إيما على كرسى الاعتراف ياشباب مش عاوزين رحمه!! (الضيف الخامس)

اهلا بالجميع

مرحبا بيكم

النهارده مع الموضوع ضرب النار

طحن عضو

موضوع كرسى الاعتراف

والنهارده معانا الضيف الخامس لكرسى الاعتراف

بعد منافسه شديده بين إيما وشريف عبوده استطاعت إيما الفوز بثمانية أصوات بعد ان تقدمت على شريف عبوده باربعة اصوات وجاء فى المركز الثالث السندباد بصوتين ومحمود الكاشف بصوت .

نتعرف على الشخصيه

مميزة

شخصيه هاديه جدا

محبوبه

دمها خفيف

اكيد الكل عارفها

هيا

إيمــــــــــــــــــــــــــــــــــــــــــــــــــا

وهتكون معانا إيما لمده 5 ايام هنطلع منها كل حاجه نفسنا فيها
ومش عايزين رحمه
الموضوع بدأ بتاريخ 28/3/2010 وهينتهى فى يوم 01/04/2010

يلا ياشباب نبدأ الاسئله

ومش هوصيكوا عليها

إنتظروا مفاجأة الاسبوع القادم

مبروك إيما على الكرسى

وانا هبدأ الاسئله بحاجات خفيفه كده

عرفينا بنفسك باختصار
مع عدم الافصاح عن الهوية

يلا نبدا
1
- ماهو اجمل شىء فى حياتك؟
2- ماهو طموحك فى الحياه؟
3- حاجة عملتيها وندمتى عليها؟
4- اصعب مواقف حياتك؟
5- اصعب نقد ليكى؟
6- اجمل صفة فيكى؟
7-مبدا لايمكن ان تتنازلى عنة ابدا؟
8-بتعملى اية لما تزعلى؟ ولو حد زعلك اية بيبقى رد فعلك؟
9-لو قولتلك عبرى عن نفسك ببعض الكلمات التى تدل على شخصيتك هتقولى اية؟
10- حطى عنوان لحياتك؟
11-ــ ماذا تعني هذي الكلمات لإيما

الصداقه

الابتسامه

بكاء طفل

بكاء رجل

الحب

الحقد

الغيره

المراهقه

الطفوله

بكاء المراه

الحب من طرف واحد

الحب من طرف ثالث هههههههههه

السعاده

القلب الحزين

الحريه

جرح المشاعر

زملكاوية ولا أهلاوية

بس كفاية كدة عشان ماأتعبكيش

تحياتى لكى

منورا الكرسي ياإيمــــــــــــــــــــــــــــــــــــا

- ماذا تقولي لمن ظلمك ؟؟
- شخص تفتقدينه ,, من هو ؟؟
- من هم افضل خمسة اعضاء من وجهة نظرك؟؟
- كلمة تتمنى سماعها كل يوم ؟؟
- شيء حدث بحياتك غير مجرى حياتك ؟؟
- هل ترى ان الحب الاول ناجح ام فاشل ؟؟
- مارأيك بالغيره ؟
- سر لاول مره تقوليه لينا؟؟
- ياورد مين علمك تجرح ,,, لمن توجه هذه العباره ؟؟

متشكرة كتير بجد استاذ مصطفى على المقدمه التحفه دى

بجد كتير عليا اوى الكلام الجميل ده

انا متابعه ومعاكم وهرد على كل الاسئله ان شاء الله بس مش دلوقتى

ان شاء الله لما اروح البيت اتابع معاكم وارد على اسئلتكم كلها

انا دلوقتى فى الشغل

انا جيت اهو بس فين الكرسى اللى هقعد عليه ؟؟؟؟؟؟

وبعدين مش احنا فى قسم البيت بيتك ماليش دعوة بقى انا عايزة عصير

هههههههههههههههه

يلا بسم الله توكلنا على الله ولا حول ولا قوة الا بالله

THE KNIGHT OF THE WORD كتب:: مبروك إيما على الكرسى

الله يبارك في حضرتك استاذ مصطفى ادعولى بقى

وانا هبدأ الاسئله بحاجات خفيفه كده

عرفينا بنفسك باختصار
مع عدم الافصاح عن الهوية

باختصار شديد انا اسمى ايمان من مدينه من مدن محافظه دمياط

السن : 21 سنه و5 شهور

المؤهل : كليه تجارة جامعه المنصورة 2009

الوظيفه : محاسبه فى شركه فى دمياط الجديده

هواياتى اكيد كلنا لمسناها من خلال المنتدى وهى الكتابه والشعر وكثرة القراءه يعنى حب الاطلاع كفايه عن نفسى وابدا فى الاسئله ماشى ؟؟؟؟؟

يلا نبدا
1
- ماهو اجمل شىء فى حياتك؟

انا عندى حاجات كتير حلوة فى حياتى الحمد لله بس اجملهم اسرتى واصدقائى

2- ماهو طموحك فى الحياه؟

طموحى الوظيفى انى اكون محاسبه قانونيه ان شاء الله يعنى هههههههههه

طموحى المعيشى انى اكون بيت صغير مع زوج يتقى الله واحسن تربيه اولادى

3- حاجة عملتيها وندمتى عليها؟

الحمد لله اتعلمت انى مندمش على اللى فات لان اكيد اللى جاى احسن باذن الله وربنا مش بيجيب حاجه وحشه لحد

4- اصعب مواقف حياتك؟

موقف فى 2 كليه ولحد دلوقتى بعانى منه وبتعب لما بفتكره انى كنت اتظلمت من دكتور ربنا يسامحه شايلنى مادته وكانت الماده الوحيده اللى خارجه ومتاكده من التقدير
واصعب جزئيه فى الموقف انها كانت اول مرة تحصلى فكانت طبعا صدمه شديده

5- اصعب نقد ليكى؟
انى متسرعه فى الحكم على الناس ومش بعرف اتخذ قرار فى حياتى وكان اصعب نقد

لان الصفه دى بشهاده كل من حولى مش فيا اساسا فطبعا اتضايقت انى اتظلمت بحاجه مش فيا

6- اجمل صفة فيكى؟

مقدرش طبعا اقول صفاتى ولا مميزاتى ولا عيوبى لان الناس اللى حواليا مرايتى وهما اللى يحددوا
7-مبدا لايمكن ان تتنازلى عنة ابدا؟
عدم خيانه ثقه اهلى فيا باى شكل من الاشكال

8-بتعملى اية لما تزعلى؟ ولو حد زعلك اية بيبقى رد فعلك؟

بفضل ابقى لوحدى لانى عصبيه وممكن افقد ناس غاليه عليا لو اتعصبت لانى مش برد على اى حد لما بكون مضايقه فبفضل الانعزال

ولو حد زعلنى بقى مش من النوع اللى بجرح فى الناس ومش بعرف ارد بس بسيبه لوقته

9-لو قولتلك عبرى عن نفسك ببعض الكلمات التى تدل على شخصيتك هتقولى اية؟

مش هعرف اقول حاجه لانى لايمكن اعرف اصف نفسى

10- حطى عنوان لحياتك؟

قريبا تتحقق الاحلام

11-ــ ماذا تعني هذي الكلمات لإيما

الصداقه

حياتى من غير صداقه فهى صحراء لا زرع فيها ولا ماء

كفايه ان الصداقه سبب وجودى فى وسط اخواتى فى المنتدى

الابتسامه

الابتسامه بالنسبه لى زى الشمس والهوا والميه بالنسبه للنبات

بكاء طفل

اكتر شىء يوجعنى ويجرحنى وتنزل عشانه دموعى

بكاء رجل

يتهز كيان ايمان لو شافت رجل يبكى

الحب

مجرد كلمه اسمعها تتردد على جميع الالسنه ولسانى ينتظر دوره ليرددها

الحقد

شىء فظيع ولا يمكن اتحمل وجوده فى حياتى

الغيره
مشكله جامده مش بس عند ايمان دى عند الدنيا كلها

المراهقه

لم اتذكر انى مررت بهذه المرحله مثل من فى سنى

الطفوله

اجمل ايام العمر ففيها النقاء والصفاء وكل حاجه جميله

بكاء المراه

غريزة مرتبطه بها سواء كان حقيقى ام دموع تماسيح

الحب من طرف واحد

بالنسبه لقلبى هيقولك يعنى ايه ؟؟؟؟؟؟؟

الحب من طرف ثالث هههههههههه

لو موجود فعلا انا موافقه افكر فى السؤال ههههه

السعاده

طريق النجاح فى كل شىء

القلب الحزين

ساعات معينه كده بيبقى قلبى

الحريه
جميله بس مش فى كل المجالات
جرح المشاعر

اقسى احساس عشته لانه كان من اقرب صديقاتى

زملكاوية ولا أهلاوية

لو الزمالك والاهلى اللى بيلعبوا ببقى اهلاويه غير كده مش بشجع غير منتخب مصر

لو كان عنده ماتشات خارجيه انا اصلا مش كرويه

بس كفاية كدة عشان ماأتعبكيش

تحياتى لكى

ولا تعب ولا اى حاجه استاذ مصطفى بالعكس والله انا استمتعت جدا
اتمنى تكون اجابابتى خفيفه عليكم لانها بجد حقيقيه وتلقائيه

