د / محمد رجب على كرسى الاعتراف العضو رقم 11

السلام عليكم ورحمة الله وبركاتة

ورجعنالكم تانى بعد طول انتظار

ومعانا حلقة نارية

وبعد اطول استفتاء فى تاريخ المنتدى
وبعد مناوشات بين الاعضاء الثلاثة تقدم
عضونا وحصد 12 صوت باكتساح

وهيكون معانا النهارده عضو

من اكثر الاعضاء احتراما فى المنتدى

له اراء وافكار

جريئة

وصريحة

وهو العضــــــو المتميز

د/ محمدرجب

هيكون معانا

اسبوع كامل من الجمعة للجمعة القادمة

عاوزين نطلع المستخبى

ونظهر جمال هذه الشخصية لجميع الاعضاء

فلتتفضلوا بالاسئلة

yalla ya sshabab....................

ألف شكر يابشمهندس علي المقدمة الجميلة دي
وأنا والله مانا عارف اقول ايه ولا اعمل ايه ؟؟؟
مكانش في دماغي حوار كرسي الاعتراف ده خاالص
انا لما شوفت اسمي اتحسرت والله
بس ياله يمكن خير
المهم....
انا بناشد كل الأخوة الأعضاء البساطة في الاسئلة
عشان بس الحق ارد لاني اليومين دول مضغوط
وشكرااااااااا.......

في الفااااااااااااااااااااااضي
هتبقي الاسئلة بسيطة خاااااااالص

هههههههههههه
هيه بقت كده
وماله ياعم عامر
خليك فاكر اني مسألتكش خاااااااااااالص

هو فيه يا دكتورنا استفسار مش سوال
انت لما لعبت معانا قلت انك ملعبتش كورخ من 7 سنين
امال ايه الماهرات العاليه والكعب والحاجات دي

هههههههههه
دي أققل حاجه عندي يلولو
مانت عارف
بس انت شكلك بتهزر

مبروك عليك الكرسى يادكتور وباين الجماعه بتحبك ربنا يستر

شد خيلك يادكتور عفبال كرسي الدكتوراة

هههههههههههههههههههههههههههههههههه
حبيب قلبى يا ابو رجب
ربنا يوفقك وشد حيلك كده بس اوعى يتقطع
هههههههههه

ايوه كده ياجماعة هو ده الشغل الصح
ياريت كله كده يدخل يقول كلمتين وخلاص
يارب تنسوا الأسئلة ........

بصراحه ياجماعه دكتور محمد من الشخصيات المهذبه والتى تجبر الجميع على احترامها واناشخصيا أحترمه لأدبه وعلمه ولأول مره بصراحه يادكتور أدخل فى موضوع كرسى الأعتراف ده لكن على كل سؤال بسيط ياترى طب الأزهر أحسن ولا طب التربيه والتعليم ؟
ياترى محمد رجب ولاءه بعد التخرج لقريته ولا هيبقى زى غيره ؟بس قول ان شاء الله .
ايه هدفك من الدكتره ؟خلى بالك ان قلت عاوز ابقى دكتور تبقى غلطان .وان قلت علشان أعلج الناس بردوا غلطان ياريت توضح ومتحاولش الأنكار لأنه مش هيفيدك ؟

الف مبروك يا دكتور

انا هستنى شويه لحد ما اشوف اسئله الاعضاء لو بسيطه هسال

لو كتير بقى

هضطر اسال برضه اشمعنى انا يعنى ؟

ههههههههههههههههههه

شريف شرف كتب:: بصراحه ياجماعه دكتور محمد من الشخصيات المهذبه والتى تجبر الجميع على احترامها واناشخصيا أحترمه لأدبه وعلمه

ألف شكر ياشيخ شريف علي الكلام الجميل ده وده من بعض ما عندكم

ولأول مره بصراحه يادكتور أدخل فى موضوع كرسى الأعتراف ده لكن على كل سؤال بسيط ياترى طب الأزهر أحسن ولا طب التربيه والتعليم ؟

بصراحة الاتنين لانهم مرتبطين ببعض فاحنا مثلا اللي بيدرسنا دكاترة من الأزهر والبعض من جامعة المنصورة
بس بصراحة بيني وبينك كده طب التربية والتعليم أحسن طبعا بكتيروأنا مبذاكرش الا من كتب المنصورة [/i]

ياترى محمد رجب ولاءه بعد التخرج لقريته ولا هيبقى زى غيره ؟بس قول ان شاء الله .
ايه هدفك من الدكتره ؟خلى بالك ان قلت عاوز ابقى دكتور تبقى غلطان .وان قلت علشان أعلج الناس بردوا غلطان ياريت توضح ومتحاولش الأنكار لأنه مش هيفيدك ؟

[i]بصراحة انا ان شاء الله بعد التخرج هيبقى ولائي لله _تعالي _أولا وأخيرا
وبعدين أنا هدفي من الكلية دي أولا أكون نفسي في نفس الوقت أخدم الناس علي أقد ماأقدر
بس اهم حاجه ان كله يكون في حدود طاعة الله _سبحانه وتعالي _

]b]

وبعدين ياعم الشيخ براحة شويه علينا هو استجواب ولا إيه ههههههههه

[/b]

ايما كتب:: الف مبروك يا دكتور

انا هستنى شويه لحد ما اشوف اسئله الاعضاء لو بسيطه هسال

لو كتير بقى

هضطر اسال برضه اشمعنى انا يعنى ؟

ههههههههههههههههههه

ههههههههههههه
وبعدين الف مبروك علي إيه هو منصب ده تحقيق
وربنا يستر علينا
وهيه بقى ماعدتش فارقه كتير لو عايزه تسألي أسألي
أوأي حد تاني أحنا مابنخفش والحمد لله

بسم الله
خش عليه يمعلمى

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

دي حاجه بسيطة كده على مافوقلك

هههههههه
استر يا رب والله صعبت عليا يا دكتر عامر جايب مرجع اسئله تحله

ده انت حبيبي يا دوك

عادي ياعم عامر بس المشكلة والله جاوبت عليهم مرتين
للأسف مرة الصفحة قفلت
ومرة الكهرباء قطعت
ان شاء الله هجاوب بليل
عادي يعني مش اسئلة دي ههههههههههه
مانا قلت معدتش فرقه عايزك تجيب أخرك هههههههه

جامد والله يادوك ايه يابني الثقة دي كلها
بس برضه الرجالة هيظبطوك

M.ELKASHEF

عامر كتب:: بسم الله
خش عليه يمعلمى

أديني دخلت ياسيدي اديني ....

