره ولا لاء فدا اللى اخرنى على الرد اعذرينى .

لا يا استاذ محمد انا بهرج والله مش قصدى حاجه

انا عارفه انه حضرتك من اكثر الاعضاء متابعه لمواضيعك ومواضيع باقى الاعضاء

انا بس كنت عايزة اعرف اراء الناس وتعليقاتهم

ومن الواضح فعلا انه مفيش اقبال او الفكرة مش عاجبه الناس

مع انها والله جميله جدا وناجحه اوى بس تقريبا عشان معظمكم يعرف بعض زى ماقال استاذ محمود الكاشف

بس ان شاء الله الموضوع يتم فيه تفاعل

متشكرة بجد استاذ محمد على الاهتمام الجميل ده

مشكوره جدآ أيما علي اهتمامك بموضوعي أنا معاكي في كل الي قولتيه بس ايه المشروع هي دي المشكله الاكبر

مشكلتي أنا في الدنيا دي كلها أني مش عارف أنا عايز أيه مع أن الحمد لله مستوره وكمان مش بسيب فرض من الصلاة الخمس الحمد لله السبب أيه مش عارف

وسلامي بقدر أحترامي

مجدي فوده كتب:: مشكوره جدآ أيما علي اهتمامك بموضوعي أنا معاكي في كل الي قولتيه بس ايه المشروع هي دي المشكله الاكبر

انا اللى متشكرة استاذ مجدى على التفاعل الجميل فى الموضوع

وبعدين اهتمامى ده شىء طبيعى وواجب عليا

واوعدك ان شاء الله اننا نفكر مع بعض فى موضوع المشاريع ده

وان شاء الله نوصل لحل عشان حضرتك تنور مصر فى اقرب وقت

السندباد كتب:: مشكلتي أنا في الدنيا دي كلها أني مش عارف أنا عايز أيه مع أن الحمد لله مستوره وكمان مش بسيب فرض من الصلاة الخمس الحمد لله السبب أيه مش عارف

وسلامي بقدر أحترامي

استاذ حازم كتير الانسان بيحس بكده وبيحس انه حتى مش عارف نفسه

بص حضرتك انا بعمل كده لما بوصل لحاله اللامبالاه واللا معرفه دى

بجيب ورقه وقلم وبقسمها بجميع مجالات الحياه

اسلامى ووظيفى واجتماعى و...و.....و...و.....

وبشوف نفسى وصلت لايه فى كل مجال من اللى كتبتهم

ومن النقطه دى بقدر اجدد اهدافى فى الحياه اللى عايزة اوصلها

يارب تكون فكرة كويسه هى بتنجح اوى معايا يارب تكون مفيده مع حضرتك

متشكرة جدا للاهتمام والتواصل والتفاعل

ربي يحفظك اختي (ايمــا)العزيزة و يطول عمرك

و يحميك اينما كنت يا رب

مجدي فوده كتب:: والله عندي مشكلة كبيره وهي (((الغربة )))وكل ما اخذ قرار بالرجوع لمصر بلاقي الأوضاع غير مستقرة في مصر وارجع في قراري والعمر بيجري سنة وراي سنة .. دي مشكلة الكبيرة وأرجو المساعدة

يا ابو حنين توكل علي الله وانزل مصر انته بس وانا وراك انشاء الله

وبعدين رب هنا رب هناك ورزقنا هنخدوه في اي مكان

شكرا لطارحه هذا الموضوع الرائع

مجدي فوده كتب:: ربي يحفظك اختي (ايمــا)العزيزة و يطول عمرك

و يحميك اينما كنت يا رب

ياااااااااااااارب امين يارب العالمين واياكم استاذ مجدى يارب

بجد مش عارفه اقول ايه بس بجد متشكرة

شكرا لطارحه هذا الموضوع الرائع

متشكرة جدا جدا استاذ ميدو

سعيده اوى ان الموضوع عجب حضرتك

وفعلا انا مع حضرتك ان استاذ مجدى ينزل مصر وكفايه غربه

وان شاء الله اى حاجه تتدبر بعد كده

بشكر حضرتك يأنسه أيما على الفكره الجميله وتقبلي أعتزاري على التأخير الرد

شاكرين ومقدرين حسن تعاونك معنا

متشكرة استاذ حازم على الاهتمام والرد ويارب اكون عند حسن ظنكم علطول

الاستاذ إسلام الشربينى بقول المواصلات فى البلد كلام جميل +الطريق نفسه ميسعدش علىوجود عربات تليق أبناء الناصرية والله العظيم بأحرج أركب العربيات دى مش كبرياء العربيات دى بئلها 20سنة على الطريق يعنى الحناطير كانت أشيك يادوبك لسة عملين مدخل للبلد حلنى ألانتخبات الجاية ونت طيب حاجة تعل