يعنى مفكرتش خالص قبل ما اجاوب

ربنا يخليك استاذ محمد شكرا ده نور حضرتك

mo7amed kawther كتب:: - ماذا تقولي لمن ظلمك ؟؟

اذا دعدتك قدرتك على ظلم الناس فتذكر قدرة الله عليك - شخص تفتقدينه ,, من هو ؟؟

صديقاتى لانهم كلهم بعيد عنى
- من هم افضل خمسة اعضاء من وجهة نظرك؟؟

سؤال صعب لان الحمد لله المنتدى ماشاء الله فيه صفوة مختارة من الناس المحترمه

بس لو السؤال صيغته مين اقرب اعضاء ليا اللى بكلمهم اكتر من غيرهم ومتفاعله معاهم

يبقى استاذ (عامر- محمد هلالى - محمد كوثر- مصطفى - محمد الكاشف

محمود الكاشف - مجدى فوده - شريف عبودة ) اتمنى مكونش نسيت حد لانى هزعل اوى
- كلمة تتمنى سماعها كل يوم ؟؟
شهاده الناس بتميزى فى كل مجالات حياتى ( اتمناها بحرارة )

- شيء حدث بحياتك غير مجرى حياتك ؟؟

نتيجه الثانويه العامه !!!!!!!!!!
- هل ترى ان الحب الاول ناجح ام فاشل ؟؟

لم ارى اصلا الحب الاول بعد ههههههههههه عشان اقدر احدد
- مارأيك بالغيره ؟
الغيرة بالحب دليل عليه ولكنها اكبر قاتل للحب

الغيرة فى الحياه شىء صعب اوى ومشكله بجد
- سر لاول مره تقوليه لينا؟؟
بس يارب ميكونش حد عارفه قبل كده ( الاستاذ عامر هو سبب معرفتى باجمل اخوات فى المنتدى )

- ياورد مين علمك تجرح ,,, لمن توجه هذه العباره ؟؟

لصديقه غاليه عليا جدا ربنا يسامحها ويقرب المسافه بينى وبينها لانى نفسى اعاتبها

متشكرة جدا استاذ محمد على الاسئله الخفيفه دى

وربنا يجعل كلامنا خفيف على باقى اعضاء المنتدى هههههههههههههههههههه وميعملوش بنصيحه استاذ مصطفى

ويرحمونى ههههههه

بسم الله أولا انا بهنيك على كرسى الاعتراف وانتى شخصيه رقيقه وجميله وحساسه وانا سعيد بالمشاركه معنا فى هذا الصرح والله الموفق وسمحيلى سيدتى الفاضله بانا أتقدم أليكى بهذه الاسئله
1/هل لأيما صوره خارجيه أمام الناس وصوره أخرى أمام المرأه؟
2/هل أنتى شخصيه قويه كما نراكى أم إنكِ عكس ذلك؟
3/ما هومعنى الحب من وجهة نظرك؟
4/ماهو أقوى شىء تسعين اليه وتريدين الوصول؟
5/وما معنى الصداقه من وجهة نظرك؟
6/ماريك بكل صراحه بعد القسم والله العظيم هقول الحق فى كل من
عامر صبرى/محمد حموده/حازم الشربينى الملقب فى المنتدى (بالسندباد)
7/ماريك بكل صراحه بعد القسم والله العظيم من هو أثقل الاعضاء على قلبك ومن هوأخفهم؟
8/ماهوالصراع الباطنى داخل فكر أيمان؟
9/ ما هوالشىء الذى تمنيته وتتحقق والعكس؟
10/ ماهوالشىء الذى أبكى إيما كثيرااااااا وكثيراااااااااا؟
11/ ما هو تقيمك ل شريف عبودة
شكراااااااااااااااااااااااااا

موضوع: أحب أشكر الإثنين مارس 29, 2010 7:24 am

أحب أشكر كل أخواني أعضاء على الأسئلة الجميله والقويه دي بس أنت ماخالتوش حاجه أسال بيها لاحت أيما بس أنت قموتو بالواجب فشكرا ليكم أخواني وأجدعني بقا يأنسه أيما على الرد وفقني الله وأياكم للعمل الصالح وسلامي بقدر أحترامي

شكلك خايفة

هههههههههههههههههههه
ده الدنيا والعه وانا معرفش
ربنا يعينك الرجاله قايمين بالواجب

على فكرة انا بلف حوالين التراك

ورجعنالكوا تانى ونقول ألوووووووووووووووو

شوية اسئلة تيك اواى

مجموعك فى الثانويه العامه؟
- الحاله الاجتماعيه ؟
- المهنه ؟
- حكمه او مقوله دائما تردديها؟
- رأيك بمنتدى الناصرية ؟ و هل هناك سلبيات فيه ؟
- اول خمسة اعضاء تعرفتى عليهم؟
- كيف تصفى الدنيا في هذا الزمن ؟
- 3 اعضاء تعجبك مساهماتهم في المنتدى ؟ و لماذا ؟
- ماهي الامنية التي تمنيتى تحقيقها
و لم تتحقق الى الان ؟
- ما هي الأمور التي تصعب عليكى ذكر كلمة ( لا ) عندها ؟
- من هو العضو المميز برايك ؟
- ما هو هدفكى في الحياة ؟
- ماهي مشكلة العصر في نظرك ؟
- ماهو الشيء الذي يطاردك في كل مكان وانتى تهرب منه ؟
- ما هو اسعد واحب الاخبار الى قلبك؟
ايه هو حلمك اللى بتحلم بيها على طول
شايفه نفسك كمان عشر سنين عملتى ايه فى حياتك؟
-- ايه هو لون الحياة بالنسبالك ؟

-يا تري ممكن تغيرى لون الحياة دي ؟

-و عايزه تغيرى لون حياتك هتعملى ايه ؟

-لو فيه حد بيستفذك عشان يطلعك غلطااانه هتعملى ايه لدرجة انه غلط فيك ؟ (بس بجد مش بشكل مثالي )

-مين احب الاعضااء ليكى؟
- يعني مين العضو الي ممكن تتشدى له يعني عشان هو العضو كاتب الموضوع ؟
- ايه الموضوع الي شدك وعجبك في منتدانا ؟
الصديق المفضل فى المنتدى؟
ترتيبك وسط اخواتك الكام؟
لما بتكون مكتئبه بتعملى ايه؟

لما بتكونى مبسوطه بتعملى ايه؟
حاجه بتزرع فيكى الامل
ايه طموحاتك فى الحياه
رساله بتوجهيها لينا هتقوللنا ايه

تحدثى لنا عن طفولتكِ ؟
ماذا قدمت للمنتدى حتى الآن ؟
ما مدى رضى الاعضاء عنكِ ؟
اجمل موضوع قراتيه و تحبى تقرأى و لمين ؟؟
آخر موضوع شدك ونال على إعجابك في المنتدى ؟
لغة تتمنى إن تتعلمها
ماهو سبب اختيارك لهذا الاسم؟
ماهي الاكله المفضله لديكى؟-ماهواليوم المفضل لديكى؟-ماهي الالوان التي تفضليها؟-ماالرقم المفضل لديكي
مالذي يشعرك بأكثر قدر من الحرج ؟
ماهو أفضل مكان تترددى إليه ؟
لما بتبصى في المرايا تبقي عايزه تقولى لنفسك ايه ؟
فيه كلمة واحدة ممكن توجهيها لحد هي ايه الكلمة ولمين ؟
متى تكذبى ؟
اقرب 10 اعضاء لكى ؟؟
/ من هم ( _ (حبوب المنتدى ) (مبدع المنتدى...)
/ لو سافرتى باريس واشتريت ثلاث عطور هديه لثلاثه اعضاء من المنتدى !! لمين تعطيها ؟!
مين اقرب حد ليك فى اخواتك؟
حد مشتاقة اوى دلوقتى انك تتطمن عليه؟
موقف حصل فى حياتك غير حياتك؟
مين من اساتذه الثانويه العامه لسه فاكراه اوى ؟
امنيه نفسك تحققيها؟
اكتر برنامج مفضل عندك؟
ايه اكتر مكان فى منتديات الناصرية بتحبيه بجد؟
الاكله المفضله عندك
المشروب المفضل
هل انتى عنيده؟
مين اقرب حد ليكى باباك ولا مامتك؟
امتى بتحسى باليأس
لما بتكونى حزينه بتعمل ايه؟
نوع موبيلك ايه؟
هل رسبتى مره فى المدرسه
موقف بايخ حصلك فى حياتك الدراسيه فى ابتدائى واعدادى وثانوى اى موقف؟
اكتر المواد بتحبيها هل الادبيه ام العلمي؟
ماده ماكنتيش بتاخدى فيها درس خالص وكنتى شاطر فيها جد؟
عندك كام اخ وكام اخت؟

