الشخصية المصرية

انا بستغرب ليه الانسان المصري لما بينجح ما بيقدرش يحافظ على نجاحه يعنى تلاقيه طلع لقمة النجاح ووصل لمراتب عالية جدا وبعد كده معتش تسمع عنه اى حاجه وكانه مانجحش اساسا ولا عمل حاجه كويسة وبعد كده تسمع عنه كل فين وفين
والمثال الاقرب للى انا بقوله اللاعب عمرو زكى لما طلع وبقي نجم في انجلترا وكسر الدنيا واحرز 10 اهداف في وقت قياسي بمعدل هدف كل ماتش وده فى الدوري الانجليزى انجاز وانجاز كبير جدا وبعد كده تسمع انه معتش منتظم في التدريب وان المدرب مش راضي عنه وان فيه مشاكل بينه وبين المدرب وان عمرو زكى راجع تانى للزمالك
المهم عمرو زكى مش موضوعنا هو مجرد مثل للى انا بقوله فهل الانسان المصري لما بينجح بيحس كده انه خلاص كده عمل الى عليه وخلاص كده معتش مطلوب منه حاجه ولا دى حاجه في شخصيته ولا ايه انا مش عارف ياريت اسمع رايكوا في الموضوع ده ونتناقش سوا في الموضوع ده

لان ده بيدور على الفلوس لا على النادي إلي هو بيلعب فيه ولا على أسم بلده مع أن عمرو لاعب كويس جدا بس مش كل حاجه العب فين روح التشرت الابيض وفين وجوده في المنتخب
روح ياعمرو شيل عن أبو تريكا جي من ألمانيا وجايب معاه 3 شوزات شوز للعب وشوز للتدريب وشوز للمشي شلهم عنه هتدخل التاريخ وأنت أحكمو شوفوا صاحب توكيل السعاده في مصر وشوفوا عمرو زكي شوفو إنتماءه لناديه ياعمرو الهلال السعودي طالبه في 6 أشهر ب45 مليون جنيه رفض ليه رفض ياشباب عشان هو بيحب ناديه وبيحب جمهوره العظيم جمهور النادي الاهلي

والسلام عليكم ورحمه الله وبركاته

سلام عليكم يا استاذ حازم طبعا الموضوع كويس بس المثال ال انت ذكرتة هو ال مش كويس لا ن الناس دى ما بتفكر الا فى المادة بس ومن الممكن ان الظروف بتحكم على الشخص وتتغير حياته بالكامل غصبن عنة وما يقدر يكمل المشوار او زى ما انت ذكرت فى الموضوع انة فكر انة هو عمل ال عليه او ممكن كسل منة واتمنالك التوفيق

لان الناس دى ما ينفع ان تكون قدوة لنا

بسم الله الرحمن الرحيم
من وجهة نظري المتواضعة ان هذا الموضوع من المواضيع التى يجب ان تكون من اهم المواضيع التى تطرح للنقاش ليس على هذا المنتدى فقط وانما على كل الفضائيات.
وما ذكرت يا اخ عامر هو حقيقة تتمثل في شخصية الكائن المصري ليس كما يدعى البعض انها شخصيات وشخصيات
والدليل على ذلك راجعوا التاريخ وتصفحوا بين الصفحات وستعلمون ان ما اقول انما هو جزء لا يتجزأ من شخصية الكائن المصري

وشكرا

السلام عليكم

اولا موضوعك جميل جدا يا استاذ عامر واسمحلى انى اشارك بالراى فيه

هى سمه اساسيه فى الانسان عموما والمصرى بصفه خاصه انه بيعيش طول عمره

عنده طموح وهدف معين عايز يحققه ومجرد ما بيحقق الهدف ده ويوصله بيحس

بالتعب اللى تعبه الايام اللى عدت من عمره وبيبقى عايز يرتاح

ويبدا ينسى انه الاهداف والطموحات ليس لها نهايه

الا القله القليله طبعا وهما الناس اللى بتعيش وتموت وبرضه بتحلم

وبتطمح يعنى هو ده طبع الانسان

ودى وجهه نظرى

مشكورين على الردود
ومشكورين اكتر على وجهات النظر

سعيد بتواصلكوا معايا

[أنا شايف أن ده مش موجود في الإنسان المصري بس بل في العالم وعمرو زكي ماهو إلا مثال فقط لان المعروف دايما إن الوصول للقمة فعلا صعب ولكن الأصعب هو الحفاظ علي القمة فأنا شايف إن الإنسان المصري بحكم طبيعته التي وهبه الله إياها يقدر يحقق إي شئ ولو من المستحيل وده شوفناه في حرب 73 وكذلك بطولة أفريقيا 3 مرات متتالية مع فرق التشبيه ولكن الشاهد أن الإنسان المصري دايما بيظهر وقت الشدة ووقت الضغط النفسي والعصبي وده من النعم الي وهبنها لنا الله سبحانه وتعالي والدليل علي كلامي حديث الرسول (ص) (إذا فتح الله عليكم مصر فاتخذوا منها جندا كثيفا فهم خير أجناد الارض لأنهم في رباط إلي يوم القيامة ) ]

مشكور يا استاذ عامر على الموضوع الجيد .
الموضوع بعد اذنكم مش متعلق بشعب كامل ولا بعمرو زكي وحده الموضوع متعلق بطموح وأهداف ومباديء وأحلام وجهد و.........و كثير من الصفات التي تكمن داخل شخصية الإنسان نفسه بغض النظر عن أنه مصري من غير بدليل الشعب الصيني كيف كان منذ عشرة سنوات ؟ وكيف أصبح الأن ؟
من النمور الأسيوية التي دخلت عقر أمريكا ...وأكبر, ومعظم دول العالم.
ونرى ذلك بوضوح داخل حتى قرانا المصرية .
ولا يكلون ولا يتعبون من إختراق كل ماهو صعب وبالرغم من كل المعوقات إلا أنهم مستمرين على الحفاظ على تقدمهم بين كل دول العالم .
المقصد هو أن الإنسان وحده قادر على الإستمرارية أو التراجع وكلها عوامل نفسية وتربوية و..... وغيرها هي التي تدفع أو توقف هذا الشخص في طريقة ...
وجهة نظر !
مشكورين جميعآ .

بسم الله الرحمن الرحيم
بصراحة الموضوع ده موضوع مهم جدا تشكر على طرحه يا أستاذ عامر ووجهتي نظري المتواضعة هي أن الانسان يتوقف طموحه فجأة عند مرحلة معينة قد وصل إليها وفي رأيه الشخصي أنه قد حقق أحلامه وأمانيه التي كان يتطلع اليها وهي سمة موجودة في معظم الشعوب إلا أن الشعب المصري في رأيي يميل إلي التكاسل في معظم الأحيان إن لم يكن مضطر إلي الآخرى إلا من رحم ربي ممن لا ينتهي طموحه وأماله في هذه الدنيا. اللهم إجعلنا منهم ديناً , ودنيا
وشكراً00000

» البطاقة الشخصية للشيطان
» اختبار تحليل الشخصية
» شيكابالا يحصل على لقب أفضل لاعب في مباراة الكلاسيكو المصرية
» البطاقة الشخصية للرسول صلى الله عليه وسلم !‏‏
» مباراة الأهلي وجانرز تشهد أروع "دخلة" في تاريخ الاولترا المصرية .. فيديو