وحيااااااااااااااه ربنا تهمنى الاراء !!!!

غيرت العنوان عشان بجد محتاجه اراء كل الاعضاء وملقيتش غير ردين او 3 بس

التعليم والثقافه

هل هما النقيضان ؟

ام وجهان لعمله واحده ؟

طبعا الانسان المتعلم ممكن يكون مثقف وممكن يكون لا ؟

بس هل الانسان المثقف دائما متعلم ؟

كتير بنقابل ناس جامعيين ومش عايشين فى الدنيا ولا يعرفوا حاجه عنها وماشيين كده سورى بالبركه

على العكس اننا ممكن نقابل ناس ذوات التعليم المتوسط ونتكلم معاهم نلاقيهم على قدر كبير من الثقافه والدرايه والعلم بالشىء

ياترى ده سببه ايه ؟

جزئيه تانيه متعلقه بالموضوع :

هى ليه البنت المتعلمه تعليم عالى بقى شرط عندها انه ييجى لها انسان متعلم تعليم عالى ؟

هلى ده بقى فرض للحياه وسنه من سننها لاسكتمال المعيشه ؟

ولا ده تفكير سطحى من البنت دى ؟

ولا تقليد لقريناتها وخلاص؟

ولو اتقدم لها حد تعليم متوسط بترفض قبل حتى ما تعرف تفكير الشخص ده ايه

وده ليه عشان مش عارفه تقول لاصحابها ايه لو سالوها

طبعا التوافق والتكافؤ الفكرى مهم جدا بين الطرفين بس هل التوافق ده اساسه التعليم العالى ؟

طبعا الموضوع فيه نقط كتير مخفيه هتظهر ان شاء الله من تفاعلكم وارائكم اللى تهمنى جدا

انا في وجهة نظري ان الثقافة غير العلم

والدليل عليكده في ناس كتير مش متعلمة بس مثقفة والعكس

وبعدين اجهزة الاعلام المسموعة والمرئية وفرت كتير للناس الي مش بتعرف تقرأ

موضوعك هادف جدا ياأستاذة ايمان

حقيقى مش عارفه اقول ايه لحضرتك استاذ محمد

متشكرة جدا لرايك فى موضوعى

ومتشكرة اكتر للسبق اللى اسعدنى كتير وشرف الموضوع اكتر

مشكورة طارحه الموضوع..........

أنا من وجة نظري التعليم معدش مقياس الايام دي كان زمان لزم بنت فولان تأخذ ابن فولان بس دلوقتي خالص

متشكرة جدا استاذ مجدى على الرد وابداء الراى

فعلا عند حضرتك حق دلوقتى التعليم مبقاش مقياس بس للناس اللى بتفكر صح

متشكرة جدا للاهتمام

ايه يا جماعه انا عايزة ارائكم

موضوع جميل وشيق
بتهيالى موضوع التعليم ملوش علاقه بالثقافه خالص لان التعليم عادى كل انسان بيتعلم وبيجتهد فى تعليمه وتخصصه وخلاص وممكن مش يشغل باله باى حاجه تانيه غير تخصصه وممكن حد تانى يهتم بالثقافه جدا ومتابع لكل الاخبار وممكن يكون تعليم متوسط واحيان مش متعلم خالص بس عنده خبره فى الحياه ومثقف جدا لانه متابع كل شئ وكل جديد وبيسال عن احوال الدنيا
يعنى تقدرى تقولى انها عمليه فروق فرديه

اما موضوع البنت دا بردو فروق فرديه تختلف من بنت للتانيه فى بنت عايزه انسان كويس مهما كان تعليمه لانها هى كمان كويسه وفى غيرها يهمها المنظر علشان فلانه وعلانه وكده يعنى ودا طبعا مش صح خاااااااااااااااااالص لان فى ناس متعلمه تعليم عالى وتفكيرهم زيرررررو وفى ناس تعليم اقل وماشاء الله متفهمين جدا وبيعرفوا يعيشوا فى الدنيا دى

متشكرة جدا جدا جدا استاذ محمود على الرد الاكتر من رائع

بجد منطقى جدا ومفيد

عند حضرتك حق فى كل كلمه قولتها انا كمان ده رايى بس للاسف الايام دى مبقاش فيه مشجعين ليه كتير

الغالبيه بيهمهم المظاهر وكلام الناس خاصه فى موضوع الزواج

ونسوا ان الرسول صلى الله عليه وسلم قال ( اذا اتاكم من ترضون دينه وخلقه فزوجوه ) يعنى مقالش بقى تعليمه

ولا مادياته ولا ولا ولا .........