هل فى اصحاب ليكى مستمرين من ابتدائى لغايه دلوقتى؟

لما بتكونى مبسوط بتعملى ايه؟

علاقتك بالناس ازاى هل انتى انسانه اجتماعيه؟

عضو تقوليلة منك لله/
عضو تقوليله بعزك/
عضو تقوليله بحترمك/
عضو تقوليله انت لذيذ/
عضو تقوليله ارحمنى/
عضو تقوليله دمك خفيف/
عضو تقوليله فينك من زمان/
عضو تقوليله بحبك فى الله/
عضو تقوليله مفتقدك/
عضو تقوليله شكرا/

والله انتى صعبتى عليا كنت محضر شويه اسئله بس لما لقيت الحرب شغاله اجلتهم شويه بس برضه لازم اسئلهم ربنا يوفقك

والله ماقصرت

السلام عليكم انا جيت خلاص معلش اتاخرت

شريف عبودة كتب:: بسم الله أولا انا بهنيك على كرسى الاعتراف وانتى شخصيه رقيقه وجميله وحساسه وانا سعيد بالمشاركه معنا فى هذا الصرح والله الموفق وسمحيلى سيدتى الفاضله بانا أتقدم أليكى بهذه الاسئله

حقيقى كلام جميل اوى فى حقى استاذ شريف بجد احرجتنى كتير متشكرة اوى
وهبدا دلوقتى فى الرد على الاسئله

1/هل لأيما صوره خارجيه أمام الناس وصوره أخرى أمام المرأه؟

انا الحمد لله مفيش عندى اى اختلاف فى شخصيتى قدام الناس او وراهم يعنى الحمد لله بعيش وبتكلم بتلقائيه مع الناس يعنى قدام الناس زى قدام ايمان

بس الاختلاف بييجى امتى بقى لما اكون معرفش الناس اللى قدامى او لسه متعرفه عليهم جديد فبضطر ابقى متحفظه شويه فى كلامى لحد ما ادرس الشخصيه اللى قدامى واعرف طريقه التعامل معاها بس مجرد ما باخد عليها ببقى على طبيعتى علطول
2/هل أنتى شخصيه قويه كما نراكى أم إنكِ عكس ذلك؟

قوية ؟ انا الوسط اللى انا فيه هو اللى حتم عليا ابقى كده يعنى بنت وحيده وسط مجموعه شباب كلهم اكبر منى سنا ومكانه وكمان وسط النت نفسه اللى مكشوف اوى وقدام العالم كله طبعا عملت لنفسى الشخصيه دى عشان معرضش نفسى لكلام يوجعنى يعنى حد يفهم فيا او يقول انى مستهترة فى اخلاقى وطبعا دى حاجه مقبلهاش
طريقتى دى فى التعامل متعمده منى عشان احافظ على اهلى وعلى تربيتهم ليا

بس انا الحمد لله شخصيتى معتدله جدا مش قويه ديكتاتوريه ولا ضعيفه

3/ما هومعنى الحب من وجهة نظرك؟

الحب ..... تضحيه وتمسك بالطرف الاخر بس لو يستاهل التضحيه

4/ماهو أقوى شىء تسعين اليه وتريدين الوصول؟

اولا طبعا اسعى لارضاء الله عز وجل

ثانيا بقى اسعى للنجاح والتميز فى كل مجالات الحياه

5/وما معنى الصداقه من وجهة نظرك؟

الصداقه عندى ضرورة من ضروريات الحياه فهى اساس

6/ماريك بكل صراحه بعد القسم والله العظيم هقول الحق فى كل من
عامر صبرى/محمد حموده/حازم الشربينى الملقب فى المنتدى (بالسندباد)

استاذ عامر: مقدرش اتكلم عنه لانه معرفه شخصيه قديمه والحمد لله طيبه جدا
وفخورة بجد بمعرفتى بشخصيه زى الاستاذ عامر لانها شخصيه مشرفه

استاذ محمد : معرفتى بيه خلال المنتدى فهو اخ ذو شخصيه مميزة جدا
ردود مقنعه متطور وتطوره بخطى ثابته ما شاء الله من الاخر حد فاهم الحياه

استاذ حازم : اعذرنى مقدرش اقول رايى فى شخصيه لسه مكونتش عنها صورة كافيه عشان بس مظلمهوش او اقول حاجه عنه مش فيه ويكون انطباع خاطىء

7/ماريك بكل صراحه بعد القسم والله العظيم من هو أثقل الاعضاء على قلبك ومن هوأخفهم؟

مفيش اعضاء تقيله على قلبى والله خالص واخف عضو بجد حساكم كلكم حاجه لايت اوى بالنسبه لى حد خفيف اوى عندى
8/ماهوالصراع الباطنى داخل فكر أيمان؟

صراع رهيب فى كل جوانب الحياه ودايما بيبقى عندى جوايا فريقين فريق مشجع وفريق ناقد والاتنين فى صراع دائم بجد تعبت منهم اوى قربت انسفهم هههههههههههه

9/ ما هوالشىء الذى تمنيته وتتحقق والعكس؟

شىء تمنيته واتحقق الحمد لله حاجات كتير بس اللى اتمنيته ومتحققش كان نفسى يكون مكان شغلى غير ده متمنيتش مجال تانى بس مكان تانى بس ارجع واقول الحمد لله رب العالمين التميز مش بالمكان التميز بالانسان اللى فى المكان
10/ ماهوالشىء الذى أبكى إيما كثيرااااااا وكثيراااااااااا؟

الشىء الذى يبكينى جدا لما اشوف حد بيتضرب او بيبكى

اما عن الشىء الذى ابكانى كثيرااااااااا فهو الظلــــــــم

11/ ما هو تقيمك ل شريف عبودة

اخ جميل ذو شخصيه عاطفيه شويه وده اللى اضاف للشخصيه طابع مميز جدا عن غيرها من شخصيات المنتدى

شكراااااااااااااااااااااااااا

اتمنى اجاباتى متكونش ممله

حازم الشربيني كتب:: أحب أشكر كل أخواني أعضاء على الأسئلة الجميله والقويه دي بس أنت ماخالتوش حاجه أسال بيها لاحت أيما بس أنت قموتو بالواجب فشكرا ليكم أخواني وأجدعني بقا يأنسه أيما على الرد وفقني الله وأياكم للعمل الصالح وسلامي بقدر أحترامي

متشكرة جدا استاذ حازم فعلا الاعضاء قاموا بالواجب ههههههههههه

ادعيلى بقى

THE KNIGHT OF THE WORD كتب:: شكلك خايفة

خايفه ههههههههه اعتبرنى مرعوبه هههههههه

عامر كتب:: هههههههههههههههههههه
ده الدنيا والعه وانا معرفش
ربنا يعينك الرجاله قايمين بالواجب

على فكرة انا بلف حوالين التراك

كده برضه يا استاذ عامر دى اخرتها تسيبنى كده

هههههههههه ماشى

أحسنت الجواب فاصل ونواصل

انا جيت خلاص معلش اتاخرت عليكم بس فين الناس وفين الاسئله

ورجعنالكوا تانى ونقول ألوووووووووووووووو

شوية اسئلة تيك اواى

مجموعك فى الثانويه العامه؟
- الحاله الاجتماعيه ؟
- المهنه ؟
- حكمه او مقوله دائما تردديها؟
- رأيك بمنتدى الناصرية ؟ و هل هناك سلبيات فيه ؟
- اول خمسة اعضاء تعرفتى عليهم؟
- كيف تصفى الدنيا في هذا الزمن ؟
- 3 اعضاء تعجبك مساهماتهم في المنتدى ؟ و لماذا ؟
- ماهي الامنية التي تمنيتى تحقيقها
و لم تتحقق الى الان ؟
- ما هي الأمور التي تصعب عليكى ذكر كلمة ( لا ) عندها ؟
- من هو العضو المميز برايك ؟
- ما هو هدفكى في الحياة ؟
- ماهي مشكلة العصر في نظرك ؟
- ماهو الشيء الذي يطاردك في كل مكان وانتى تهرب منه ؟
- ما هو اسعد واحب الاخبار الى قلبك؟
ايه هو حلمك اللى بتحلم بيها على طول
شايفه نفسك كمان عشر سنين عملتى ايه فى حياتك؟
-- ايه هو لون الحياة بالنسبالك ؟

-يا تري ممكن تغيرى لون الحياة دي ؟

-و عايزه تغيرى لون حياتك هتعملى ايه ؟

-لو فيه حد بيستفذك عشان يطلعك غلطااانه هتعملى ايه لدرجة انه غلط فيك ؟ (بس بجد مش بشكل مثالي )