الشكوه لله أحسن الحكمومه( م) تيييييييييت

مشكوووره ايما حقيقي موضوع جاد جدآ وهادف ...ومهم... بس إحنا بس نهتم ونتفاعل .
فكرة أكثر من رائعة واللي أنا أعرفه أن كل مشكلة مهما كان حجمها ولها حل .
إن آفة الناس ليست في الجهل وإنما في التجاهل.

من التناقضات العجيبة أن يكون أول ما يهتم به الإنسان أن يعلم الطفل الكلام ،
ثم بعد ذلك يعلمه كيف يسكت.
لذلك فالموضوع هام ويجب التحدث فيه .
شكرآ ايما .

الله يا استاذ يوسف بجد الرد فوق الرائع

متشكرة اوى يا فندم على الاهتمام اللى بجد اسعدنى كتير

وفعلا حضرتك صح فى كل حاجه

ياريت احنا بس نتفاعل فى الموضوع

والله انا شايفه انها فكرة مجديه جدا بس للاسف مفيش تفاعل من الاعضاء

بس ان شاء الله انا حاسه خير ان الموضوع هيشتغل قريب

بس فيه مشكله

ان اللى بيقرأ الموضوع محدش بيلاقى له أى حلوووووول

الموااااااصلات والصرف الصحى ومياه الشرب الملوثه

يا ريت يا أ/ايما تدرس المواضيع دى وتجدى حلول زى ما حضرتك قولتلى نحاول نشوف حلول؟؟؟؟؟؟

كملي ايما بس اصبري وستجدين التفاعل من الأعضاء مع مرور الوقت لآن احنا مشكلتنا لا نهتم بشىء إلا بعد كلام الناس المتكرر عنه .
الموضوع جاد ومهم والأهم أنه وسيله لحل مشاكل الحميع من الأعضاء وكذلك الأهالي .
وعلى الأقل التفكير في حل هذه المشاكل ومع مرور الوقت ستتضح الحلول لهذه المشاكل ..... أكيد !!!!

mr.eslam_sherbiny كتب:: بس فيه مشكله

ان اللى بيقرأ الموضوع محدش بيلاقى له أى حلوووووول

الموااااااصلات والصرف الصحى ومياه الشرب الملوثه

يا ريت يا أ/ايما تدرس المواضيع دى وتجدى حلول زى ما حضرتك قولتلى نحاول نشوف حلول؟؟؟؟؟؟

استاذ اسلام والله انا مش متاخرة عن حد فى ايجاد حلول للمشاكل

بس المشكله انى بجد مش هقدر الاقى حل فى مواضيع زى دى

خاصه انى مش من الناصريه ومعرفش الظروف اللى حضرتك بتتكلم فيها

لو حد يوضح لى الامور اكتر هحاول اتخيل الوضع وافكر فى حل صدقنى

كان نفسى اساعد فى حاجه زى كده بس للاسف مفيش تفاعل اصلا

you%%%sef كتب:: كملي ايما بس اصبري وستجدين التفاعل من الأعضاء مع مرور الوقت لآن احنا مشكلتنا لا نهتم بشىء إلا بعد كلام الناس المتكرر عنه .
الموضوع جاد ومهم والأهم أنه وسيله لحل مشاكل الحميع من الأعضاء وكذلك الأهالي .
وعلى الأقل التفكير في حل هذه المشاكل ومع مرور الوقت ستتضح الحلول لهذه المشاكل ..... أكيد !!!!