طبعا ده كله مش وحش انه يكون موجود بس منخليهوش هو الاساس

اتمنى التفكير ده يبقى عند كل الناس

متشكرة جدا لحضرتك على الاهتمام

واضح طبعا انى غيرت العنوان والحيت كتير ومصممه انكم تدخلوا وتقولوا ارائهم

امال يعنى لما احتاج لكم اعمل ايه المضطر بقى ههههههه

التعليم والثقافه

هل هما النقيضان ؟

ام وجهان لعمله واحده ؟

طبعا الانسان المتعلم ممكن يكون مثقف وممكن يكون لا ؟

بس هل الانسان المثقف دائما متعلم ؟

التعليم هو / هو بناء الفرد و محو الأمية في المجتمع و هو المحرك الأساسي في تطور الحضارات و محور قياس تطور و نماء المجتمعات فتقيّم تلك المجتمعات على حسب نسبة المتعلمين بها. مكننة التعليم اهتز العالم على وقع انفجار الثورة الصناعية بأوربا في القرن التاسع عشر

اما الثقافه هى / هو مجموعة المعارف والقيم التى تتجلى فى سلوك جماعة من الناس
الثقافة في العصر الحديث للدلالة على الرقيّ الفكري والأدبي والاجتماعي
للأفراد والجماعات. والثقافة ليست مجموعةً من الأفكار فحسب، ولكنها نظريةٌ
في السلوك بما يرسم طريق الحياة إجمالاً، وبما يتمثّل فيه الطابع العام
الذي ينطبع عليه شعبٌ من الشعوب، وهي الوجوه المميّزة لمقوّمات الأمة التي
تُمَيَّزُ بها عن غيرها من الجماعات بما تقوم به من العقائد والقيم واللغة
والمبادئ، والسلوك والمقدّسات والقوانين والتجارب. وفي الجملة فإن الثقافة
هي الكلُّ المركَّب الذي يتضمن المعارف والعقائد والفنون والأخلاق
والقوانين والعادات

اذا ان هناك فرق بين العلم والثقافه

فاالعلم شيء والثقافه شيء

لكي تصبح مثقفا اعرف شيء عن كل شيء
ولكي تصبح عالما اعرف كل شيء عن شيء

يعني هناك فرق بين المعلم والمتثقف
وياما ناس متثقه غلبت ناس متعلمه ؟؟

فى النهايه اؤكد على ان التعليم ملك للمتعلمين فقط انما الثقافه مللك للمتعلمين والغير متعلمين

اما بالنسبه للسؤال التانى /
هى ليه البنت المتعلمه تعليم عالى بقى شرط عندها انه ييجى لها انسان متعلم تعليم عالى ؟

فانا اعرف بنات كتير متعلمين تعليم عالى ومتجوزين رجاله اميين لا يعرفون القراءه ولا الكتابه فعلا بجد هى يمكن بقيت موضه الايام دى مع ناس وناس تانيه متفرقش معاهم غير هو معاه كام وليس هو معاه تعليم ايه
اكيد بتفرق من واحده لواحده على حسب التربيه والفكر والبيئه التى تعيش فيها
وطبعا زى ما انتى قولتى التوافق والتكافؤ الفكرى مهم جدا بين الطرفين بس التوافق والتكافؤ دا مش شرط فيه درجه التعليم ولا درجه الثقافه انما يتغلب عليه الشخصيه والفكر المتلائم بين الطرفين و درجه الحب
اسف للاطاله بس الموضوع فعلا كبير وهذا اختصار للمختصر