-مين احب الاعضااء ليكى؟
- يعني مين العضو الي ممكن تتشدى له يعني عشان هو العضو كاتب الموضوع ؟
- ايه الموضوع الي شدك وعجبك في منتدانا ؟
الصديق المفضل فى المنتدى؟
ترتيبك وسط اخواتك الكام؟
لما بتكون مكتئبه بتعملى ايه؟

لما بتكونى مبسوطه بتعملى ايه؟
حاجه بتزرع فيكى الامل
ايه طموحاتك فى الحياه
رساله بتوجهيها لينا هتقوللنا ايه

تحدثى لنا عن طفولتكِ ؟
ماذا قدمت للمنتدى حتى الآن ؟
ما مدى رضى الاعضاء عنكِ ؟
اجمل موضوع قراتيه و تحبى تقرأى و لمين ؟؟
آخر موضوع شدك ونال على إعجابك في المنتدى ؟
لغة تتمنى إن تتعلمها
ماهو سبب اختيارك لهذا الاسم؟
ماهي الاكله المفضله لديكى؟-ماهواليوم المفضل لديكى؟-ماهي الالوان التي تفضليها؟-ماالرقم المفضل لديكي
مالذي يشعرك بأكثر قدر من الحرج ؟
ماهو أفضل مكان تترددى إليه ؟
لما بتبصى في المرايا تبقي عايزه تقولى لنفسك ايه ؟
فيه كلمة واحدة ممكن توجهيها لحد هي ايه الكلمة ولمين ؟
متى تكذبى ؟
اقرب 10 اعضاء لكى ؟؟
/ من هم ( _ (حبوب المنتدى ) (مبدع المنتدى...)
/ لو سافرتى باريس واشتريت ثلاث عطور هديه لثلاثه اعضاء من المنتدى !! لمين تعطيها ؟!
مين اقرب حد ليك فى اخواتك؟
حد مشتاقة اوى دلوقتى انك تتطمن عليه؟
موقف حصل فى حياتك غير حياتك؟
مين من اساتذه الثانويه العامه لسه فاكراه اوى ؟
امنيه نفسك تحققيها؟
اكتر برنامج مفضل عندك؟
ايه اكتر مكان فى منتديات الناصرية بتحبيه بجد؟
الاكله المفضله عندك
المشروب المفضل
هل انتى عنيده؟
مين اقرب حد ليكى باباك ولا مامتك؟
امتى بتحسى باليأس
لما بتكونى حزينه بتعمل ايه؟
نوع موبيلك ايه؟
هل رسبتى مره فى المدرسه
موقف بايخ حصلك فى حياتك الدراسيه فى ابتدائى واعدادى وثانوى اى موقف؟
اكتر المواد بتحبيها هل الادبيه ام العلمي؟
ماده ماكنتيش بتاخدى فيها درس خالص وكنتى شاطر فيها جد؟
عندك كام اخ وكام اخت؟

هل فى اصحاب ليكى مستمرين من ابتدائى لغايه دلوقتى؟

لما بتكونى مبسوط بتعملى ايه؟

علاقتك بالناس ازاى هل انتى انسانه اجتماعيه؟

عضو تقوليلة منك لله/
عضو تقوليله بعزك/
عضو تقوليله بحترمك/
عضو تقوليله انت لذيذ/
عضو تقوليله ارحمنى/
عضو تقوليله دمك خفيف/
عضو تقوليله فينك من زمان/
عضو تقوليله بحبك فى الله/
عضو تقوليله مفتقدك/
عضو تقوليله شكرا/.

طبعا الشباب قاموا بالواجب وزيادة ، وهذا ان دل علي شي انما يدل علي كل التقدير والاحترام لدورك الكريم معنا في منتدانا الغالي .. واعتقد ان جميع الاعضاء يعلمون قدرك ومدي استفادة المنتدي منك وبك واحب ان احيكي واشكرك بصفتين اولا عن نفسي كعضو في المنتدي ثانيا نيابة عن المنتدي كاحد افراد الادارة .... ندخل بقي في الموضوع فكرت كثيرا وكثيرا كي اجد بعض الاسئلة التي تليق بكي ووجدت صعوبة كبيرة حيث ان الاخوة الاعضاء استولوا علي جميع الاسئلة ولكن ساطرح عليك بعض الاسئلة فتقبليها بصدر رحب >>>>>>

1- كما تفضلتي وذكرتي سابقا انك خريجة كلية التجارة 2009 وهذا يعني انك حديثة التخرج وذكرتي ايضا انك تعملين كمحاسبة في احدي الشركات ، سوالي .. هل وجدتي صعوبة في الحصول هلي هذه الوظيفة ؟ وماذا تقولي للشباب الذين يرددون دائما انه لاتوجد فرص عمل وما إلي ذلك ؟
2- هل انت راضية عن وظيفتك الحالية ؟ وهل انت فعلا مؤهلة لهذه الوظيفة ؟
3- بصفتك خريجة كلية التجارة جامعة المنصورة ... كيف كان شعورك عند دخولك لمدرج المهدي لاول مرة ؟
4- بصفتك شاعرة المنتدي ومشرفة منتدي الشعر والأدب . هل فكرت يوما في ان تكتبي شعرا في احد اعضاء المنتدي ؟وان كان فمن هو هذا العضو ؟ وماهي الخواطر التي جالت بخاطرك للوهلة الاولي ؟
5- الحزن والفرح متناقضان - بعيدا عن حياتك الشخصية – اسالك عن لحظات الحزن والفرح معنا في المنتدي ،
- لحظة حزن شديدة متي جدثت لكي في المنتدي ؟ وماهو السبب ؟
- لحظة فرح لاتوصف متي جدثت لكي في المنتدي ؟ وماهو السبب ؟
6- وجدت خاتم سليمان او المصباح السحري ... وظهر لكي الخادم وسالك عن طلبات ثلاث ليحققها لكي ، فما هي هذه الطلبات الثلاث ؟
7- في عملك وضعتي في موقف ما ، ولا خروج من هذا الموقف الا باحد الحلين التاليين فايهما تختاري بكل صراحة وبدون تفكير او تردد ؟
- الكذب والخروج من الموقف
- الحقيقة والعقاب
8- قامت إدارة المنتدي بعمل رحلة بحرية وكنت انت قبطان السفينة وجميع الأعضاء علي متنها وفجأة وفي عرض البحر هبت رياح عاصفة والامل الوحيد في النجاة هو ان تبقي انت وواحد من الاعضاء فقط علي متن السفينة – والاختيار لكي - .. فمن هو هذا العضو ؟ ولماذا ؟ ( لابد من ذكر اسم عضو صريحا مع توضيح الأسباب) .
9- هل تمنيتي يوما ان تكوني ولدا ؟ وان كان فمتي وفي أي موقف ؟
10- موقف حدث لكي واستثارك جدا لدرجة انك فقدت اعصابك وتصرفتي تصرفا لا يليق بكي ، ماهو هذا الموقف ؟ ومع من ؟ وكيف كان تصرفك ؟ وكيف صححتي الوضع ؟
11- لو خيرتي في الأشياء الآتية ماذا سيكون اختيارك ؟ ولماذا ؟
- اسمك
- بلدك ومدينتك
- مؤهلك
- وظيفتك
- هوايتك
12- متي تشعرين بالضعف ؟
13- متي احسست بالياس ؟ وكيف تغلبتي علي هذا الاحساس ؟
14- شخص اساء اليك في يوم من الايام وتقولين له ( لن اغفر لك مادمت حياً!!!!!!!) ؟
15- ساضع بين يديك بعض اسماء الاغاني الشهيرة واطلب منك ان تختاري شخصين احدهما من حياتك العامة والاخر من المنتدي لتوجهي هذه الاغنية إليهما ...
- أعز الناس
- أنساك !!!!!
- حيران
- مغرور
- مظلوم
- اعاتبك علي ايه
- بستناك
- الدنيا حلوة
- القلب الطيب
- بلاش العتاب
- زي العسل
- باعترف
- ياغايب
- جبار
- هسيبك للزمن
- ياظالمني
- مخادع
- مصدومة
- قادر وتعملها
- فات المعاد
- تملي معاك
- اوعدك
16- لو سالك عامر (وانا اعلم تماما الصلة الوثيقة بينكم) ان تختاري اسما لمولوده الاول فماذا ستختاري له مع ذكر السبب ذكر او انثي ؟
17- سوال اعتقده ان دم خفيف بما انكي محاسبة - وانا ايضا كذلك – هل فكرتي يوما ان تعدي لحسابات حياتك دفتر يومية وترحليها لدفتر الاستاذ وتعدي ميزان المراجعة ، وقائمة دخل ، و قائمة أرباح وخسائر ، ميزانية عمومية ؟ هههههههههههههههه
18- سوالي الاخير وارجو منك عدم الاجابة عليه الا في نهاية جلوسك علي كرسي الاعتراف
- ما هو اصعب سؤال وجه اليك من الاعضاء ؟
- ما هو اكثر سؤال اخذ منك تفكير للرد عليه ؟
- ماهو السؤال الذي ترددتي كثيرا قبل الرد عليه ؟
- من هو العضو الذي كنت ترديه ان يسالك ولم يفعل ؟
- ما هو السؤال التي كنت تنتظريه ولم يسال ؟ وماهي اجابته ؟
- ماهو السوال الذي استهلك كامل طاقتك للاجابة عليه ؟

