كيف تعرف المصري؟

كيف تعرف المصري؟

: المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو
أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد انتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- يعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلاتين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد استهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

ههههههههههههههههه
بس مش كل المصرين ياباشا

دا عادات وتقاليد بقى هنعمل ايه مش بادينا

هههههههههههههههههههههههه
ههههههههههههههههههه
هههههههههههههه

لو سالتك انت مصري تقولي ايه !!!...
الصفات ال فوق

هههههههههههه
جامدة يابو شهد
اهم اهم اهم المصريين اهم

بجد جامده موت لان دا فعلا الي بيحصل

جميله جدا ااااااااااا

بس مش كل المصريين كده المصريين بيحاولوا يتغيروا

هههههههههههههه

» تعرف مين احرف لاعب في العالم ... ادخل تعرف
» المنتخب المصري
» ما هو سر قوة الشعب المصري؟؟
» طرائف الشعب المصري
» طرائف وغرائب الشعب المصري