آسياد ..وخونه

[b]على طريقة كاتبنا الكبير احسان عبد القدوس ...دار هذا الحوار على مطعم فى الشارع السياسى بينى وبين صديقين لى هما طبق الفول وقرص الطعميه..بدأت الحوار فوجهت سؤالى الى صديقى ايه ياجماعه اللى بينكم اليومين دول هو فى فتنه طائفيه بين الفول والطعميه ؟قال قرص الطعميه شوف أنا حاتكلم بكل صراحه أيوه فى مشكله بينى وبين طبق الفول على الرغم من أننا نسيج واحدهو المدمس وأنا مدشوش والحمد لله ارتوينا سويا بمياه النيل ثم بعد ذالك بمياه الصرف الصحى يعنى عشنا على الحلوه والمره وعلاقتنا الأنسانيه ووحدتنا الوطنيه فوق كل الشبهات ولكنى لاحظت فى الفتره الأخيره أننا مضطهدون ...مثلا صغروا حجمنا بعد أن كان القرص منا يسد عين الشمس أصبح الأن لايستطيع أحد مشاهدته ورؤيته الا بنضارة المفتش كرومبو علاوة على أنهم حجبو عنا السمسم ..قاطعه طبق الفول قائلا :حيلك..حيلك احنا طول عمرنا بمثل أزهى مراحل (معدة)الأغلبيه ومع ذالك أنا مضطهد أكثر منك أحنا بنشرب زيت عربيات والحكومه عملت لنا البحر طحينه وبيرشوا علينا ملح البرك !!علق قرص الطعميه قائلا:أنا معاك ان الحكومه هى السبب لأنها تعجز عن حل الأزمات ودايما بشتغل بالمسكنات حتى تحدث الكارثه ..فقاطعته قائلا :ماتنسوش ياجماعه كمان اخواننا (سوس) المهجر بيولعوا فى طاسة قرص الطعميه ..حتى أنبوبة الغاز المتنفس الوحيد لنا الحكومه فشلت فى توفيرها والحمد لله مفيش بينكم أى حاجه وأنا زيكم شايف ان كفتة القوانين لازم تتغير لتناسب الطبق والقرص من أجل سلامة الوطن..وكالعاده انتهى الحوار بالجمله التقليديه (تعيش القدره مع الطاسه ..تعيش...تعيش)!!

هههههههههههههههههههههههههههههههههههههههههههه
تسلم ايدك ياشيخ

طب والله واخدين حقوقهم عن المسلمين ياسيدي

تسلم ايدك تعبيرات جامده

موضوع جميل وهاااااااادف اوى

ربنا يوفقك يارب استاذ شريف والى الامام دائما