كن مميزا بين اعضاء المنتدى (الى كل الاعضاء)

السلام و عليكم

كلنا نعلم أن كل عضو يشارك في المنتدى تسجل عدد مشاركاته إلى جانب أسمه ..
وبقدر ما يرتفع عددها يعلو لقبه ويزداد لمعانا.

ولو انه لمعان الكتروني قد لا يمت للحقيقة بصلة لأنه يعد بالرقم لا بالكيف.
لكن الأعضاء.من حولك يعدون مشاركاتك بالكيف لا بالكم.

-كما يقوم الآخرون بالرد على موضوعك , قم فى المقابل بالرد على مواضيعهم ,
ولا تكن عضوا سلبيا في تعاملك مع الناس،
بل أفتح قلبك لهم وشاركهم أرائهم حتى يشاركوك رأيك عندما تحتاجهم .

-لا تجعل من نفسك مصدر إحراج أمام الآخرين في طرح مواضيع لاقيمة لها ..
وإن كانت من باب المزح كما يقال .. فلكل شي حدود .. نعم للضحك ..
ولكن لا وألف لا للتجريح بالأعضاء والتعدي على شخصياتهم أو إنتمائهم ..

-أنت تستحق الإكبار بقدر ما تبحث للآخرين عن أعذار !
سامحهم ولا تغلظ القول عليهم، فكن كبيرا في تصرفاتك عن أى سلوك .

-كن صريحا ومباشرا في قلمك، لان التحوير والتلميح يوقد الظنون السيئة ويشعل الفتن.

- لا تكتب مواضيع كثيرة ذات فائدة قليلة،
اكتب موضوعا واحدا وجميلا وركز جهدك علية ثم تابع الردود وأقرئها ولا تنسى الرد على أي عضو
إذ أن نسيانه قد يجعله يعتقد انك تتعمد تجاهله،
وعلية حاول قدر المستطاع إجابة جميع الأعضاء الذين ساهموا في موضوعك...

- فكر مرة مرتين وثلاث عند كتابة موضوع، أهميته، فائدته والأسلوب الذي ينبغي أن تكتب به،
حاول الإلمام بجميع النقاط الضرورية وراجعها مليّا.

-من الطبيعي جدا أن تكون لديك فكرة شاملة ودقيقة عما تكتب،
فلا يصح أن تضع موضوعا لا تعرف أبعادة ولا تملك خلفية وافية عنه،
حتى لا تقع في احراجات من السائلين مما يكون صورة خاطئه عنك
خاصتا إن كان الموضوع مطروح للنقاش ..

-اجعل أسلوبك أثناء الكتابة مشوقا واحذر الإطالة فهي تبعد القارئين اختصر الكلام وابحث عن ما هو مفيد ,
وحاول ان تقسم الموضوع فى فقرات منفصلة , وليس ككتلة واحدة , ليسهل قراءته .

-استخدم الابتسامات الموجودة فهي ذات تأثير قوي لدى بعض الأعضاء
كذلك حاول من استخدام الألوان في الكتابة حتى تبعد جو الملل من قارئ مو ضوعك.

-المنتدى يقرأه شرائح مختلفة من البشر فيهم أطفال ومراهقين و كبار، معاقين ومرضى، ديانات، جنسيات، أعراق، مختلفة،
حاول الانتباه إلى ما تقوله وضع هذا في ذهنك حتى لا تجرح معاق وتساهم في انحراف طفل،
وتثير فتيلة النزاع الديني أو القبلي راقب كلامك جيدا، وانتبه لكل ما تقوله.

- المنتدى يسمح لك بتعديل الموضوع فلا تنسى تعديل الموضوع عند حدوث أى خطأ فى الكتابة..
لابد من عمل معاينة للمشاركة قبل إعتمادها
والتأكد من الأخطاء والإملائية وايضا تنسيق الموضوع.

-الكل يتوقع منك الأفضل عند تسجيلك في المنتدى وأنت مطالب به لوضع صورة جيدة عنك والكل يرغب في رؤية إبداعاتك أينما كتبت
لذا حاول بذل قصارى جهدك في أي عمل تقوم به، لأنه يعكس روحك بالتأكيد،
والرسول المصطفى علية أفضل الصلاة والتسليم أوصانا قائلا في حديثة :
" من عمل منكم عملا فليتقنه " لذا حاول الاجتهاد قدر المستطاع في إبراز موهبتك .

-غني عن القول أن طريقتك في الكتابة لفظة لفظه، تعكس دينك وتربيتك ومبادئك،
والقارئين المحترمين لا يمكنهم الحكم عليك إلا من أسلوبك، فالله الله فيما تكتب،
احترام الجميع وتقديرهم، والبعد عن السباب والشتيمة،
فهي ***** واضحة على علو أخلاقك ونبل صفات من زرعهم فيك والعكس كذلك .

- سعة صدرك وتحملك النقد أمر مطلوب،
فلا تغضب فور رؤيتك نقد لا يعجبك،
بل على العكس، المع بأخلاقك وأرقى بأهدافك فوق كل تصرفات واجعل من ردودك نموذج أعلى لشخصك
وإن أخطاء عليك البعض في موضوعك بردودهم ..