ياريت والله استاذ يوسف ده انا بتمنى الاقى تفاعل فى الموضوع ده بالذات

بجد كلام حضرتك اعطانى الامل فى الموضوع وانا صابرة والله هههههههههه

متشكرة جدا استاذ يوسف ربنا يخليك يارب

فكرتك جميله جدا جدا يا ايما بس لازم نتفاعل مع بعضنا و كده هنوصل لحلول

ميرسى يا قمرايه طول مانتى معانا اكيد هنلاقى تفاعل

ده انتى منورة المنتدى ومشرفانا بردودك ومشاركاتك

ربنا يبارك فيكى يارب ويحميكى

بجد موضوع جميل ومهم
ومدام كده بقي
فيه مشكلة عايز نناقشها مع بعض
:وهو ان الناس بتفهم بعض احيانا غلط وبزعلوا مع بعض بدون سبب حقيقي .
يعني مثلا :
يكون واحد بيكلم واحد صحبه في حاجه معينه والتاني يفهمه غلط
ويفتكر انه قصده حاجه معينه يعني مثلا الإساءة ليه بس مش صريحة ( بيتذاكي يعني )
يقوم صاحبنا بقي يشيل في نفسه من صاحبه وهو اصلا ميقصدش اي حاجه بيتكلم معاه وبيفضفضله
عادي جدا ويبدأ يعامله وحش ويقول في حقه بقي كلام وكده والتاني يعرف وطبعا هيزعل منه هو كمان اكتر ماصاحبه كان زعلان وتبدأ مشاكل متنتهيش
وكل ده بسبب سوء الظن
ولو كان من الاول مظنش سوء في صاحبه مكنش حصل حاجه من دي خالص بس الشيطان شاطر

أنا عايز بقي اعرف رأيكم إيه في الموضوع ده ..

انا من رآئ ياحاج محمد إنى لوزعلان وشايل منك وسوء الظن عندى
هاجى وكلمك وناقش معاك
لكن هيه المشكلة هنا إنهم مش صحاب على حق
فلازم يحصل بنهم كدة
شكرا يامحمد وتقبل مرورى

دكتور محمد بدايه نورت الموضوع وزدته شرفا بمشاركتك به

ثانيا بقى انا عندى وجهه نظر كده

انا متفقه جدا مع استاذ ماهر ان الاصدقاء لازم يكونوا فاهمين بعض

بس برضه لازم كل واحد يفكر فى كلامه قبل ما يقوله وكمان لازم كل شخص يكون فاهم كويس الشخصيه اللى بيتعامل معاها وينفع يقول كده ولا لا

فيه شخصيات حساسه اوى فلازم يكون التعامل معاها بحذر

غير كده ممكن يكون المتحدث اختار وقت غلط يتكلم فيه

مثلا صاحبه ده مضايق من حاجه معينه او فيه حاجه تعباه كده يعنى

فلازم كل واحد يعرف امتى يتكلم ويقول ايه لاللى قدامه ميعاملش الناس كلها بنفس المعامله

ده رايى واتمنى يكون مقنع

بجد بجد نورت الموضوع يا دكتور

شكرا ياجماعة لردودكم

ياسلام ....................... أنا عندي مداخله ن جزئين , ممكن ؟؟؟

أولآ للدكتور محمد ... بداية أنت رديت على نفسك ( سوء ظن ) ,,, ثانيآ أنا أعرف أنه لو فيه أحد يأخذ من أخر كلام بصيغة غير الحقيقية .. دول طبعآ مش أصحاب ! ممكن نقول أي معنى أخر غير أصحاب لأنها كلمه كبيرة جدآ وعشرة عمر , مش يوم عابر دول بيكونوا فاهمين بعض أكثر من الأخوات , بصراحة ايما مهما كانت الظروف وإختلاف الشخصيات أنا شايف أنه مافيش مبرر لسوء التفاهم والظن أبدآ بين الأصحاب ... دي وجهة نظر .
ثانيآ ايما الحمد لله فيه تفاعل في الموضوع , لكن هو عايز مجهود منك زيادة شويه بمعنى أنه من الممكن أنك تطرحى مشاكل موجودة فعلآ , أو موضوعات يبدأ الأعضاء التفاعل فيها أو !!! كتير من الأفكار الأخرى لأني شايف الموضوع مهم بصراحة .
عمومآ أسف للاطالة ... أرجو أن تتقبلوا مشاركتى معكم .