. ماذا ستكتب لنا لتعبر عن حياتك التي عشتها الى الان في كلمات قليله ؟
والله حياة عادية جدااا وتقليدية زي أي حد مفيش فيها اي منعطفات إلا دخولي الكلية اللي كنت بحلم بيها .

. اذا اردت ان تبكي الان , فعلى من تبكي؟
علي الأوقات اللي مرت من عمري من غير طاعة أو الأوقات اللي عصيت ربنا فيها ..

من ستختار ليمسح دموعك ؟
أنا هامسحها لنفسي

لو خيروك بين حبيبك وبين اعز صديق فمن تختار ؟
أختار أعز صديق .

.ماهو تقييمك لهذا المنتدى بصراحه ؟
منتدي جميل ورائع وينقصه بس تواجد الأعضاء في وقت واحد مع بعض ..

.من يسكن قلبك؟
أمي وأبويا ...

.هل تعتقد ان حظك سيئ؟
يعني ساعات ساعات بس ده ميمنعش أني بختي مايل طول عمري هههههههه
كفاية اني دي تالت مرة اجاوب فيها علي الاسئلة دي والصفحة تروح ربنا يستر

.هل هزمك حزنك في يوما من الايام؟
لا

.((مستحيل انساك)) لمن تقولها ؟
لكل عزيز فقدته سواء قريب او صديق لأني والحمد لله عمري مانسيت حد كان قريب مني في يوم من الأيام

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
أقصد بها اي شئ كان ممكن اني أعمله بس معدش ينفع خالص اني اعمله وساعات بقولها علي حاجات تانية زي ماتش الجزائر ومصر في القاهرة كنت بقول لو جون بركات كان جه ههههههههه
بس ياله نرجع ونقول اللي راح راح وماتفيد كلمة ياريت وهاشجع الجزائر في كاس العالم هههه

.(( انت كل شيء بحياتي )) لمن تقولها ؟
لمراتي إن شاء الله هههههههه

متى اخر مره بكيت؟
وأنا كنت نايم كنت بحلم حلم وحش فصحيت وأنا ببكي إنما في الحقيقة أخر مرة بكيت فيها علي عمي رحمه الله يوم وفاته

اي الدول تتمنى ان تزورها ؟
بعد مكة طبعا إيطاليا او دبي

هل انت راضي عن نفسك ؟
لا طبعا

.هل تؤيد الزواج العاطفي ام الزواج التقليدي ؟ ولماذا ؟
الزواج العاطفي جميل بس لو انا اتعرضت لأني اتجوز بالطريقة التقليدية مفيش مشكلة

.ايهما اهم شهادتك الجامعيه أم الزواج ممن تحب ؟
شهادتي طبعا هههههههه

.هل تعترف بشيء اسمه الصداقه بين الرجل والمرأة ؟
أه طبعا احيانا مش دايما ..

.هل انت مدمن تفكير؟
نعم انا بفكر زيادة عن اللازم في أي حاجه لدرجة اتني بعد ساعات عواميد النور علي الطريق هههههه .

.من هو اكثر شخص تفكر فيه؟
في نفسي

.اذا تم تعيينك ملكا لجميع البلاد العربيه فما اول قرار ستتخذه ؟
أخليهم دولة واحدة متحدة ..

.هل تكره شخص بشده في حياتك ؟
لا انا أي نعم ممكن مستريحش لشخص بس مش لدرجة اني أكرهه بشده

.ما هو اقتراحك الذي تتمنى ان يحدث في هذا المنتدى ولم يحدث الى الان ؟
ان كل الأعضاء تتجمع مع بعض في يوم واحد اسبوعيا لمدة ساعتين مثلا ندردش مع بعض

.هل ملابس الشخص امامك تؤثر فيك لتأخذ عنه انطباع ؟؟
أه طبعا

.ماالذي يلفت انتباهك بسرعه في الشخص لكي تعجب به ؟
أسلوبه وطريقة تفكيره

اذا احببت شخصا في الوقت الخطأ وفي المكان الخطأ فماذا تفعل ؟؟
هاقول إني فعلا بختي مايل طول عمري هههههههه

.حكمة تؤمن بها جدا؟؟
كما قال الشاعر حاول ماتكونش حد تاني غير نفسك هههههه

.عاده تفعلها دائما تتمنى ان تتركها ؟
هو فيه حاجات طبعا بحاول معدتش اعملها بس مينفعش اقولها ان الله حليم ستار
مانت عااارف

ماهو اجمل اسم لولد واجمل اسم لبنت من وجهة نظرك؟
الولد ممكن عبد العزيز والبنت زي مانت قولت فعلا اسم حبيبة حلو او جومانا

.ماذا تفعل اول شيء اذا ربحت مليون ؟
هاروح أحج علي طول في أول فرصة ..