- كن واثقا من كلامك وناقش النقد بصدر رحب وأوصل حجتك بأرق
الكلمات وأعطرها حتى تؤثر في نفوس القارئين وتحركهم نحو فكرتك

-عند كتابتك موضوع ما، اختر عنوانا يدل علية بسرعة بحيث يستطيع القاري إدراكه من عنوانه،
إذ أن معظم الأعضاء يبتعدون عن قراءة المواضيع المبهمة ذات العناوين
" ألحقوني يا شباب..." و " النجدة "، " ادخل بسرعة" ..
كل ما عليك عملة هو وضع الفكرة الأساسية في عنوانك الرئيسي وشرحها بطريقة مبسطة حتى يسهل الرد عليك، وإيجاد حل لمشكلتك.

- بدلا من وضع نفسك في موقف محرج مع الأعضاء الآخرين،
لا تشترك في المواضيع ذات طابع الشد والحوار المضغوط وانت لاتجيد لغة الحوار في هكذا مواضيع،
معظم الأعضاء يحاول تهدئة الأمور بينما هو يشعلها وهو لا يعلم،
فقط راسل المشرف في حال وجدت ما يخالف شروط المنتدى.

-عند كتابتك لموضوع معين حدد نوعه، وتحت أي منتدى ينطوي، ثم اذهب للمنتدى وضع موضوعك فيه،
لان هذا يسهل عملية ترتيب المواضيع ونقلها للمنتديات ذات العلاقة.وبالتالي قراءتها من أصحاب الاختصاص.
فلا تضع موضوع برامج في المنتدى العام او موضوع للهستره في المنتدى الإسلامي ..
لأنك موضوعك بهذه الطريقة لن يقرئ لمن وجه إليه .بل سيكون ضائعا تائها ريثما ينقل،
مما يأخر عملية الرد علية ومناقشته00

-لا تضع بينك وبين الآخرين حواجز لا وجود لها، أو تضع تصورا عنهم في خيالك أنت فقط،
اتجه إليهم مباشرة،
واستخدم الرسائل الخاصة للاستفسارات الشخصية بدلا من طرح موضوع كامل في المنتدى عن شخص معين
أمعانا في الخصوصية والذوق العام في المنتدى.

أكيد طبعاً كلامك منطقي فعلاً إحنا هنا للرقي بالمنتدي لا عشان نقول دا زاد عدد نقاطه مساهماته إرتفعت وكلام من ده علي العموم أي موضوع برد ‘ليه ماهو إلا لتشجيع صاحب الموضوع أو أعلي شأنه وياريت الكل ينزل مواضيع مكتوبة هتبقي أحسن من المنقولة أو المنسوخة يعني بصراحه أنا بحب البساطه في الأداء والتعبير عن إلي جواك حتي ولو بموضوع صغير علي العموم لو إحنا هنا عشان الشهرة فالله الغني وبكده عمر المنتدي ماهيرتقي هيفضل محلك سرك مشكور لطارح الموضوع وآسف جدا علي الإطالة

انا اللى بجد مشكور على الرد وعلى فهمك ليا من المقصود من الموضوع فعلا انا نفسى المنتدى يكبر اكتر بس من خلال مواضيعه البناءه والردود والاراء لان المنتدى اتبنى على فكره ابناء الناصريه وعلى تطوير الفكر فى البلد وعلى اتصال افراد البلد مع بعضهم فانا فعلا كنت ماعرفش حد كتير من المنتدى بسبب ظروف عملى لكن دلوقتى بعرف ناس كتير منهم ومره تانيه مشكور

قرات الموضوع ومقتنعه جدا بكل كلمه فيه مع انى مش من ابناء الناصريه

هههههه بس حقيقى بعتبر نفسى منها

هايل استاذ محمد انه حضرتك تثير النقطه دى فى احدى موضوعاتك

فعلا المنتدى مش عشان نقول احنا نزلنا كام موضوع او احرزنا كام مساهمه

انا لو مش بستفيد من الوقت اللى بقضيه قدام المنتدى والنت عموما

والله ما هضيع وقت فيه لان شغلى اولى بالوقت ده

بس حقيقى انا بستفيد وحلوة اوى نقطه العنوان مكدبش انا بيجذبنى العنوان

وبدخل الموضوع اللى عنوانه شدنى

انا معترفه انى مقصرة فى حق اعضاء كتير وموضوعات كتير بعدم التطرق للرد

بس صدقنى انا بدخل معظم موضوعات المنتدى وبصراحه برد على اللى الاقى فيه استفاده

محدش يزعل منى بس فيه موضوعات كتير مش بلاقى فيها غير التهريج مفيهاش اى استفاده ودى حاجه مؤسفه