وفي النهاية لا يسعني الا ان اشكرك علي سعة صدرك وكذلك الاستمرار معنا في المنتدي ومشاركاتك الدائمة والفعالة .... ولك مني كل التقدير والتميز

M.ELKASHEF

يا جماعه انا جاوبت على الاسئله وبعتها وفجاه ملقيتهاش

مش عارفه ليه اكيد خطا منى اسفه جدا وربنا انا والله مش مقصرة

بس هجاوب عليها تانى بكرة ان شاء اللهاوعدكم بكده ومستنيه اسئله باقى الاعضاء

محدش يزعل منى عارفه مقصرة اليومين دول بس والله ظروف الشغل ملخبطه اوى

من ساعتها وانا مضايقه اوى اكتر من 3ساعات فيهم ولا حاجه اتبعتت

بس اكيد بكرة ان شاء الله هرد تانى

THE KNIGHT OF THE WORD كتب:: ورجعنالكوا تانى ونقول ألوووووووووووووووو

شوية اسئلة تيك اواى

مجموعك فى الثانويه العامه؟

85% ادبى 0 كنت علمى واتادبت هههههههههه

- الحاله الاجتماعيه ؟

انسه يعنى مش مرتبطه

- المهنه ؟

محاسبه فى شركه فى دمياط الجديده

- حكمه او مقوله دائما تردديها؟

الطيور على اشكالها تقع
ضاقت ولما استحكمت حلقاتها فرجت وكنت اظنها لن تفرج
الانطباعات الاولى تدوم
اجرى ياابن ادم جرى الوحوش وان كبر ابنك خاويه ههههههههههه

- رأيك بمنتدى الناصرية ؟ و هل هناك سلبيات فيه ؟

ماشاء الله وصل لمرحله كويسه بعد فترة قريبه من انشاؤه
السلبيات كلنا عارفينها : عدم تفاعل الاعضاء - الاعضاء اللى بتسجل وتجرى هههههه

- اول خمسة اعضاء تعرفتى عليهم؟

بخلاف استاذ عامر طبعا يبقى استاذ محمد حموده- استاذ شريف عبودة- استاذ محمد كوثر-
حضرتك- استاذ محمد الكاشف

- كيف تصفى الدنيا في هذا الزمن ؟

غرييييييييييييييييبه جداااااااااااااا

- 3 اعضاء تعجبك مساهماتهم في المنتدى ؟ و لماذا ؟

استاذ محمد هلالى واستاذ محمد الكاشف بحس انهم حد فاهم الحياه صح

- ماهي الامنية التي تمنيتى تحقيقها
و لم تتحقق الى الان ؟

امنيتى انى اكون محاسبه قانونيه او محاسبه ضرائب ولسه شويه عشان تتحقق

- ما هي الأمور التي تصعب عليكى ذكر كلمة ( لا ) عندها ؟

لما حد يطلب منى حاجه او خدمه مبعرفش اقول لا حتى لو هتعب عشان اعملها

- من هو العضو المميز برايك ؟

العضو ذو الاراء السديده والنقاشات الفعاله التى تؤدى الى نتائج مجديه (العضو لفعال )

- ما هو هدفكى في الحياة ؟

انى اكون وظيفيا ناجحه وكمان اكون ام صالحه لابنائها

- ماهي مشكلة العصر في نظرك ؟

البطاله والغلاء فهى مشكله كبيرة جدا بالنسبه للشباب

- ماهو الشيء الذي يطاردك في كل مكان وانتى تهرب منه ؟

التفكيـــــــــــــــــــــــــــــــــــــــر مبقدرش اهرب منه

- ما هو اسعد واحب الاخبار الى قلبك؟

اخبار فى مجالات متعدده منها ما يخص دولتى الاسلاميه ومنها ما يخص ابناء بلدى ومنها الاسرى ومنها الشخصى

ايه هو حلمك اللى بتحلم بيها على طول

انى اكون ناجحه فى كل مجالات الحياه وابقى مشهورة بكده ويمبرمبى المثل هههههههههه

شايفه نفسك كمان عشر سنين عملتى ايه فى حياتك؟

الله اعلم بالغيب طبعا بس اتمنى اكون حققت معظم احلام حياتى

-- ايه هو لون الحياة بالنسبالك ؟

لون وردى فاتح يعنى الحمد لله سعيد ابقى بكدب لو قولت انه جميل دايما بس الحمد لله اجمله اكتر من التانى

-يا تري ممكن تغيرى لون الحياة دي ؟

برضايا او غصب عنى لازم هيتغير ممكن يتغير للاحسن او للاسوا مفيش حاجه بتفضل ثابته

-و عايزه تغيرى لون حياتك هتعملى ايه ؟

هدور على السعاده والتفاؤل

-لو فيه حد بيستفذك عشان يطلعك غلطااانه هتعملى ايه لدرجة انه غلط فيك ؟ (بس بجد مش بشكل مثالي )

الموضوع ده بقى مفيهوش مثاليه دى وصلت للاهانه وانا يتعمل فيا اى حاجه الا ( الظلم - الاهانه - الكدب عليا ) ببقى واحده تااااااانيه
ساعتها بقى هاخد حقى صح بس بالذوق والادب والرقى والتحضر هتعصب بس مش بقله ادب لسانى مش هيغلط لانى باخد حقى ولو غلطت حقى هيسقط والغلط هيتوجه لى انا
انا الحمد لله بعرف اخد حقى بس بالادب والتربيه وده اللى اهلى ربونى عليه

-مين احب الاعضااء ليكى؟

بحكم المعرفه يبقى طبعا استاذ عامر
بحكم بقى اشتراكى فى المنتدى يبقى استاذ محمد هلالى الحمد لله يعتبر اخ كبير اتعلمت منه كتير وعلطول بينصحنى بالمفيد

- يعني مين العضو الي ممكن تتشدى له يعني عشان هو العضو كاتب الموضوع ؟

بالنسبه لكاتب الموضوع بقى انا اللى بيشدنى العنوان ويا حبذا لو كان موضوع بتاع استاذ محمد هلالى او استاذ شريف عبودة او حضرتك او استاذ مجدى او استاذ محمد الكاشف او استاذ عامر طبعا

- ايه الموضوع الي شدك وعجبك في منتدانا ؟

مواضيع كتييييييييييييييير عجبتنى ممكن اكون مش بسجل ردود على كل المواضيع بس باخد فكرة عنهم كلهم

الصديق المفضل فى المنتدى؟

افضل كلمه اخ عن كلمه صديق اما بقى المفضل عندى لو عامه يبقى استاذ عامر
لو معرفه منتدى يبقى استاذ محمد هلالى واستاذ محمد كوثر واستاذ شريف عبودة

ترتيبك وسط اخواتك الكام؟

رقم 2

لما بتكون مكتئبه بتعملى ايه؟

مش بكلم حد خاااااااااااالص وببكى عشان ارتاح
ولو عمل معين يبقى بقعد لوحدى فى البلكونه ومعايا الورقه والقلم وبكتب

لما بتكونى مبسوطه بتعملى ايه؟

مش بعمل حاجه معينه بس بيبان عليا اوى فى كل حاجه فى كلامى فى تصرفاتى ببقى خفيفه فى الحركه بحس انى طايرة وبعمل اى حاجه حلوة

حاجه بتزرع فيكى الامل

الكلام التحفيزى والتشجيعى لما بعمل حاجه وتعجب اللى حواليا

ايه طموحاتك فى الحياه

انى انجح واتميز فى حياتى العمليه والخاصه

رساله بتوجهيها لينا هتقوللنا ايه

اتمنى متفهموش فيا حاجه غلط انى بنت وحيده وسط مجموعه شباب وكده
والله انا لو مش واثقه ان الوسط اللى انا فيه وسط نضيف ومحترم انا مش هستمر فيه
بس الحمد لله ربنا كرمنى باخوات محترمه وبعدين انا ليا ظهر فى المنتدى ههههههههههه

تحدثى لنا عن طفولتكِ ؟

اجمل سنين العمر اتمتعت بكل حاجه عشتها صح يعنى
دلع وشقاوة ولعب وتميز وحب الناس واصدقاء حلوة
الحمد لله كانت بجد ايام وعدت ونفسى ترجع بس ازاى ههههههههه