.هل انت من لديهم رغبة حب التملك واذا تملك الشيء اصابه الملل منه ؟
أنا بحب التملك بس مابملش هههههههه

.اعتذار تريد ان تقدمه لمن؟
لأي حد زعلته من غير ماقصد أو فهمني غلط وزعل مني لأن الموضوع ده بيحصل معاياه كتير

دي حاجه بسيطة كده على مافوقلك

برااااااااااااااحتك خااااااالص

mo7amed elkashef كتب:: جامد والله يادوك ايه يابني الثقة دي كلها
بس برضه الرجالة هيظبطوك

M.ELKASHEF

هاعمل إيه بس ياعم حماده
مانا حاولت بالمسايسة منفعتش
قولت بقي أجمد قلبي وخلاص وابيع القضية
مدام كده كده النتيجه واحدة
ههههههههه

يا هادى ..
1_من هو محمد رجب .فى كلمات؟

2_من هو اقرب شخص اليك؟

3_ (الله يسامحك) تقولها لمين ؟

4_(انا اسف ) وانت تعنيها لمين توجهها؟

5_اصعب موقف مريت بيه؟

6_اصعب قرار اخدته؟

7_حاجة ندمت عليها ؟

8_احساس جميل حسيته زمان ومفتقده دلوقتى ؟

9_حد جرحته بقصدك وهو ما يستهلش ده؟

10_لو انت فى محنة او شدة من هو اخر شخص تفكر انك تلجأ له؟

11_كلمات بسيطة تود توجيهها الى د.محمد رجب؟

12_هل انت صريح بما يكفى لتتعترف الى عضو مثلا بالمنتدى انك اخطات فى حقه؟

13_ اكلتك المفضلة ؟

14_ايه اللى ممكن يخليك تزعل ؟

15؟مما تغضب؟وكيف تكون وقتها ؟

والبقية تاتى يا دكتور ...

ايه يا دكتره كده انا زعلت وعشان تجاوب مره واحده
16_ هل انت متسرع ؟

17_ لو مسكت منصب كبير ولنفرض بداية فى المحافظة اول قرار تاخده ناحية بلدك والا الصالح العام والا هاتنفض؟

18_ربنا كرمك وبقيت دكتور مشهور وبقى بسم الله ماشاء الله عنك مستشفى خاص ..وعماتهم على ..اد كده ؟ممكن تعمل قسم متكامل للعلاج المجانى ؟والا؟بصراحه؟

19_اكتر حاجة نتحب تعملها اول مابتصحى ؟

20_واخيرا كلمة تحب تقولهالى ؟

محمود موسى كتب:: يا هادى ..
1_من هو محمد رجب .فى كلمات؟
انا الحمد لله انسان عادي جدا ومش عارف اقول ايه بالظبط

2_من هو اقرب شخص اليك؟
انا اققرب واحد ليه ..

3_ (الله يسامحك) تقولها لمين ؟
للي بيقول حاجه في حقي بدون وجه حق من ورايا

4_(انا اسف ) وانت تعنيها لمين توجهها؟
لأي حد ظلمته او غذيته بدون قصد او بقصد

5_اصعب موقف مريت بيه؟
في امتحان الأحياء في 3 ثانوي هههههههه ومواقف كتير بس الحمد لله ربنا بيعديها علي خير

6_اصعب قرار اخدته؟
اني أجلت امتحان مادة في تانية كلية هههههه كنت باتعذب يومها

7_حاجة ندمت عليها ؟
اني اجلت المادة دي هههههههه

8_احساس جميل حسيته زمان ومفتقده دلوقتى ؟
احساس الطفولة وعم المسئولية

9_حد جرحته بقصدك وهو ما يستهلش ده؟
مش فاكر صراحة انا تقريبا عمري ماجرحت حد بقصدي
بس ممكن من غير قصد

10_لو انت فى محنة او شدة من هو اخر شخص تفكر انك تلجأ له؟
اللي اتسببلي في المحنة دي لو هو الوحيد اللي ممن يحلها

11_كلمات بسيطة تود توجيهها الى د.محمد رجب؟
خد بالك من نفسك ههههههههه

12_هل انت صريح بما يكفى لتتعترف الى عضو مثلا بالمنتدى انك اخطات فى حقه؟
اكيد

13_ اكلتك المفضلة ؟
السمك والبط هههههههههه

14_ايه اللى ممكن يخليك تزعل ؟
أن حد يتظلم قدامي ومعرفش اساعده

15؟مما تغضب؟وكيف تكون وقتها ؟
لما حد يسب الدين قدامي او يسوق الرخامة عليه

والبقية تاتى يا دكتور ...

وماله برااحتك خاااالص

محمود موسى كتب:: ايه يا دكتره كده انا زعلت وعشان تجاوب مره واحده
معلش ياحودة انا مقدرش علي زعلك
16
_ هل انت متسرع ؟
أه
17
_ لو مسكت منصب كبير ولنفرض بداية فى المحافظة اول قرار تاخده ناحية بلدك والا الصالح العام والا هاتنفض؟
والله مانا عارف كل حاجه عايزه تتظبط حهاول طبعا اعدل اي حاجه في امكاني

18
_ربنا كرمك وبقيت دكتور مشهور وبقى بسم الله ماشاء الله عنك مستشفى خاص ..وعماتهم على ..اد كده ؟ممكن تعمل قسم متكامل للعلاج المجانى ؟والا؟بصراحه؟
أكيد طبعا ومعملش ليه ؟؟

19_اكتر حاجة نتحب تعملها اول مابتصحى ؟
أني افطر

20_واخيرا كلمة تحب تقولهالى ؟

ربنا يوفقك ومتزعلش مني وشكرا علي اسئلتك البسيطة دي ههههههههه

السلام عليكم
بصراحه يادكتور اجاباتك عجباني اوي
بتجاوب بكي صراحه ومن غير ماتفكر ومن غير تجمل
فكنت مضطر اسئل

