معهد الفهاد الازهرى بين القبول والرفض

السلام عليكم ورحمة الله وبركاته

بسم الله الرحمن الرحيم

كتب مصطفى مرسى

أخواني أعضاء منتدى الناصرية

قد اخترت موضوعي اليوم عن التعليم عموما والأزهر خصوصا ، وقد كان يشغل فكرى في فترة من الفترات التعليم الازهرى في الناصرية ، لأني عاصرت الحلم حلم بناء المعهد وأتذكر في البداية أنهم كانوا يعطوا من يلتحق بالمعهد بضعة جنيهات وكان التعليم تماما مجاني وكانت هذه الميزات من اجل جذب الناس إلى التعليم الازهرى ولفت النظر إليه ، وبدأ المعهد يمتلئ بالشيوخ الصغيرة بإقبال كثيف من الناصرية ومن البلدان المحيطة بها أمثال شرباص والبراشية والشناوي وبعد ذلك تم بنا المعهد الاعدادى ثم الثانوي ، وأكتمل الصرح منذ سنوات قليلة . الحمد لله على اكتمال هذا الصرح الذي يحسب لهذه البلدة مع أن هناك قرى كبيرة مجاورة لا يوجد فيها مثل هذا المجمع الازهرى .
كنت احدث صديق لي ويعتبر من الأشخاص الملتزمين دينيا وأخلاقيا في البلد منذ ما يقرب من سنتين
وكان ابنة على وشك الالتحاق بالمدرسة فطبعا نصحته بإلحاق ابنة في المعهد ولكنة رفض لسوء الحالة التعليمية فيه (يعنى المدرسة اللي بتعلم كويس ) . وفضل إلحاقه بمدرسة الوزارة . وبالفعل وجدت أمثالة الكثير ووجدت عدم رغبة الكثير ممن كنا نرى فيهم حب للدين والتزام أصبحوا لا يقبلوا على التعليم الازهرى ووجدت إحجام- عليه .

طيب لو جئنا وفضلنا بين التعليمين أيهما ستختار أيها القارئ ؟؟؟

من وجهة نظري في ظل الحالة السيئة التي يعيشها التعليم أرى أن التعليم الازهرى أفضل لأنة لو لم يتعلم شئ فأنة سيعرف قدرا ولو ضئيل عن دينه الذي يريدون أن يجعلوه ماده أخلاق في مدارس الوزارة ،و أرى وبكل وضوح وثقة أن المستقبل للدين فقط ومن سوف يتعلم دينه هو من سوف يستمر في الأيام القادمة .

سؤالي الآن للسادة الأعضاء :

لماذا قل الإقبال على التعليم الازهرى في مقابل سوء حالة التعليم الوزارة ؟

والله معك حق يادرش التعليم الازهري والتعليم العادي بقوا وجهان لعمله واحده

بس علي الاقل التعليم الازهري الطفل هايحفظ القرأن ويعلم الكثير عن دينه

يبقي الافضليه للتعليم الازهري

لتعليم حاليا هو تعليم خاص !
فالنظرة القديمة للتعليم الازهرى ان له الافضلية من حيث تدريسة للدين وتحفيظ القرأن ودراسة دينة لبعض الامور بالاضافة لدراسة عامة ولكن مع مرور الوقت قاربت صلاحيتة على الانتهاء وأصبح التعليم مدفوع مقدماً" خاص"
وذلك مشاهد من خلال ظهور عدد كبير من المدارس الخاصة والجامعات ايضاً وكله بيترحم على التعليم.