ماذا قدمت للمنتدى حتى الآن ؟

حاسه انى مقدمتش قد ما اكتسب الحمد لله كسبت كتير اوى

ما مدى رضى الاعضاء عنكِ ؟

النقطه دى تسال فيها الاعضاء بس الحمد لله حاسه باحترامهم ليا وانى مقبوله فى وسطهم

اجمل موضوع قراتيه و تحبى تقرأى و لمين ؟؟

مواضيع كتير اوى جميله اذكر منها فقط اقرا بصمت للاستاذ شريف انا بحب اقرا كل المواضيع مش معنى انى ذكرت احدهم يبقى افضلهم على الاطلاق ومفيش غيره انا بس مش متذكرة دلوقتى

آخر موضوع شدك ونال على إعجابك في المنتدى ؟

مش متذكرة بالتحديد لان كذا موضوع الحقيقه

لغة تتمنى إن تتعلمها

الايطاليه والروسيه لانهم ليهم علاقه جامده بشغلى

ماهو سبب اختيارك لهذا الاسم؟

ملقيتش غيره قبل فى التسجيل هههههههه

ماهي الاكله المفضله لديكى؟-ماهواليوم المفضل لديكى؟-ماهي الالوان التي تفضليها؟-ماالرقم المفضل لديكي

مفيش اكله معينه بس عامه مبحبش الاكلات الدسمه
يوم الاربعاء
الاسود - البمبى - الموف - الابيض
عاشقه رقم 4

مالذي يشعرك بأكثر قدر من الحرج ؟

لما حد يتقدم بالثناء عليا او المدح فى وجودى
او لما اطلب حاجه من حد وانا مش من طبعى انى بطلب اصلا ويصدمنى ويقولى لا
او يرفضها بشكل محرج بتحرج اوى

ماهو أفضل مكان تترددى إليه ؟

من طبعى انى بيتوتيه شويه مش بلاقى نفسى فى الخروج بس لما اخرج احب اروح مكان هادى فيه لون اخضر او لون ازرق - بحر كده ساعه الغروب يا سلااااااااااااام-

لما بتبصى في المرايا تبقي عايزه تقولى لنفسك ايه ؟

الطبيعه احلى

فيه كلمة واحدة ممكن توجهيها لحد هي ايه الكلمة ولمين ؟

وحشتووووووووونى بقولها لاصحابى لانى من زمان مشوفتهومش

متى تكذبى ؟

لما اكون بصلح العلاقه بين طرفين متخانقين وببقى بكدب على عينى والله بس لو قولت الصدق ساعتها هبوظ الدنيا ههههههههههه

اقرب 10 اعضاء لكى ؟؟

استاذ عامر طبعا- استاذ محمد هلالى - استاذ محمد كوثر - استاذ محمد الكاشف - استاذ شريف عبودة- حضرتك - استاذ مجدى فودة - استاذ محمود الكاشف
مظنش عندى اعضاء قريبه اكتر من كده واتمنى اكون انا كمان قريبه ليهم

/ من هم ( _ (حبوب المنتدى ) (مبدع المنتدى...)

حبوب المنتدى : استاذ محمود الكاشف
المبدع : اكيــــــــــــــــــد استاذ محمد هلالى

/ لو سافرتى باريس واشتريت ثلاث عطور هديه لثلاثه اعضاء من المنتدى !! لمين تعطيها ؟!

بابا مش هيوافق اسافر لوحدى اصلا ههههههههههههه

مين اقرب حد ليك فى اخواتك؟

الحمد لله كلنا قريبين جدا من بعض بس اقربهم اختى طبعا

حد مشتاقة اوى دلوقتى انك تتطمن عليه؟

صحابى

موقف حصل فى حياتك غير حياتك؟

موقف كده حصل مع واحده صاحبتى غاليه عندى اوى

مين من اساتذه الثانويه العامه لسه فاكراه اوى ؟

مستر الانجليزى ومستر التاريخ لاااااااااااااا يمكن انساهم ابدا

امنيه نفسك تحققيها؟

اكون محاسبه قانونيه او محاسبه ضرائب

اكتر برنامج مفضل عندك؟

صبايا وواحد من الناس وشيزوفرينيا ممكن شويه 90 دقيقه والحياه اليوم
اما بقى البرامج الترفيهيه بحب ارض الخوف جداااااااا وجيل التحدى وواحد ضد ميه

ايه اكتر مكان فى منتديات الناصرية بتحبيه بجد؟

النقاشات والاسلاميات عارفه انى مش بشارك فى الاسلاميات بس بصراحه شايفه انه قسم يتحس بس مش مجرد كلمه شكرا وخلاص دول اكتر حاجه مفضله بس رغم انى بشارك فى التانيين اكتر

الاكله المفضله عندك

مفيش حاجه بالظبط

المشروب المفضل

العصائر الطبيعيه اللى من غير سكر

هل انتى عنيده؟

عنيده جداااااااااااااااااااااااااااااااااااااااااااااااا بشهاده الناس كلها هههههه

مين اقرب حد ليكى باباك ولا مامتك؟

بحكى مع الاتنين لان الاتنين صحابى بس ماما اقرب طبعا

امتى بتحسى باليأس

لما تحصل حاجه عكس ماكنت متخيلاها

لما بتكونى حزينه بتعمل ايه؟

اقرب حاجه ليا دموعى بس لازم بحكى لانى ممكن اموت لو سكتت

نوع موبيلك ايه؟

عاااااااادى جدا التليفون بالنسبه لى مش وجاهه اجتماعيه الغرض منه الاتصال منكرش انى مخططه انى اغير بس معتبراه من الكماليات مش من الاساسيات وكل ماجى اغير بتحصل حاجه اهم فبفضلها طبعا لكن ان شاء الله هيتغير ههههههههههههه

هل رسبتى مره فى المدرسه

لالالالالالالالالالالا ابدا الحمد لله عمرى متفوقه بس مفيش غير الموقف اللى كنت حكيته قبل كده بتاع الدكتور اللى ربنا يسامحه ده مش هقدر احكيه تانى لانى بتعب منه اوى

موقف بايخ حصلك فى حياتك الدراسيه فى ابتدائى واعدادى وثانوى اى موقف؟

موقف عمرى ما انساه ابدا كنت فى اولى ثانوى وكان فيه مدرس مضطهدنى اوى ايام العقول الصغيرة عشان مباخدش عنده درس والكلام التافه ده المهم وقفنى فى الفصل وسالنى جاوبت صح والله بس قالى غلط وقام شتمنى رديت عليه طبعا بس مش بقله ادب
وعاملته معامله بقى هو ندم اصلا انه عمل معايا كده واعتذرلى بس انا عندت وصممت انه يعتذرلى قدام المدرسه كلها ماهو جاى يعتذرلى بينى وبينه احرجنى واعتذرلى قدام المدرسه كلها فعلا وفى الطابور كمان ههههههههه
بس البايخ فى الموقف انى صممت ومكانش يصح منى كده بس هو اللى غلط فيا وانا لما بتهان ببقى واحده تانيه

اكتر المواد بتحبيها هل الادبيه ام العلمي؟

اكيد العلمى بموت فى الاحياء بس غدرت بيا اضطريت احول ادبى هههههههههه

ماده ماكنتيش بتاخدى فيها درس خالص وكنتى شاطر فيها جد؟

اللغه العربيه والفلسفه وقفلت فيها كمان فى الثانويه

عندك كام اخ وكام اخت؟

عندى اخت اكبر منى واخين اصغر

هل فى اصحاب ليكى مستمرين من ابتدائى لغايه دلوقتى؟

ايوة الحمد لله موجودين بس العلاقه قلت شويه بسبب بعدنا فى المرحله الجامعيه

لما بتكونى مبسوط بتعملى ايه؟

بتكلم كتير وبضحك وببقى خفيفه اوى فى الحركه

علاقتك بالناس ازاى هل انتى انسانه اجتماعيه؟

الحمد لله اجتماعيه جدا وده بشهاده كل الناس لحد النهارده والله هههههههه
والحمد لله الناس بتحبنى

عضو تقوليلة منك لله/ولا حد لان مفيش حد ظلمنى
عضو تقوليله بعزك/كل اعضاء المنتدى
عضو تقوليله بحترمك/استاذ محمد هلالى واستاذ محمد الكاشف
عضو تقوليله انت لذيذ/استاذ شريف عبودة واستاذ محمد كوثر واستاذ محمود الكاشف
عضو تقوليله ارحمنى/ولا حد كلكم لايت بالنسبه لى
عضو تقوليله دمك خفيف/استاذ عامر طبعا
عضو تقوليله فينك من زمان/دكتور محمد رجب
عضو تقوليله بحبك فى الله/كل اعضاء المنتدى
عضو تقوليله مفتقدك/الاعضاء اللى بتسجل وتجرى هههههههههههه
عضو تقوليله شكرا/حضرتك طبعا وكل الاعضاء اللى بتحترمنى