_هل تمنيت في يوم ان تكون بنت ؟؟ ولماذا؟
2_ماهو رأيك في البنت اللي تلبس لبس غير محتشم؟
3_هل تجذبك البنت اللي ابوها مليونير؟او غني؟؟)
4_هل من الممكن ان تخطب فتاة ليست من بلدك؟
5_هل من الممكن ان تتزوج فتاة اكبر منك سنا؟
6_هل تفضل الزواج التقليدي ام الزواج عن حب؟
7- من تكون المراه التي تقف امامها ضعيفا؟ولماذا؟؟
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
9-عندما تكون معجب بفتاة ماهي طريقتك في الوصول لقلبها؟؟
10- ماشعورك اذا تزوجت طليقتك برجل افضل منك.؟؟
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
12_ كم مرة تنازلت عن مبادئك من اجل امرأه !! ؟
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
19-هل تتاسف اذا اخطات بحق زوجتك أو أختك أو......الخ؟
20- ماهي الكلمة التي تربكك من المراه !!
21- متى ترضى عن زوجتك؟ ومتى تشعر بضعفها؟

أحمد علي كتب:: السلام عليكم
وعليكم السلام ورحمة الله وبركاته

بصراحه يادكتور اجاباتك عجباني اوي
بتجاوب بكي صراحه ومن غير ماتفكر ومن غير تجمل
فكنت مضطر اسئل
ألف شكر يأستاذ احمد مهو لازم الصراحة مانت عارف ....هههههههههه
أتفضل ياباشا براحتك.

_هل تمنيت في يوم ان تكون بنت ؟؟ ولماذا؟
لأ طبعا وابقي بنت ليه ؟؟؟؟؟هههههههههههه(علي فكرة ده سؤال غريب)

2_ماهو رأيك في البنت اللي تلبس لبس غير محتشم؟
طبعا باستحقارها

3_هل تجذبك البنت اللي ابوها مليونير؟او غني؟؟)
عادي زي أي بنت لو فيها مواصفات معينة ممكن تجذبني مش شرط ابوها بقي مليونير اوغيره ولو مليونير تبقي حاجه كويسه مش حاجه وحشه ههههههه

4_هل من الممكن ان تخطب فتاة ليست من بلدك؟
ممكن وأيه المانع؟

5_هل من الممكن ان تتزوج فتاة اكبر منك سنا؟
لا مش ممكن خااااااااااااااالص

6_هل تفضل الزواج التقليدي ام الزواج عن حب؟
مانا قولت قبل كده الاتنين بالنسبالي عاد اللي هيجي أول لومناسب خلاااص

7- من تكون المراه التي تقف امامها ضعيفا؟ولماذا؟؟
أمي بس عشان هيه أمي

8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
هههههههههه وشي هايحمروهاتحرج ورأيي فيها هيبقي علي حسب شخصيتها
ههههههههه هاسأل عليها الأول ......

9-عندما تكون معجب بفتاة ماهي طريقتك في الوصول لقلبها؟؟
الطرق المشروعة والتقليدية طبعا ( مش من الشباك يعني )

10- ماشعورك اذا تزوجت طليقتك برجل افضل منك.؟؟
مش هتفرق كتير لاني خلاص معدتش هاتابعها بعد ماطلقتها هههههههه

11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
أكيد هاتضايق شوية وبعدين انسي

12_ كم مرة تنازلت عن مبادئك من اجل امرأه !! ؟
ولا مرة الحمد لله

13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
هههههههههه لبسها وطريقة مشيتها

14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
مفيش مشكلة خالص لوتشارك بس مش هاكون منتظر منها حاجة طبعا
أنا أصلا مش هحب أن مراتي تشتغل

15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
هانساها علي طول واعصر علي قلبي لمونة هههههههههههه

16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
اه بس للأسف دلوقتي معظم الرجال خواتم هههههههههه لانهم اكتشفوا مؤخرا أن الخاتم مذكر فأنا بصراحة خايف

17- هل خضت يوما حربا من اجل الوصول الى قلب امراه.. وهل ظفرتِ بقلبها !!
لا والله خااااالص

18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
مش شرط بس لوجت مناسبة عادي بس أنا مفضلش كده ..

19-هل تتاسف اذا اخطات بحق زوجتك أو أختك أو......الخ؟
أكيد الاعتراف بالخطأ شجاعة . الغلط انك تعمل حاجة غلط وتقنع نفسك انها صح

20- ماهي الكلمة التي تربكك من المراه !!
بحبك (ههههههههههههههههههه)

21- متى ترضى عن زوجتك؟ ومتى تشعر بضعفها؟
لما تكون علي هوايه _ مش عارف والله هتبقي ضعيفة امتي دول بقوا جبروت بعيد عنك (ههههههههه)

كلام وردود منطقية وصريحه للغايه
تسلم يا دوك على شجاعتك

إيه الحلاوة دي يا بني

بجد ردودك عجابني

بس هتعجبني أكتر لما ترد علي أسئلة "شـــــــرشـــــــــر"

وانت فهمني طبعا بس براحة عليه عشان خاطري يا شريف خلي أيام الجديدة تطمر فيك.ههههههههههههههههه

شرشر مين يبنى هو شرشر ساله ولا عبره حتى
ده شكله مظبط معاه اساسا

محمد جمعه كتب:: إيه الحلاوة دي يا بني

بجد ردودك عجابني

بس هتعجبني أكتر لما ترد علي أسئلة "شـــــــرشـــــــــر"

وانت فهمني طبعا بس براحة عليه عشان خاطري يا شريف خلي أيام الجديدة تطمر فيك.ههههههههههههههههه

الله يخليك ياجمعه
أخبارك ايه ؟؟؟
والله واحشني جداااااااا
وبعدين شرشر يستدرج يسألني هههههههههه