الاتنين زى بعض دلوقتى بس التعليم الازهرى فى الناصريه مش وحش بل بالعكس ولكن ينقصه بعض الالتزامات من الاهالى قبل المعلمين

ومشكور على طرح الموضوع

mo7amed kawther كتب:: والله معك حق يادرش التعليم الازهري والتعليم العادي بقوا وجهان لعمله واحده

بس علي الاقل التعليم الازهري الطفل هايحفظ القرأن ويعلم الكثير عن دينه

يبقي الافضليه للتعليم الازهري

طبعا حتى لو متسوش فالافضلية للتعليم الازهرى لان على مر العصور الازهر كان منارة لنشر العلم والدين حتى فى عصور الاضمحلال كان الامل والشرارة بتخرج من الازهر

محمد هلالي كتب:: لتعليم حاليا هو تعليم خاص !
فالنظرة القديمة للتعليم الازهرى ان له الافضلية من حيث تدريسة للدين وتحفيظ القرأن ودراسة دينة لبعض الامور بالاضافة لدراسة عامة ولكن مع مرور الوقت قاربت صلاحيتة على الانتهاء وأصبح التعليم مدفوع مقدماً" خاص"
وذلك مشاهد من خلال ظهور عدد كبير من المدارس الخاصة والجامعات ايضاً وكله بيترحم على التعليم.

الاتنين زى بعض دلوقتى بس التعليم الازهرى فى الناصريه مش وحش بل بالعكس ولكن ينقصه بعض الالتزامات من الاهالى قبل المعلمين

ومشكور على طرح الموضوع

ان مش معاك فى حكاية النظرة القديمة لان النظرة القديمة مكنتش بتهتم بالدين زى الوقتى لكن من فترة زاد الاهتمام بالازهر وبعد كده بدا الاهتمام ينحصر تدريجيا ،
ومعاك ان دور البيت اهم من دور المعهد او المدرسة لان هما اللى بيتابعو المتعلم لتعديل مسارة ان انحرف ولذلك فالان دور البيت اهم من دور المنشأة التعليمية .

انا شايف ان التعليم الازهري مش موجود اساسا لان مفيش فيه تعليم خالص
ياراجل ده معظم الى بيطلعوا منه مش دلوقتى بس لا حتى من فترة كبيرة مابيعرفوش يكتبوا اسمهم ده طبعا ناهيك عن الانجليزي الى مايسمعوش عنه حاجه
بس انا شايف ان فيه اهتمام بتحسين التعليم الازهرى حاليا
وربنا يوفق
مشكور على الموضوع

اشكرك يا درش على مواضيعك الجادة
انا شايف انه فعلا المستقبل للدين بس مش معناه انه موجود فى الازهر بس
لان الازهر اليومين دول مابقاش المنارة بتاعت زمان يا درش لان المتحكم فيه وفى مناهجه بردوه النظام ..ماعلينا
ومساله حفظ القران اللى بيتعلم بيحفظ علشان ينجح وبس واليله ماشيه كده ..بجانب كثرة المواد مع ضعف مستويات المدرسين وحط تحتها 50 خط ودا موجود كمان فى التعليم الاميرى .
بس ان شاء الله كل الامور دى هاتتغير

والله لو ان لى مائة من الولد لادخلتهم جميعا الازهر ومثل هذا الكلام قاله العلامةابواسحاق الحوينى غير ذلك التعليم العام فىوجودالتعليم الازهرى هو من قبيل الاعراض عن ذكر الله.

أولا أنا بشكر الاستاذ مصطفي علي طرحه هذا الموضوع الرائع
وثانيا أنا يشرفني اني من ابناء هذا المعهد الأزهري
وهو في الحقيقة الازهر له مميزات وله عيوب كتيرة
بس ولو كان فيه ميزة واحدة بتغطي كل عيوبة الا وهي تعليم الدين ناهيك عن حفظ القرأن
فالحمد لله عل هذه النعم التي حبانا الله بها
ولكن حاليا الازهر تتم محاربته لكي يفشل وتنفر الناس منه
علي مافتكر كان مجموع الطب زمان 58% أما دلوقتي بقي 99%
مع العلم ان الطالب بيدرس حوالي 18 مادة في 3 ثانوي فأظن ده حرااااااام
وعشان كده ناس كتير بتخاف من الازهر