فكرت تغير الاسم دي فكرةناجحة علشان الي دخل وعبر عن رأيه يدخل تاني اما العضو السلبي بلاش دخل لان اكيد ملهوش رأي

بالنسبة لموضوع التعليم
فانا رايي ان التعليم حاجه ضرورية او اجبارية اما الثقافه فهى شي اختياري او على حسب الفرد هو عايز ايه او له ميول لايه بالظبط

بالنسبة لموضوع البنات والتعليم
انا ليه وجهة نظر في الموضوع ده انه مش بعد مثلا ما اصرف دم قلبي على بنتى وتعليمها وثانوية عامة ودروس وامتحانات ومصاريف وبهدلة وشدة اعصاب وغيره اروح اديها لواحد يادوب بيفك الخط بالعافية او تعليمه متوسط مع احترامى للجميع طبعا وده ما يقللش منهم
لكن برده لازم نراعي النقطة دى في حكمنا لكن طبعا مش كله يعنى لو يستاهل اديهاله وفوقها عنيه كمان
ده طبعا غير التكافؤ الفكرى
ده رايي المتواضع ومرحبا بالتعليقات

تسلمى يا ايما

محمد هلالي كتب:: التعليم والثقافه

هل هما النقيضان ؟

ام وجهان لعمله واحده ؟

طبعا الانسان المتعلم ممكن يكون مثقف وممكن يكون لا ؟

بس هل الانسان المثقف دائما متعلم ؟

التعليم هو / هو بناء الفرد و محو الأمية في المجتمع و هو المحرك الأساسي في تطور الحضارات و محور قياس تطور و نماء المجتمعات فتقيّم تلك المجتمعات على حسب نسبة المتعلمين بها. مكننة التعليم اهتز العالم على وقع انفجار الثورة الصناعية بأوربا في القرن التاسع عشر

اما الثقافه هى / هو مجموعة المعارف والقيم التى تتجلى فى سلوك جماعة من الناس
الثقافة في العصر الحديث للدلالة على الرقيّ الفكري والأدبي والاجتماعي
للأفراد والجماعات. والثقافة ليست مجموعةً من الأفكار فحسب، ولكنها نظريةٌ
في السلوك بما يرسم طريق الحياة إجمالاً، وبما يتمثّل فيه الطابع العام
الذي ينطبع عليه شعبٌ من الشعوب، وهي الوجوه المميّزة لمقوّمات الأمة التي
تُمَيَّزُ بها عن غيرها من الجماعات بما تقوم به من العقائد والقيم واللغة
والمبادئ، والسلوك والمقدّسات والقوانين والتجارب. وفي الجملة فإن الثقافة
هي الكلُّ المركَّب الذي يتضمن المعارف والعقائد والفنون والأخلاق
والقوانين والعادات

اذا ان هناك فرق بين العلم والثقافه

فاالعلم شيء والثقافه شيء

لكي تصبح مثقفا اعرف شيء عن كل شيء
ولكي تصبح عالما اعرف كل شيء عن شيء

يعني هناك فرق بين المعلم والمتثقف
وياما ناس متثقه غلبت ناس متعلمه ؟؟

فى النهايه اؤكد على ان التعليم ملك للمتعلمين فقط انما الثقافه مللك للمتعلمين والغير متعلمين

اما بالنسبه للسؤال التانى /
هى ليه البنت المتعلمه تعليم عالى بقى شرط عندها انه ييجى لها انسان متعلم تعليم عالى ؟

فانا اعرف بنات كتير متعلمين تعليم عالى ومتجوزين رجاله اميين لا يعرفون القراءه ولا الكتابه فعلا بجد هى يمكن بقيت موضه الايام دى مع ناس وناس تانيه متفرقش معاهم غير هو معاه كام وليس هو معاه تعليم ايه
اكيد بتفرق من واحده لواحده على حسب التربيه والفكر والبيئه التى تعيش فيها
وطبعا زى ما انتى قولتى التوافق والتكافؤ الفكرى مهم جدا بين الطرفين بس التوافق والتكافؤ دا مش شرط فيه درجه التعليم ولا درجه الثقافه انما يتغلب عليه الشخصيه والفكر المتلائم بين الطرفين و درجه الحب
اسف للاطاله بس الموضوع فعلا كبير وهذا اختصار للمختصر