والله يا دكتره انت زى الفل
بس شريف يبدو انه منفض او الله اعلم بالظروف
وانا شليف انى اركن ومعتش هاسال ههههههههههههههههههه
كفاية عليك كدة هههههههههههههههههه

طبعا ظروف غيابى وتعبى كانت فى مصلحتك يا دكتور

ههههههههههههههههههه

يلا بقى هتتعوض ان شاء الله

بس انا سايبه حضرتك بمزاجى على فكرة هههههههههههه

يا دكتور محمد رأيك إيه فى مستوى تقديم الخدمه فى الصيدليات بالناصريه؟؟؟؟؟

عامر كتب:: شرشر مين يبنى هو شرشر ساله ولا عبره حتى
ده شكله مظبط معاه اساسا

هظبط ايه بس !!!!!!!
كل الحكاية اني ضحكت عليه وفهمته اني وقتي خلص
هههههههههههه
وهو اصلا مش فاضي يدخل عالمنتدي مانت عااااااااارف

محمود موسى كتب:: والله يا دكتره انت زى الفل
بس شريف يبدو انه منفض او الله اعلم بالظروف
وانا شليف انى اركن ومعتش هاسال ههههههههههههههههههه
كفاية عليك كدة هههههههههههههههههه

الله يخليك ياحوده
وبعدين انت عملت معايا الصح
هههههههه

ايما كتب:: طبعا ظروف غيابى وتعبى كانت فى مصلحتك يا دكتور

ههههههههههههههههههه

يلا بقى هتتعوض ان شاء الله

بس انا سايبه حضرتك بمزاجى على فكرة هههههههههههه

اهم حاجه الحمد لله علي سلامتك
وشكرا انك سيبتيني هههههههه

mr.eslam_sherbiny كتب:: يا دكتور محمد رأيك إيه فى مستوى تقديم الخدمه فى الصيدليات بالناصريه؟؟؟؟؟

بصراحة انا شايف انها تمام
بس في شخص بخاف علي الناس منه
والمشكلة ان الناس مأمناله جاااااااااامد جدا
ربنا يستر ........

نظرا لخفة وجمال هذه الحلقة
والصراحة التى اتسم بها الدكتر
تم تمديدها هذه الحلقة لاسبوع اخر
حتى 27 مايو القادم
مع علمى لاعتراض الضيف
لكنى على ثقة بقبولة التمديد
ايضا زياده فى حصريات هذه الحلقة
أخوك
مصطفى مر ـــــــــــسى

والله يابشمهندس انت بتحرجني
انا كنت بشكر ربنا ان اليومين دول عدوا علي خير
وكان الجو هادي
ربنا يستر

احم احم ..

..

ساا الخير عليكو ..

طبعا محدش هنا عارفنى .. بس محمد عارفنى ..

هو انا لقيت كل الاسئله عاديه ..قولت اسأل انا بقى ..

بس انا عايز اعرف الاول .. انت دفعت كام ل شريف عشان ميدخلش يسألك ..

اكيد مرضاش ياخد اقل من جنيه وربع

اسأل بقى ..

انا قريت الردود كلها ..

اول حاجه خدت بالى منها .. ان انت بختك مايل ..

طبعا انا عارف ده من زمان ..

ليه بقى حاسس ان بختك مايل ؟

وايه الى خلاك متاكد من الاحساس ده ؟

حبيت كام مره ؟

فى حد فى حياتك دلوقتى ؟

لو فى بنت شوفتها وعجبتك يعنى حسيت انك عايز تتعرف عليها هتعمل ايه ؟

ايه مواصفات البنت الى نفسك ترتبط بيها .. الى هتكون مراتك يعنى .

نفسك تخصص ايه ان شاء الله .عارف ان السؤال ده بيضايق ,, بس جاوب برده ..

ليه شريف بيأثر عليك جاامد .. وليه شريف بيخاف منك .. ماسكين ايه على بعض ؟!

فى حاجه شاغله تفكيرك اليومين دوووول ....؟؟ عاوزين نعرفها ..؟؟

ايه اكتر موقف محرج حصلك ؟ !

- اية اهم حاجة بالنسبه ليك ..

مين اللي معاه اسرارك كلها ..

اتظلم قبل كدا لية ومن مين ؟

لو خيروك بين انك تسافر برة وتقعد هناك ومتزلش مصر خاالص الا بعد 10 سنين ان كان ليك عمر ان شاء الله توافق ..؟

بتحب السفر ولا الإستقرار ..؟

بتحب الهدوء ؟

بتحب النور ولا الضلمة ؟

بتحب التغير من شكلك ولا عادي مش فارقة معاك ( يعني تعمل نيو لوك )؟

بتحب الشتاء والصيف اكتر ولية .؟

اكتر يوم بتحبة في الاسبوع ؟

أنت رومانسي ولا عاطفي ؟ أصل فية فرق ؟

بتحب الاطفال ولا لا ؟

انت طموح ولا بتحب تقف محلك سر ؟

انت عصبي ؟ جرش يعنى

ايه اكتر حاجة نفسك تغيرها فيك ؟

بتحب المظاهر ولا التواضع ؟

انت كتوم جواك ولا بتحب تفضفض لحد قريب منك ..؟

الناس انطباعها إية عنك ..؟

معاك ارقام بنات ع الموبيل ...؟

إتعكست قبل كدا من بنات ..؟

طب انت بتعاكس بنات ؟ السؤال دا بالذات متعملش فية عبيط ...

بتعمل اية في وقت فراغك ..؟

امتي بتحس انك مخنوق من الدنيا ..؟

امتي بتكون مرتاح البال ؟

اول قصة حب ليك كانت امتي وإستمرت لحد كام سنة ؟

امتي مش بتعرف ترد ع اللي قدامك ؟

عندك ثقة في نفسك .؟ وبنسبة كام ؟

امتي بتفقد الثقة في الشخص اللي قدامك

نفسك تشتغل في مصر بعد ما تخلص و لا عايز تسافر ؟ و لو تسافر تحب تروح فين ؟

اييه رايك فى النيو لوك الى انت عامله دلوقتى ؟!