يا جماعه لو احنا مش عاملينه عشان نرتقى بيه ونستفيد منه

يبقى مالوش لازمه بقى

حقيقى موضوع هايل تقبل منى وافر الشكر والتقدير

اسفه لو ردى حاد شويه واسفه كمان على الاطاله

اولا-والله كلامك مضبوط تماما وانتى فعلا دلوقتى بقيتى من ابناء الناصريه خلاص ومعتش ينفع انك ترددى كلمه انك من بره الناصريه خلاص
ثانيا -لكى الحق فى انك تردى بس على المواضيع اللى انتى شايفه انك بتستقيدى منها ومش تقصير منك بالعكس لو كل واحد مننا عمل كده هنلاقى المنتدى جميل لان كل الاعضاء هتحاول تكتب اللى يفيد الاعضاء بس
ثالثا- موضوع التهريج لازم يكون يكون فى شويه ضحك بس فى مكانهم مش ابقى بكتب موضوع مهم ومستنى ردود تصحح او تعلى الفكر فى الموضوع والاقى واحد بيكتب تعليق سخيف طبعا مش هنرضى بكده بس انا شايف ان الموضوع ده فى المنتدى مش موجود
رابعا - بشكرك على ردك المميز (وتقبلى ردى )

تسلم ايدك ياابو ايمن ايوة كدا دا الكلام التمام وطبعا احنا عملين المنتدي ده للاستفادة والرقي ببلدنا وابناء بلدنا وشكرا علي الكلام الجميل والمجهود الرائع وشكرا

M.ELKASHEF

موضوع جميل جدا وياريت كل الاعضاء تشوفه وتستفيد منه يااااااارب

لان لما يكون فى موضوع ومفيش ردود ولا تشجيع ولا اى حاجه بتبقى حاجه محبطه خالص

يسرنى أن أحمل أليك باقه من الورد والياسمين على هذا الموضوع الجاد الذى يفيد المنتدى جميعا ويعمل على الرقى به دون غيره وتستحق أن تكون عضو مميزااوأكر شكرى لك

هو ده الشغل التمام يابو ايمن هو ده الى احنا عايزين نوصلله باذن الله وهنوصله انا واثق من كده والله
والله المستعان وربنا معانا

موضوع جامد جدا يا حمودة

عامر كتب:: هو ده الشغل التمام يابو ايمن هو ده الى احنا عايزين نوصلله باذن الله وهنوصله انا واثق من كده والله
والله المستعان وربنا معانا

موضوع جامد جدا يا حمودة

[size=24]
انا مشكور على الرد ده ياعامر كل ده علشان ماضيعش تعبك والله لانك انت صاحب الفكره وربنا معانا كلنا ان شاء الله[/size]

mo7amed elkashef كتب:: تسلم ايدك ياابو ايمن ايوة كدا دا الكلام التمام وطبعا احنا عملين المنتدي ده للاستفادة والرقي ببلدنا وابناء بلدنا وشكرا علي الكلام الجميل والمجهود الرائع وشكرا

M.ELKASHEF

انا اللى بشكرك ياحماده علشان انت اللى عارفتنى بالمنتدى

شريف عبودة كتب:: يسرنى أن أحمل أليك باقه من الورد والياسمين على هذا الموضوع الجاد الذى يفيد المنتدى جميعا ويعمل على الرقى به دون غيره وتستحق أن تكون عضو مميزااوأكر شكرى لك

الف شكر على الرد الجميل ده ياستاذ شريف اخجلتم تواضعنا

بصراحه ياأستاذ/ ايمن انا بحترم مواضيعك جدااا

بس الي شايفه ومن غير زعل لاحياة لمن توند000

لان اتكلمنا في الموضوع ده 000
اكثر من مره وقلنا ياريت الكل يشارك لانه حافز لطارح الموضوع 000

مخفيش عليك أنا بجلس بالساعات علشان أسس موضوع ولما يكون فيه رد برتاح نفسيآ لكن لايوجد رد علي الموضوع بحس ان جهدي ضاع في الفاضي،،،

اولا انا محمد حموده يامجدى
احنا كنا فين وبقنا فين ياماجد الحمد لله دلوقت اصبح الردود كثيره عن الاول
دلوقت فى مواضيع عليها اكتر من 20 رد فدا بالنسبه لعدد الاعضاء كويس جدا وانا بطمنك ان شاء الله هيكون فى تحسن كمان وكمان بس بالصبر وعدم الياس

الله عليك ياحمودة وعلي كلامك وعلي ثقتك فينا وفي شباب المنتدي وده لازم بتقابل بالمشاركة الفعالة والمستمرة من جميع الاعضاء ولك تحياتي

M.ELKASHEF

أوك ياعم محمد يا ابو ايمن ،،،
كلامك ده أكبر حافز لي،،،

قشطه يا زعيم ده الكلام

والله الواحد بيتشرف لما يكون واحد من منطقتنا(عزبنتا) زاى الاستاذ محمد حمودة
وارجوا لك التوفيق دائما

كلام كويس جدا يا ابو ايمن
هو ده اللي لازم الأعضاء كلها تعرفه

ومشكور جدا علي الموضوع

mido essa كتب:: والله الواحد بيتشرف لما يكون واحد من منطقتنا(عزبنتا) زاى الاستاذ محمد حمودة
وارجوا لك التوفيق دائما

مشكور جدا على الرد الجميل ده يامحمد والله انت الاحسن.اخجلتم تواضعنا Embarassed