ما حال شباب الناصرية

[img][/img]أن الشباب فى الناصريه ينقسمون الى عدة مجموعات 1.مجموعة المثقفون وهى تلك الطبقه التى نرجو من الله ان يجعل النصر والتقدم لهذه البلد على ايدهم 2.مجموعة كل واحد فى حاله وهذه المجموعة تحمل شعار اخدم نفسك بنفسك وهى لا تفيد ولا تؤذى البلد فى شىء 3.المجموعة الاخيرة هى مجموعة المخدرات ولانحراف وهم يحملون الى بلدنا مستقبل اسود اللون ونرجو من الله اما ان يهديهم واما ان ياخذهم. كتابة المحاسب/شريف عبودة

بسم الله الرحمن الرحيم
السلام عليكم ورحمة الله
اولا: اخي شريف بيه هذا الموضوع له منتدى خاص بمثل هذه المواضيع والنقاشات الا وهو منتدى النقاشات العامة.

ثانيا:انا لا ارى من وجهة نظري المتواضعه ان هذه طريقة لعرض موضوع للنقاش
انسان مثقف مثلك لابد ان يكون قدوة لنا نحن بقية الاعضاء في طريقة كتابة وعرض مواضيع للنقاش وايضا في كيفية تنسيق الموضوع.

ثالثا : لابد ان يكون الموضوع جاذبا للنقاش

ولن اتكلم اكثر فانت ادرى الناس بما اقول وانا كلى ثقة بانك ستتدارك الملاحظات في مواضيعك القادمة ومساهماتك التالية
راجيين الله ان يهديك ويهدينا ويصلح حالنا.
والله الموفق...

انت عمرك ماهتقدر على الجماعه الثالثه ياشريف لان لاسف عددهم كبير وازاى اصلا هتقدر تتناقش معاهم فيارب يكون الحل هو الاخير اللى قولته ان رب ياخدهم او يهديهم

[center]والله انا رايي من راي شريف
هو ده فعلا اللي موجود
وبلاش نضحك على بعض بالشعارات الكدابة
ولازم نعمل اننا نغير الواقع ده
والسؤال اللي بيفرض نفسة
ازاي نغير الواقع ؟
ده اللي لازم نحاول نوصل للاجابة عليه
ملحوظة
سوري يا عامر انا موش شايف اي غلط شريف عملة
وحكاية تنسيق الموضوع وطريقة الكتابة ده لما يكون بيقدم رسالة الدكتوراه
احنا هنا بناقش مع كل طوائف الشعب
الدكتور والمحامي والصنايعي وكل الفئات التانية
مش لازم لغة الحوار ترتقي لاكثر من ذلك
عشان كل الناس تقدر تتفاعل مع الموضوع
ده رايي المتواضع
وشكرا

هلا شباب من اراضى المملكة العربية نتحدث لابد فعلا من وضع حد لهذة المهذله وهى المخدرات وانتشارها فى بلدنا الحبيبة فنرجو جميعا من اولياء الامور وامام كل مسجد ان يطرح هذا الموضوع كخطبة يوم الجمعة وتوعية اولياء الامور فى التعامل مع ابناءهم ونصائحهم بعدم الاتجاة الى هذا الطريق والله الموفق وبأمانة شريف كلامه صح ياعامر
ابن الناصرية
فاضل المغاورى

يا جماعة انا ماقولتش لشريف انه بيتكلم غلط بالعكس هو بيتكلم صح وصح جدا كمكان بس هو ماطرحش حاجه جديدة او سال سؤال جاذب للقارئ انه يرد عليه ويبقي فيه نقاش ده الى انا اقصده
ومن ناحية تانية انا اقصد ان شريف يقدر يقدم موضوع مكتوب او منسق بشكل احسن من كده.
لكن انا مش بقول انه بيتكلم غلط وهو اكتر واحد عارف انى مضايق جدا من الطائفة الاخيرة دى ونفسي ربنا ياخدها
والله المستعان

لا تفهمونا غلط

بسم الله الرحمن الرحيم
الموضزع ده جميل جدا بالنسبه لكل الشباب وشكرا لسياده المحاسب الاستاذ شريف عباده علي فتح باب النقاش في هذا الموضوع
و من وجهه نظري

ان في حاجات كتيره تخلي شباب بلدك يبقوا كدا زي
ان بلدك ممله ومفيش فيها نشات تخلي الشباب يفكر فيها ويشغل دماغه (البلد بتقفل بعد صلاه العشاء )
متلاقيش حد علي الطريق ودا اول سبب ال خلا المخدرات واشكاله تنتشر ان مفيش حركه والنشاط ال بيتعمل معروف مصير مثل الدوره الرمضانيه ال كانوا بيهددونا كل شويه ب الغائها بسبب المشاكل + والنادي ال فتحوه ومفيش حد بيروحه الا ناس معدوده وده يدل علي ان النشاط ده فاشل لانه مفيش فيه حاجه تشجع الشباب......الخ الي مالا نهايه
مش عايز الناس تبعد عن بعض وتشرب مخدرات دا لهم حق انهم يعملوا اكتر من كدا
انت عايز في بلدك ناس توجه الشباب

والله ياجماعة انا شايف من وجهة نظرى ان أخطر مايهدد البلد هو ذاك الامر لانه بيقضى على شبابها واتمنى ان يكون التفكير فى كيفية مواجهة هذه الظاهرة، هل بتوجيه الشباب لمخاطر ذلك عن طريق التوعية الشاملة ( بالمساجد - المدارس- المسابقات ..) هل بابلاغ الامن ، هل بجعلهم فئة منبوذة من قبل المجتمع ام ماذا وعلينا جميعا دراسة هذا الموضوع والادلاء بما ترون فمن لم يهتم بأمر المسلمين فليس منهم والسلام ..

والله انا وجهة نظري متشائمة شويه
لان لو قلتله صحتك يقولك : ياعم احنا مابيحوقش فينا حاجه
لو قلتله حرام يقولك : ياعم ان الله غفور رحيم
لو قلتله فلوسك يقولك : ربك الى بيرزق
لو سالته بتستفيد ايه يقولك : اهو الواحد بيطلع القرف الى عايش فيه في نفس السيجارة
لو نبذته وتجنبته : تمام كده هو ده الى هو عايزه

فنا مش عارف بصراحة يبقي ايه الحل
ربنا يحلها من عنده بقي
ومستنى الردود والمناقشة