وايه سر حبك المفاجىء للكوره . مع انى سامع انك بتطلع عينهم ف الملعب ..

وبتضيع فرص اكتر فرانسيس بتاع الاهلى ..

وليه بتحب تشيسلى اوى كده ؟؟ وخصوصا Ashly cole

اييه بقى اكبر مقلب خدته ف حياتك ؟

اييه اكتر حاجه نفسك فيها ؟

ايه الحاجه الى حلمت بيها واتحققت ؟

وايه الحاجه الى بتحلم بيها ولسه متحققتش .. ؟!

وجاوب بقى ع الكام سؤال دول ..

عضو قريب منك ..( )

عضو توقيعه روعه..( )

عضو نشيط... ( )

عضو مفقود... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل مزاجك ... ( )

عضو يغيظك .. ( )

عضو تتمنى تلقتي به ... ( )

عضو مثقف... ( )

عضو نفسك تغير اسمه ... ( )

عضو نفسك تتخانق معاه ... ( )

عضــو تحس أن فيه خــمول (كسل ) ... ( )

عضــو يجذبـك بأسلوبه وطريقـة ردوده ... ( )

عضـو أحيانا ينرفزك بـ ردوده ...( )

عضو تقوله كل كلامك صح .. ( )

عضو طموح ... ( )

عضو تحسه طفولي .. ( )

عضــو محبوب ... ( )

عضو تقوله (( ماينساك أبد قلبي )) ... ( )

عضو تقوله (( الله يسامحك )) ..

اخر سؤال بقى ..

هل التونه وجبه اساسيه ؟!

بس كده ..

شوفت انا سمعت الكلام اهو و مرضتش اضغط عليك ف الاسئله ..

بس يعنى ..

استلم يادكتر
وده الكرسي بتاعك
[ندعوك للتسجيل في المنتدى أو التعريف بنفسك لمعاينة هذا الرابط]

khaled كتب:: استلم يادكتر
وده الكرسي بتاعك
[ندعوك للتسجيل في المنتدى أو التعريف بنفسك لمعاينة هذا الرابط]

ألف شكر ياخلود
كويس انك جبت الكرسي اصلي تعبت من الواقفه
والموضوع شكله هايطول
ربنا يعني....
أنا حاسس اني بعمل عملية ههههههه

MohameD GhazY كتب:: احم احم ..

..

ساا الخير عليكو ..
مساء النور ياعنيه ..

طبعا محدش هنا عارفنى .. بس محمد عارفنى ..
عز المعرفة داحنا حتي كنا نايمين علي سرير واحد الأسبوع اللي فات هههههههههه
ده ياجماعة د\محمد غازي من المحلة زميلي في الكلية والسكن من خمس سنين واي نعم شريف
مسألش بس عمل الواجب زي مانتوا شايفين هوه اللي محرضه يسألني أنا متاكد ..

هو انا لقيت كل الاسئله عاديه ..قولت اسأل انا بقى ..
وماله براحتك .. اصل هيه كانت ناقصه هههههههه

بس انا عايز اعرف الاول .. انت دفعت كام ل شريف عشان ميدخلش يسألك ..

اكيد مرضاش ياخد اقل من جنيه وربع
اسكت مش الموضوع عدي الاتنين جنيه ده عاد صعب اوي هههههههه

اسأل بقى ..
اتفضل بقي اسأل

انا قريت الردود كلها ..

اول حاجه خدت بالى منها .. ان انت بختك مايل ..

طبعا انا عارف ده من زمان ..

ليه بقى حاسس ان بختك مايل ؟
عادي مجرد احساس بيراودني من فترة للتانية

وايه الى خلاك متاكد من الاحساس ده ؟
حاجات بتحصلي بتأكد ده
وإلا مكنتش انت عرفت اني قاعد علي كرسي الإعتراف وسالتني كمية الأسئلة دي

حبيت كام مره ؟
ولا مرة .

فى حد فى حياتك دلوقتى ؟
بقولك ولا مرة تقولي مش عارف ايه ....

لو فى بنت شوفتها وعجبتك يعنى حسيت انك عايز تتعرف عليها هتعمل ايه ؟
هاروح اكلمها ..

ايه مواصفات البنت الى نفسك ترتبط بيها .. الى هتكون مراتك يعنى .
تكون محترمة وبنت ناس وفهماني
وبعدين ماتقولش عليها بنت مش هتبقي مراتي ... (والله حاجه غريبة ههههههههه)

نفسك تخصص ايه ان شاء الله .عارف ان السؤال ده بيضايق ,, بس جاوب برده ..
حتي انت بتسألني السؤال ده مش عارف والله لسه ماقررتش
بس يمكن نسا وولادة أو أطفال عشان مادخلش الجيش هههههههه

ليه شريف بيأثر عليك جاامد .. وليه شريف بيخاف منك .. ماسكين ايه على بعض ؟!
لا والله الحكاية مش كده خالص
المشكلة بس انه ملوش كلمة فسهل تأثر عليه بأي كلام
حتي عشان كده هو خايف من مراته لما يتجوز ..

فى حاجه شاغله تفكيرك اليومين دوووول ....؟؟ عاوزين نعرفها ..؟؟
مين قالك كده ؟؟ ان فيه حاجه شغلاني وبعدبن لو فيه حاجه شغلاني وينفع اقولهالك هاقولها من غير ماتسأل
مانت عارف انا عمري ماخبيت عليك حاجه

ايه اكتر موقف محرج حصلك ؟ !
والله مش فاكر موقف بالتحديد بس فيه مواقف كتير محرجه
يعني مثلا لما دكتور يطردك من المحاضرة عشان متاخر هه مثلا يعني

- اية اهم حاجة بالنسبه ليك ..
رضا ربنا عني وبعدين ابويا وامي

مين اللي معاه اسرارك كلها ..
انت وماجد والدرش ..