استاذة ايما اشكرك كثيرا علي الكلام الجميل الذي ذكرتيه في حقي والذي لا استحقه وان كان هذا لن يمنعني من المطالبة بالاجابة علي اسئلتي (يعني مبقبلش رشوة ههههههههههههههههههههههههههههههههه)

M.ELKASHEF

ههههههههههههههههههههههههههههههه

ماشى يا استاذ محمد انا والله شايفاهم وعارفه ان حضرتك شاركت مشاركه جميله بس لما لقيت فيه سؤال اجاوبه وانا بقوم من على الكرسى
حبيت تكون الفقرة كلها مسك الختام
وهجاوب دلوقتى عليهم حاضر
بس يعنى افهم من كده ان كلامى معملش مع حضرتك اى حاجه خالص هههههههههههههههههههه ماشى

mo7amed elkashef كتب:: طبعا الشباب قاموا بالواجب وزيادة ، وهذا ان دل علي شي انما يدل علي كل التقدير والاحترام لدورك الكريم معنا في منتدانا الغالي .. واعتقد ان جميع الاعضاء يعلمون قدرك ومدي استفادة المنتدي منك وبك واحب ان احيكي واشكرك بصفتين اولا عن نفسي كعضو في المنتدي ثانيا نيابة عن المنتدي كاحد افراد الادارة .... ندخل بقي في الموضوع فكرت كثيرا وكثيرا كي اجد بعض الاسئلة التي تليق بكي ووجدت صعوبة كبيرة حيث ان الاخوة الاعضاء استولوا علي جميع الاسئلة ولكن ساطرح عليك بعض الاسئلة فتقبليها بصدر رحب >>>>>>

مش لاقيه كلام اقوله ارد بيه على كلام حضرتك الجميل ده متشكرة جدا لحضرتك ولكل اعضاء المنتدى اللى يكفيهم شرف وجودك معنا
اكيد طبعا متقبله اى حاجه بصدر رحب

1- كما تفضلتي وذكرتي سابقا انك خريجة كلية التجارة 2009 وهذا يعني انك حديثة التخرج وذكرتي ايضا انك تعملين كمحاسبة في احدي الشركات ، سوالي .. هل وجدتي صعوبة في الحصول هلي هذه الوظيفة ؟ وماذا تقولي للشباب الذين يرددون دائما انه لاتوجد فرص عمل وما إلي ذلك ؟

بص حضرتك الحقيقه الوظيفه جايالى وانا لسه فى 3 كليه اختى بتشتغل فى الشركه بقالها فترة حوالى سنتين ونص والمدير كان عارف انها عندها اخت فى تجارة وكده فهو اللى طلب منها وكان متابع اخبارى عشان انضم لفريق العمل معاهم خاصه انه كان شافنى وعارفنى

اما بقى الشباب اللى بتقول مفيش شغل لا فيه والدليل على كده الناس اللى بتتعين عندنا لما بندرس ورقهم المتقدم واصحابى واصحاب اختى اللى اشتغلوا فى اماكن كويسه

بس الشباب دلوقتى بقت عايزاها جاهزة من غير تعب وسعى

2- هل انت راضية عن وظيفتك الحالية ؟ وهل انت فعلا مؤهلة لهذه الوظيفة ؟

رضيت عنها مؤخرا الحمد لله كنت الاول مش عاجبنى الطريقه اللى هشتغل بيها عشان متتحسبش واسطه مع ان المعامله هناك معايا فوق الوصف الحقيقه
مقتنعتش بقى الا لما مريت بظروف صحيه صعبه واضطريت اخد طويله فاتاكدت ان الناس دول ميتعوضوش بصراحه

بشهاده الناس انى الحمد مؤهله لله للشغل ده

3- بصفتك خريجة كلية التجارة جامعة المنصورة ... كيف كان شعورك عند دخولك لمدرج المهدي لاول مرة ؟

شعور غريب قبل يومها مجربتوش ههههههههههههههه
شويه احاسيس مختلطه خايفه مكونش قد المكان
مبسوطه انى فى صرح عظيم زى ده
عايزة اعيط هههههههه مانا حاسه انى فى صحراء
لا بجد احساس جميل وغريب جدا

4- بصفتك شاعرة المنتدي ومشرفة منتدي الشعر والأدب . هل فكرت يوما في ان تكتبي شعرا في احد اعضاء المنتدي ؟وان كان فمن هو هذا العضو ؟ وماهي الخواطر التي جالت بخاطرك للوهلة الاولي ؟

هى الفكرة صادفتنى قبل كده ونفذتها فعلا بس مكانش بمعنى شعر فى شخص معين
كانت مجرد ارتجالات كده لما يكون فيه موضوع عاجبنى اوى بلاقى ايدى بتكتب نص معين كده بياخد شكل الشعر فى الشخص ده حصلت مع استاذ عامر واستاذ شريف عبودة ودكتور محمد ساعتها ببقى محروجه اوى بس ارجع واقول اخواتى والصفه غالبه عليا واكيد هيفهمونى صح

5- الحزن والفرح متناقضان - بعيدا عن حياتك الشخصية – اسالك عن لحظات الحزن والفرح معنا في المنتدي ،

الحزن والفرح فى المنتدى اكيد الفرح اكتر وبيحصل لما الاقى الناس كلها محترمانى وبتقدرنى جدا فى المنتدى الحمد لله
الحزن بقى بيحصل لما اكتب موضوع ومقدرش اوصل الفكرة للناس والاقى ردود صعبه اوى ببقى عايزة ساعتها اشوف كل الناس قدامى وافهمهم قصدى - لحظة حزن شديدة متي جدثت لكي في المنتدي ؟ وماهو السبب ؟

لما كتبت موضوع رساله لكل اعضاء المنتدى وكان هدفى فيه نبيل جدا والله قصدى اننا بلاش من حكايه تقبل مرورى واسف للاطاله والكلام ده اكيد احنا كلنا متقبلين بعض
لقيت الردود عليا!!!!!!!! انا مزعلتش بس حسيت انى اتصدمت
اتفهمت بشكل تانى واتفسرت انها اداب حوار وكلام كبير
بس الحمد لله الموقف عدى عادى جدا وكان شيئا لم يكن والحمد لله قدرت اوصل الفكرة دى للاعضاء فيما بعد بشكل غير مباشر وتفهموه جدا الحمد لله

- لحظة فرح لاتوصف متي جدثت لكي في المنتدي ؟ وماهو السبب ؟

لما اتبعتلى ال10 جنيه هههههههههههههههههههههههههههههههههههه
اكيد بهرج طبعا
الحمد لله بتحصلى كتير مع كل رد فيه احترام وتقدير من الاعضاء ببقى فى لحظه فرح لا توصف
6- وجدت خاتم سليمان او المصباح السحري ... وظهر لكي الخادم وسالك عن طلبات ثلاث ليحققها لكي ، فما هي هذه الطلبات الثلاث ؟

(1) ابقى محاسبه قانونيه او محاسبه ضرائب هو وضميره بقى ههههههههه
(2)اشوف صحابى لانهم وحشونى اوى وافضل معاهم علطول
(3)طلب عام مش شخصى انى اشوف الدنيا كلها بخير ومبقاش فيها مشاكل انا عارفه انه ساعتها هيختار انه يخلينى محاسبه قانونيه ومحاسبه ضرائب مع بعض هههههههههههههه
لانه هيقول عليا مجنونه معقوله تبقى حياه خاليه من المشاكل ؟؟؟؟؟؟؟؟؟؟

7- في عملك وضعتي في موقف ما ، ولا خروج من هذا الموقف الا باحد الحلين التاليين فايهما تختاري بكل صراحة وبدون تفكير او تردد ؟
- الكذب والخروج من الموقف
- الحقيقة والعقاب

بدون ادنى تفكير او مثاليه هختار الحقيقه والعقاب لانه مهما كان العقاب عمره ما هيبقى زى عقاب ربى
وبعدين كمان لما صاحب العمل يتاكد انى بقول الحقيقه هيخفف عليا العقاب هههههههه
لانه لو بعد كده عرف انى كنت بكدب هيبقى شكلى وحش اوى واحتمال يرجع وأد البنات تانى ههههههههههههههههه

8- قامت إدارة المنتدي بعمل رحلة بحرية وكنت انت قبطان السفينة وجميع الأعضاء علي متنها وفجأة وفي عرض البحر هبت رياح عاصفة والامل الوحيد في النجاة هو ان تبقي انت وواحد من الاعضاء فقط علي متن السفينة – والاختيار لكي - .. فمن هو هذا العضو ؟ ولماذا ؟ ( لابد من ذكر اسم عضو صريحا مع توضيح الأسباب) .