سلام

المشكلة ان الانسان يعجز عن حل مشاكلة لازم الكل يبقي عندة اسرار وعزيةيخطى بها الصعاب

استاذ عصام حضرتك صح فى وجهه نظرك

بس انا مش قصدى نحكى اسرارنا

نحكى مشاكلنا اللى محتاجين شورى فيها

متشكرة اوى للتفاعل وللاهتمام اللى اسعدنى كتير

بجد موضوع رائع ياإيما وياريت تستمرى فيه وكل شخص منا يعرض مشكلته والجميع يسجل رآيه ,وصاحب المشكلة يأخذبالرأى المناسب لحلها.......@وإبدئى بنفسك والكل يدلى برأيه بما إنك صاحبة الفكرة...

من الجيد أن يحسن الإنسان الظن بأخيه الإنسان لكن في هذا الكون خلق كثير يحسنون انتهاز الفرص بل يذهبون أبعد من هذا بكثير إذ يحاولون خلق الفرص عبر استغلال الأخرين
هؤلاء ما اكثرهم
هؤلاء ما أبغضهم لو تعرفون مدى كرهى لهم
هؤلاء منافقون يبدا بمدحك ومدحك ومدحك حتى تظن أنه أو أن هذا هو مكانك حتى يتمكن منك ثم الله اعلم
سؤالى كيف التعامل مع هؤلاء الاشخاص مع كثرتهم
وكيف أتفادى خبثهم ومكرهم
هؤلاء ليسو من قلنا فيهم إطعم الفم تستحى العين
هؤلا يظنوا انه بات حق مشروع لهم معاملتنا الحسنه لهم وما نقدمه من معروف او غير ذلك
هؤلاء من قلنا فيهم يقتل القتيل ويمشى فى جنازته
وربنا يستر
هل من حل
مع تحياتى ماهر عطية

متشكرة اوى ايلاف على المداخله الهامه اللى شرفت الموضوع

اكيد طبعا ان شاء الله اول مشكله هتقابلنى هعرضها عليكم عشان تساعدومى

متشكرة جدا استاذ ماهر على المشاركه الاكتر من رائعه

سكون الليل كتب:: من الجيد أن يحسن الإنسان الظن بأخيه الإنسان لكن في هذا الكون خلق كثير يحسنون انتهاز الفرص بل يذهبون أبعد من هذا بكثير إذ يحاولون خلق الفرص عبر استغلال الأخرين
هؤلاء ما اكثرهم
هؤلاء ما أبغضهم لو تعرفون مدى كرهى لهم
هؤلاء منافقون يبدا بمدحك ومدحك ومدحك حتى تظن أنه أو أن هذا هو مكانك حتى يتمكن منك ثم الله اعلم
سؤالى كيف التعامل مع هؤلاء الاشخاص مع كثرتهم
وكيف أتفادى خبثهم ومكرهم
هؤلاء ليسو من قلنا فيهم إطعم الفم تستحى العين
هؤلا يظنوا انه بات حق مشروع لهم معاملتنا الحسنه لهم وما نقدمه من معروف او غير ذلك
هؤلاء من قلنا فيهم يقتل القتيل ويمشى فى جنازته
وربنا يستر
هل من حل
مع تحياتى ماهر عطية

هل من حل هل من رأى اخر هل من مداخلة ياناس ياهوووووووووووووو

ورد يا جماعه بجد حاجه جامده الموضوع ده جامد بس فيه ملحوظه صغيره ومهمه مع احترامي الشديد لصاحبه الموضوع ليه كل الاعضاء معتمده علي ايما في حل المواضيع المعروضه هي تشكر علي الموضوع بجد بدون مجامله بس لازم يكون في لجنه تناقش الموضوع وتخرج لنا حل جوهري للمشكله تقبلو مروري

» اخطاء تخالف العقيدة مهم جدا ارجو التثبيت
» (( لماذا يصعب علينا قول الحقيقة ))) ارجو التثبيت
» معنى كلمه بيبسى الغائبه عن عقولكم ارجو التثبيت
» لا أحاديث موضوعه ولا مكذوبه ولا ضعيفه بعد اليوم (شرح بالصور ) (هام للغايه ) ارجو التثبيت
» القلعه البيضاء 1911 ( تاريخ نادى الزمالك كاملا )ارجو التثبيت