اتظلمت قبل كدا لية ومن مين ؟
مش فاكر بصراحة ان حد ظلمني لدرجة اني لسه فاكر _ مش فاكر..

لو خيروك بين انك تسافر برة وتقعد هناك ومتزلش مصر خاالص الا بعد 10 سنين ان كان ليك عمر ان شاء الله توافق ..؟
هوافق عشان أأمن مستقبلي طبعا بس ....

بتحب السفر ولا الإستقرار ..؟
لا الإستقرار

بتحب الهدوء ؟
مش في كل الاحيان بس دايما بيحب يبقي فيه جو حواليه لاني بزهق بسرعة
بس طبعا هاحب الهدوء لما اتجوز

بتحب النور ولا الضلمة ؟
بحب النور وأنا صاحي والضلمة وانا نايم .

بتحب التغير من شكلك ولا عادي مش فارقة معاك ( يعني تعمل نيو لوك )؟
يعني كل فترة كده بغير زي شعري مثلا ساعة اجيبه علي جنب وساعة لوره هههههههه
وأخر مرة لما حلقتولي بالمكنة وريحتوني منه خالص هههههه
لانه ساعات بينزل علي عنيه وقارفني هههههههههه

بتحب الشتاء والصيف اكتر ولية .؟
لا الصيف طبعا عشان بيبقي اجازة وكله خروج وفسح وسهر وكده يعني
وكفاية ان الواحد بيبقي باله مرتاح من الكلية والمزاكرة

اكتر يوم بتحبة في الاسبوع ؟
الجمعة

أنت رومانسي ولا عاطفي ؟ أصل فية فرق ؟
عاطفي

بتحب الاطفال ولا لا ؟
أه جداااااااا وهما كمان بيحبوني مش عارف ليه ؟؟؟؟

انت طموح ولا بتحب تقف محلك سر ؟
لأ طموح بس مش اوي مانت عارف .

انت عصبي ؟ جرش يعنى
هههههههههه لا مش اوي ياعم الجرش انت اللي جرش اوي هههههههه

ايه اكتر حاجة نفسك تغيرها فيك ؟
أني طيب

بتحب المظاهر ولا التواضع ؟
لا طبعا التواضع بس ساعات لما الوضع يتطلب مظاهر بأديها مظاهر وخلاص ههههههههه

انت كتوم جواك ولا بتحب تفضفض لحد قريب منك ..
لا طبعا بفضفض يعني فيه حاجه انت متعرفهاش عني؟؟؟؟؟؟هههههه

الناس انطباعها إية عنك ..؟
معرفش السؤال انت اللي تجاوب عليه
بس تقريبا اني طيب ومحترم وكده يعني الحمد لله ..

معاك ارقام بنات ع الموبيل ...؟
أه بس أكيد اخواتي يعني ياعم الناصح !!!!!!!!!!

إتعكست قبل كدا من بنات ..؟
مره

طب انت بتعاكس بنات ؟ السؤال دا بالذات متعملش فية عبيط ...
أه ساعات هههههههههههه

بتعمل اية في وقت فراغك ..؟
بقعد عالنت أو العب بلاي ستيش وفي الأيام الأخيرة كورة قدم

امتي بتحس انك مخنوق من الدنيا ..؟
لما يكون ورايا امتحانات أو معياش فلوس هههههههه

امتي بتكون مرتاح البال ؟
لما بكون في الإجازه

اول قصة حب ليك كانت امتي وإستمرت لحد كام سنة ؟
مين قالك ان كان ليه قصة حب انت هتألف ههههههه

امتي مش بتعرف ترد ع اللي قدامك ؟
لما بيكون ابويا متضايق مني في حاجه ومتنرفزعليه بس. أو حد كبير وبيخربط في الكلام يعني بيقول اي حاجه

عندك ثقة في نفسك .؟ وبنسبة كام ؟
أه الحمد لله يعني 80%

امتي بتفقد الثقة في الشخص اللي قدامك
لما بحس انه بيكذب عليه

نفسك تشتغل في مصر بعد ما تخلص و لا عايز تسافر ؟ و لو تسافر تحب تروح فين ؟
ياريت اشتغل في مصرشغل كويس يكون احسن بس لومفيش هاسافر طبعا احسن
في أي حته فيها فلوس مهتفرقش بقي ..

اييه رايك فى النيو لوك الى انت عامله دلوقتى ؟!
جامد تسلم ايدك انت وماجد هههههههه

وايه سر حبك المفاجىء للكوره . مع انى سامع انك بتطلع عينهم ف الملعب ..

وبتضيع فرص اكتر فرانسيس بتاع الاهلى ..
مش عارف نمت وقمت لقتني عايز العب كورة ههههههه

وليه بتحب تشيسلى اوى كده ؟؟ وخصوصا Ashly cole
بردوه مش عارف الحب ده حاجه بتيجي لواحدها
ولأنهم بردوه فريق فيه نجوم كتير ولعبهم جامد
وASHLY ده حبيبي لأنه بيعمل معايا الصح دايما في البلاي ستيشن

اييه بقى اكبر مقلب خدته ف حياتك ؟
أني قولتلك اني علي كرسي الاعتراف هههههههه

اييه اكتر حاجه نفسك فيها ؟
أني اتجوز

ايه الحاجه الى حلمت بيها واتحققت ؟
أني ادخل كلية الطب مع ان الحلم ده مجاش في دماغي الا لما دخلت الثانوي

وايه الحاجه الى بتحلم بيها ولسه متحققتش .. ؟!
أني أبقي طيار ههههههههه

وجاوب بقى ع الكام سؤال دول ..