لا قدر الله والتانيين هيروحوا فين ؟؟؟؟؟؟؟
سؤال صعب اوى لانى اساسا عمرى ما هطلع رحله مع اعضاء المنتدى وانا بنت وحيده كده هههههههههههههههههههههههههه
بس لو السؤال لازم اختار عضو فاكيد كلكم عرفتوه ( ظهرى فى المنتدى ) هههههههههههه
استاذ عامر طبعا وده طبعا بحكم المعرفه وبحكم ان اهلى عارفينه كمان
9- هل تمنيتي يوما ان تكوني ولدا ؟ وان كان فمتي وفي أي موقف ؟

الحقيقه لا عمرها ما مرت بخيالى الامنيه دى ربنا عايزنى بنت سبحان الله

10- موقف حدث لكي واستثارك جدا لدرجة انك فقدت اعصابك وتصرفتي تصرفا لا يليق بكي ، ماهو هذا الموقف ؟ ومع من ؟ وكيف كان تصرفك ؟ وكيف صححتي الوضع

مفيش مواقف فقدت فيها اعصابى بشكل لا يليق بيا

11- لو خيرتي في الأشياء الآتية ماذا سيكون اختيارك ؟ ولماذا ؟
- اسمك
- بلدك ومدينتك
- مؤهلك
- وظيفتك
- هوايتك

الحقيقه الاختيار صعب بس لو فكرنا وحكمنا عقلنا يبقى هختار اسمى
لو اختارت هواياتى مش هقدر اعيش من غير باقى الحاجات خاصه اسمى
لو اخترت وظيفتى هسكن فين فى دفتر يوميه مثلا ههههههههههههه ويبقى اسمى الميزانيه
لو اخترت مؤهلى المساله صعبه اوى
لو اخترت بلدى طيب هعيش فيها باسم ايه او هويه ايه
لا اختار اسمى لان بيه هقدر اعمل اى حاجه هقدر اعيش فى بلد وتعرفنى وهقدر اتعلم من جديد باسمى وبعدها اشتغل وهقدر كمان امارس هواياتى اللى هكون كونتها لنفسى من جديد

12- متي تشعرين بالضعف ؟

لما يحصلى موقف ومقدرش ارد او اتصرف بحس انى ضعيفه اوى

13- متي احسست بالياس ؟ وكيف تغلبتي علي هذا الاحساس ؟

لما شلت الماده اللى حكيت عليها دى حسيت ان دى نهايه العالم وخلاص بقى
بس الحمد لله اتغلبت عليها انى لجات لربنا وهو اللى الهمنى ورزقنى بالنسيان المؤقت
والحمد لله قدرت اتغلب عليها بكفاءه الحمد لله

14- شخص اساء اليك في يوم من الايام وتقولين له ( لن اغفر لك مادمت حياً!!!!!!!) ؟

دكتور جمال واصف مدرس الماده اللى شلتها

15- ساضع بين يديك بعض اسماء الاغاني الشهيرة واطلب منك ان تختاري شخصين احدهما من حياتك العامة والاخر من المنتدي لتوجهي هذه الاغنية إليهما ...
- أعز الناس : اهلى طبعا واصدقائى - كل اعضاء المنتدى
- أنساك !!!!!: اى حد معرفش يكسب ايمان - ولا حد فى المنتدى
- حيران : لنفسى - للاستاذ حازم
- مغرور : واحده اعرفها بس صعبه شويه - ولا حد فى المنتدى
- مظلوم :مفيش حد
- اعاتبك علي ايه : واحده صاحبتى - مفيش حد فى المنتدى
- بستناك : صحباتى اصلهم جايين دمياط فى شهر 6 وهيجولى البيت - مينفعش خالص حد من المنتدى ههههههههههه
- الدنيا حلوة : بقولها لاختى - لكل اعضاء المنتدى
- القلب الطيب: ماما واختى - استاذ شريف عبودة
- بلاش العتاب : صاحبتى - ولا حد فى المنتدى
- زي العسل : ابن عمى عسل عسل عسل - استاذ محمود الكاشف
- باعترف : لسه مفيش حد اعترف له ههههههههه - مينفعش اقولها لحد فى المنتدى
- ياغايب : اقاربى اللى بره دمياط - كل الاعضاء اللى غايبه بقالها فترة
- جبار : بنت زميلتى فى الشركه هههه - ولا حد فى المنتدى
- هسيبك للزمن : اى حد يظلمنى او يجرحنى او يكدب عليا على الصعيد الشخصى والمنتدى
- ياظالمني : دكتور جمال واصف ههههههههههه - الاعضاء اللى قعدونى على كرسى الاعتراف هههههههههههههههههههههههههههه
- مخادع : ولا حــــــــــــــــــــــــــد
- مصدومة : ولا حـــــــــــــــــــــد
- قادر وتعملها : المدير فى الشركه وفى المنتدى ههههههههههههه
- فات المعاد : اى حد ظلمنى وحاولت افهمه انى مظلومه ومسمعش منى ودلوقتى عايز يرجع
- تملي معاك : لسه مفيش اللى اقوله تملى معاك
- اوعدك : اى حد احسن الظن بيا اوعده انى افضل عند حسن ظنه - كل الاعضاء
16- لو سالك عامر (وانا اعلم تماما الصلة الوثيقة بينكم) ان تختاري اسما لمولوده الاول فماذا ستختاري له مع ذكر السبب ذكر او انثي ؟

احنا اصلا من حوالى سنتين واحنا متفقين انا وصحابى على اسم ايهاب لان الاستاذ عامر بيحب الاسم ده لانه ابن خاله
بس لو غير رايه بقى اختارله عمر او يوسف او عمار لانهم اسماء جميله وفى نفش الوقت هيبقى اسم موسيقى عمر عامر او يوسف عامر حلو اوى

لو بنوته بقى حبيبه او ريفان او لامار اسماء البنات كتير وكلها جميله لما ييجى وقتها بس ان شاء الله ومالوش دعوة بحاجه انا هتصرف هههههههههههههه

17- سوال اعتقده ان دم خفيف بما انكي محاسبة - وانا ايضا كذلك – هل فكرتي يوما ان تعدي لحسابات حياتك دفتر يومية وترحليها لدفتر الاستاذ وتعدي ميزان المراجعة ، وقائمة دخل ، و قائمة أرباح وخسائر ، ميزانية عمومية ؟ هههههههههههههههه

ههههههههههههههههههههه سؤال زى العسل وربنا انا فعلا ماشيه فى الحكايه دى من يوم ما درست محاسبه ههههههههه امال يعنى نتعلم كده وخلاص انا بطبق المحاسبه بحذافيرها

18- سوالي الاخير وارجو منك عدم الاجابة عليه الا في نهاية جلوسك علي كرسي الاعتراف
- ما هو اصعب سؤال وجه اليك من الاعضاء ؟

الحمد لله مفيش

- ما هو اكثر سؤال اخذ منك تفكير للرد عليه ؟

انا مبقيتش افكر قبل ما اجاوب رديت بمنتهى التلقائيه

- ماهو السؤال الذي ترددتي كثيرا قبل الرد عليه ؟

ولا سؤال لان الحمد لله الاسئله كلها متوقعه مش من برة المنهج ههههههههههه

- من هو العضو الذي كنت ترديه ان يسالك ولم يفعل ؟

استاذ محمد هلالى واستاذ مجدى واستاذ عامر مع انه مش محتاج انه يسالنى

- ما هو السؤال التي كنت تنتظريه ولم يسال ؟ وماهي اجابته ؟

عرفتى المنتدى ازاى

- ماهو السوال الذي استهلك كامل طاقتك للاجابة عليه ؟

موقف بايخ حصلى

وفي النهاية لا يسعني الا ان اشكرك علي سعة صدرك وكذلك الاستمرار معنا في المنتدي ومشاركاتك الدائمة والفعالة .... ولك مني كل التقدير والتميز

متشكرة جدا جدا على الاسئله اللذيذه اوى دى والمشاركه المميزة

M.ELKASHEF

اشكرك ايما علي ردودك الدبلوماسية جدااااااااااااااااااااااا وهروبك الذكي من بعض الاسئلة التي اردت ان تجيبيني عليها بعيدا عن دبلوماسيتك (وعلي فكرة كل الاسماء اللى انت اخترتيها لعامر انا علي علم بها كنت اريدك ان تمدينا بالمزيد) عموما لك كل التحية والتقدير

M.ELKASHEF

أنا كان نفسي أسألك شوية أسئلة
بس معدش فيه أسئلة ماتسئلتش
الرجالة قاموا بالواجب ههههههه
ويارب دايما نفضل كلنا مع بعض في المنتدي ده أكتر من اخوات
وشكرااااااااااا .

» حازم الشربينى على كرسى الاعتراف الضيف رقم 006
» المراقب العام محمد الكاشف على كرسى الاعتراف (الضيف الرابع)
» استفتاء الضيف 006 لكرسي الاعتراف
» استطلاع ترشيح الضيف الثانى لكرسى الاعتراف
» استطلاع ترشيح الضيف الثالث لكرسى الاعتراف