هل انت مؤيد للدكتور محمد البرادعى رئيس لمصر

هو الدكتور البرادعي مرشح يمسك البلد ولا اية


والله الي يمسكها يمسكها

عاوزين نغير الوشوش ونشوف واحد تانى بقى قبل مالواحد يوموت

مينفعش خااااااااااااااااااااااااااالص فى كتير احسن منه

طبعا ما ينفعش
ياترى هنعيش ونشوف حد تانى هيمسك الرئاسة غيرررررررررر..............................
الحدق يفهم

والله ربن يعطي لأبونا (....................) الصحة

ولو حد تاني هايمسك امني انه يكون أخونا(......................)


أكيد عرفتوا أبونا وخونا...........

مش هاتعرف قيمة امك غير لما تجرب مرات ابوك
داا كلام المؤيدين للرئيس الحالى ونظامه وايضا المنتفعين من وراء الروح الانهزامية اللى احنا فيها
بس الكلام ده مينفعش غير مع امك اللى جابتك من بطنها وتعبت عليك ,مش مصر اللى اتباعت واتنهبت وبقت قاسيه اوى على (ولادها )
ثم ان الناحية الناظرية بتاعت عامر واللى موافق عليها محمد الكاشف اكبر دليل
على انه ينفع لان اللى عايش فى البلد عمل ايه؟
وبعدين الاستاذ محمد كوثر بيقول هو الكتور البرادعى مرشح يمسك البلد ؟
مش هو ده الدكتور البرادعى اللى انت كاتب موضوع عنه وعددت من انجازاته والمناصب التى شغلها والجوائز التى حصل عليها ووسام النيل ...الخ
بعدين انا ماليش غير اب واحد وهو اللى اسمه ورا اسمى واخواتى معروفين
وياريت نسبنا من سياسة اولى الامر دى
لان دول مش ولاة امور ولاة الامور هم العلماء وكل من يتقى الله حق تقاته
واللى هما عايزينه ده هيعملوا طول مااحنا مش فاهمين فين حقوقنا وخايفين من التغيير ؟طب بالله عليكوا لو جه حد تانى والدنيا باظت حتى ايه اللى حيصل اكتر من كده ؟هتقوم الحرب ؟ على الاقل هتحس انك ليك قيمة
انا شايف ان د/ البرادعى ينفع ونص
وبعدين ماتنسوش انه لو مسك الحكم (ان شاء الله )هيبقى ده بعد اصلاح الدستور ودا للناس اللى فاهمه ؟
واصلاح الدستور ده هيغيير حاجات كتير
ومننساش دور الرقابة سواء الرسمية او الشعبية او الصحفية
ويارب نكون فاهمين ده
واسف للاطالة بس دى بردو ووجهة نظر
اقعدوا بالعافية...

انا مشهقول غير كلمه( لسنا من يصنع التغير)

طبعا الاستاذه الافضل قدموا اراء وافكارة جديرة بالاحترام ولكن لى وجهة نظر اخرى الا وهى :-
حتى الان لا يوجد رجل جدير بقيادة السفينه لان باختصار كل من يستحق قد سحق ولم يبق له اثر على الساحة الان ، عمرو موسى لا يستحق القياده بمثال صغير لو تتذكرون منتدى ديفوس وكرامة رئيس الوزراء التركى طيب رجب اردوغان عندما اعترض على الصهيونى وغادر المنتدى بكرامة المسلمين الحكماء لم يحرك عمرو موسى ساكنا وقام سلم علية وجلس وكأننا ليس لنا صلة بالموضوع من الاساس لذلك فرصيده صفر او مائة صفر لدى
ياشباب الجنزورى انتهى منذ ان وضع تحت الاقامة الجبرية وقد وبلغت الشيخوخة منه مبلغها ،
جمال عبد الناصر كان من الشعب واول ما استلم القياده اعتقل اصدقاءه والناس
السادات كان ارحمهم

فالحل الان ياسادة هى ليست الرئيس المشكله هى الشعب ولحل هذه المعضلة يجب علينا بناء جيل جديد ذو مبادئ متحمل للمسؤلية واذا وجد هذا الجيل سوف يفرز من يقود السفينة الى بر الامان .

* تم حذف هذه القطعة من الرد لسوء الاسلوب * تم حذف هذه القطعة من الرد لسوء الاسلوب * تم حذف هذه القطعة من الرد لسوء الاسلوب * تم حذف هذه القطعة من الرد لسوء الاسلوب * تم حذف هذه القطعة من الرد لسوء الاسلوب .
_____________________________________________________
يا جماعة هو كل واحد بيقول الرأي الخاص بيه ودي مش مشكلة بس المشكلة الأكبر إن الحقيقة في الوقت الراهن هي أن ........ سوف تختار من تراه مناسبا ومفيش غير كده وإن كان عاجبنا. يبقى البلد دي عمرها ما هتتغير إلا ولو كان لشعبها رأي فى أمره وفي من يحكمه , وبهذه الصورة فإن الشخص الذي سيتولى منصب ......... سيكون لديه يقين أنه إذا لم يفعل الصالح لأهل هذه البلد سيتم تغييره بقرار من الشعب وإن استمر الحال كما هو فلن يكون هناك فرق ان يتولى فلان أو أخر(لأننا طبعا هندعي ونقول يارب يطلع كويس) ومنبقاش عملنا حاجة راح فرعون جه أخر ولو الاخر هذا طلع كويس يبقى الأخرين مش هيسبوه في مكانه ولا ايه؟؟؟؟؟؟؟؟؟؟؟؟؟؟