عضو قريب منك ..( عامر وشريف عبوده و......)

عضو توقيعه روعه..(مصطفي مرسي )

عضو نشيط... (محمود الكاشف )

عضو مفقود... (ميدو )

عضو تفرح بوجوده .. (محمد هلالي )

عضو تحسه واثق من نفسه ... (عامر )

عضو داخل مزاجك ... (محمد كوثر )

عضو يغيظك .. (GHOST )

عضو تتمنى تلقتي به ... ( أنس اللي من الجزائر)

عضو مثقف... (مصطفي مرسي )

عضو نفسك تغير اسمه ... (MAHOGH لاني مش فاهمه)

عضو نفسك تتخانق معاه ... (GHOST )

عضــو تحس أن فيه خــمول (كسل ) ... (ميدو عيسي )

عضــو يجذبـك بأسلوبه وطريقـة ردوده ... (ايما)

عضـو أحيانا ينرفزك بـ ردوده ...(مصطفي مرسي(SORRY)مرة واحده )

عضو تقوله كل كلامك صح .. ( عامر)

عضو طموح ... (محمود موسي )

عضو تحسه طفولي .. (ههههه شريف عبوده )

عضــو محبوب ... (محمد هلالي )

عضو تقوله (( ماينساك أبد قلبي )) ... (شريف ياله )

عضو تقوله (( الله يسامحك )) ..(محمد غازي منك لله ياشيخ )

اخر سؤال بقى ..

هل التونه وجبه اساسيه ؟!
لا مين قال أنها أساسية ههههههههه

بس كده ..
يااااااه انا مش مصدق اني خلصت الحمد لله

شوفت انا سمعت الكلام اهو و مرضتش اضغط عليك ف الاسئله ..
ياحبيبي هو انت سألت خالص

بس يعنى ..

جميل انا ممكن مسألش بس بشرط ان محمد يأجب على أسألأت الدكتور محمد غازى أسلئه بصراحه على الجرح ولو ما أجبتش يبقى انت مخالف للقانون مرحبااااا بيك ياغازى على منتدى الناصريه الكتور محمد غازى من المحله حبيبك كتير ياميدو ههههههههههههههههههههههههههههههههههههههههههههههههههه اشرب

والله العظيم صعبان عليا وكنت مبسوط إن اليومين عدوبسرعة وعامل نفسى مش شايف بس إنت وقعت ولاحدش سمى
عموما إنت وشريف متفقين على الاسبوع الاولانى
طبعا شريف هيبيعك إبن خلتى وأنا عرفه
واكيد بيحضر فى قاموس اسئلة
عموما عوزينك ترفع رسنا يادكتور انا مش شمتان ولا حاجة
أنا آعد بره بتفرج
ياراجل انا قرأت اخر الاسئلة إتخضيت والله أتخضيت

شريف عبودة كتب:: جميل انا ممكن مسألش بس بشرط ان محمد يأجب على أسألأت الدكتور محمد غازى أسلئه بصراحه على الجرح ولو ما أجبتش يبقى انت مخالف للقانون مرحبااااا بيك ياغازى على منتدى الناصريه الكتور محمد غازى من المحله حبيبك كتير ياميدو ههههههههههههههههههههههههههههههههههههههههههههههههههه اشرب

ماهو انت لوبتركز كنت شوفت اني جاوبت
انما انت دايما كدهوه فاضحنا
وانا عارف انك هتسأل لانك ملكش كلمة
وبقولك قدام كل الناس اهوه في الفاضي
عايز تسأل ياعم اسأل
هو انا هاقعد اثبت فيك لحد امتي دا لسه اسبوع بحاله
أنا عارف من الاول ان بختي مايل
ههههههه

سكون الليل كتب:: والله العظيم صعبان عليا وكنت مبسوط إن اليومين عدوبسرعة وعامل نفسى مش شايف بس إنت وقعت ولاحدش سمى
عموما إنت وشريف متفقين على الاسبوع الاولانى
طبعا شريف هيبيعك إبن خلتى وأنا عرفه
واكيد بيحضر فى قاموس اسئلة
عموما عوزينك ترفع رسنا يادكتور انا مش شمتان ولا حاجة
أنا آعد بره بتفرج
ياراجل انا قرأت اخر الاسئلة إتخضيت والله أتخضيت

عادي ياعم ماهر
ههههههههههههه
العمر واحد والرب واحد
وبعدين خلي شريف يحضر براحته
ان شالله يحضر عفاريت
ان اعلنت قبل كده ان احنا مبنخافش
من حد

أه رأيك ياشريف أنا حاسس إنك رجعت لور
عموما منتو بتسرحوا مع بعض مرة دمياط الجديدة ومرة رس البر ومرة ومرة إلخ
مش عويدك تلتزم
أنا مش بسخن ولاحاجة الموضوع بسيط شريف هيسأل كام سؤال معلش يا محمد هو اكتر واحد بيمشى معاك وعارف عنك
سيبك إنت من الاسئلة التقليدية بتعتى وبتاعت غيرى
ايون انا حاسس كدة إنها ولعت ولعت يامعلم

عضو قريب منك ..( عامر وشريف عبوده و
عضو تحسه واثق من نفسه ... (عامر )
عضو تقوله كل كلامك صح .. ( عامر)

اخجلتم تواضعنا
Embarassed

» ترشيح العضو رقم 8 للجلوس على كرسى الاعتراف
» شريف عبوده على كرسى الاعتراف العضو رقم 007
» مجدى فوده العضو رقم010 على كرسى الاعتراف
» المراقب العام محمد الكاشف على كرسى الاعتراف (الضيف الرابع)
» الدكتوره/ بسمه على كرسى الاعتراف رقم 8