بجد استاذ محمد بعد كلام حضرتك مفيش اى كلام ممكن يتقال بجد الرد فوق الوصف

متشكرة جدا جدا لحضرتك وبجد كنت محتاجه الرد ده

mo7amed kawther كتب:: فكرت تغير الاسم دي فكرةناجحة علشان الي دخل وعبر عن رأيه يدخل تاني اما العضو السلبي بلاش دخل لان اكيد ملهوش رأي

متشكرة جدا استاذ محمد للاهتمام والمرور الكريم للمرة التانيه

انا فكرت فى فكرة تغيير العنوان لانى شايفه ان الموضوع مساحته النقاشيه كبيرة

ويارب متكونوش اضايقتوا من كده

عامر كتب:: بالنسبة لموضوع التعليم
فانا رايي ان التعليم حاجه ضرورية او اجبارية اما الثقافه فهى شي اختياري او على حسب الفرد هو عايز ايه او له ميول لايه بالظبط

بالنسبة لموضوع البنات والتعليم
انا ليه وجهة نظر في الموضوع ده انه مش بعد مثلا ما اصرف دم قلبي على بنتى وتعليمها وثانوية عامة ودروس وامتحانات ومصاريف وبهدلة وشدة اعصاب وغيره اروح اديها لواحد يادوب بيفك الخط بالعافية او تعليمه متوسط مع احترامى للجميع طبعا وده ما يقللش منهم
لكن برده لازم نراعي النقطة دى في حكمنا لكن طبعا مش كله يعنى لو يستاهل اديهاله وفوقها عنيه كمان
ده طبعا غير التكافؤ الفكرى
ده رايي المتواضع ومرحبا بالتعليقات

تسلمى يا ايما

والله استاذ عامر حضرتك اللى تسلم على الرد الجميل ده

بس استاذ عامر ممكن يكون فيه حد اخد تعليم متوسط لظروف خارجه عن ارادته

هل ده يتحكم عليه انه لا يتزوج غير بنت تعليمها متوسط ؟؟؟؟؟؟؟؟؟؟

ممكن برضه اصحاب التعليم المتوسط دول يكونوا بيفهموا فى حاجات كتير اوى عن الجامعيين

انا لست مؤيده او معارضه لفكرة اختلاف الشهادات الدراسيه بين الطرفين بس بفتح مجال للنقاش

وبجد مبسوطه اننا اتفاعلنا وخرجنا نقط مهمه كده

عند حضرتك كل الحق فعلا اى اب صرف على بنته مش هيقبل بمستوى اقل من مستواها

بس برضه لازم نحط فى عين الاعتبار الفروض دى كلها ونختار بعقل مش بسياده القوانين فى المجتمع

اشكرك تانى استاذ عامر على المرور والرد الجميل

( لكن طبعا مش كله يعنى لو يستاهل اديهاله وفوقها عنيه كمان )
ده الى انا قلته انه لو يستاهل يبقي مفيش مشكلة

عارفه والله استاذ عامر انا معلقتش على رد حضرتك خالص لانه بجد عجبنى

انا قصدت اننا نتبادل اطراف الحوار ونناقش نقط تانيه ونشوف تفكير الاعضاء ايه

طبعا لو هو حد كويس ويستاهل وتفكيره مناسب تفكيرها يبقى الرفض ساعتها فيه حرمانيه

انا متاسفه انى مقدرتش اوضح وجهه نظرى بس حقيقى وجهه نظر حضرتك سليمه جدا

متشكرة للاهتمام ده بجد

» دعاء ورد الجميل
» ازعل حبيبتى لالالالالالالالالالا ........... اغضب ربنا ااااااااااااه
» عمرو زكي مهدد بالإعتزال ربنا يستر
» يوميات مشرف فى منتدى ...ربنا يستر!!!!!!